Esɑi 1:6 - Bibeli Gusunɔn Gari

⁶ Sɑɑ win wirun di sere kɑ win nɑɑ tɑrɑnɔ, kpuro bɑrɑrɑ. Domi bɑ ǹ win mɛɛrɑbɑ kɑ win bosu teye bu tim ɡumɡim doke bu sere mɑm nɛɛ, bɑ koo bɔke.

Esɑi 1:6 ပူးပေါင်းရင်းမြစ်များ

Sɑmuɛli II 14:25

Abusɑlɔmu wi, durɔ burɔn tiiwɑ. Goo sɑri Isirelibɑ sɔɔ wi u yĩsiru yɑrɑ burɑm mɛn sɑɑbu. Sɑɑ win nɑɑ tɑrɑrun di sere kɑ win wirɔ, ɡɑm sɑri mi kɑɑ kpɑkɑ wɑ.

Yoobu 5:18

Domi wiyɑ u rɑ tɔnu mɛɛrɑ ko, kpɑ u yɛ̃ron bosu nɔɔri. Wiyɑ u rɑ tɔnu kɔsuku, kpɑ u nùn bɛkiɑ.

Womusu 77:2

Nɑ Gusunɔ nɔɔɡiru sue. Nɑ nùn soku, u koo mɑn swɑɑ dɑki.

Esɑi 30:26

Kpɑ Yinni Gusunɔ u win tɔmbun bosu nɔɔri, kpɑ u bu bɛkiɑ mi u bu mɛɛrɑ kuɑ. Dɔmɑ terɑ, surun yɑm bururɑm mu koo ko nɡe sɔ̃ɔɡim, kpɑ sɔ̃ɔɡim mu dorɑ mu sosi nɔn nɔɔbɑ yiru n kere yellu.

Yeremi 17:9

Tɔnun ɡɔ̃ru ɡɑ rɑ kɔ̃sɑ berewɑ. Mɛyɑ ɡen bɑrɑrɑ ku rɑ bɛkure. Goo u wɑ̃ɑ wi u koo kpĩ u ɡen bwisikunu ɡiɑ?

Yeremi 30:12

Wee ye nɛ, Yinni Gusunɔ nɑ mɑɑ bɛɛ Yerusɑlɛmuɡibu sɔ̃ɔmɔ. Nɑ nɛɛ, bɛɛn bɑrɑrɑ kpɑ̃, bɛɛn mɛɛrɑ yɑ ǹ bɛkurɑmɔ.

Yeremi 30:15

Mbɑn sɔ̃nɑ i mɛɛrɑn weeweenu mɔ̀ ye i wɑ bɛɛn torɑnun sɔ̃. I n yɛ̃ mɑ bɛɛn durum bɑkɑn sɔ̃nɑ nɑ bɛɛ yeni kuɑ.

Yeremi 33:6

Wee, sɑɑ ɡɑɑ sisi yè sɔɔ kon ɡu nɔɔri nɡe bɑrɔ. Kon ɡu bɛkiɑ n bwɑ̃ɑ dorɑsiɑ, kpɑ n de ɡen tɔmbu bɑ n wɑ̃ɑ bɔri yɛndu sɔɔ.

Yeremi 6:14

Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ, bɑ n mɔ̀, ɑlɑfiɑ wɑ̃ɑ, ɑdɑmɑ ɑlɑfiɑ ɡɑɑ sɑri.

Yeremi 6:7

Nɡe mɛ dɔkɔ yɑ rɑ nim swĩ mu n kokumɔ, nɡe mɛyɑ Yerusɑlɛmuɡibun nuku kɔ̃suru tɑ rɑ n sɔ̃ɔsirɑmɔ. Dɑɑ bɔɔbɔyɑ kɑ kɑm kobun kookoosun ɡɑriyɑ yi rɑ n nɔɔrɑmɔ mi. Nɑ rɑ n wɑɑmɔ bɑɑdommɑ bɑ tɔmbu nɔni sɔ̃ɔmɔ bɑ bu mɛɛrɑ mɔ̀.

Nɑhumu 3:19

Goo kun wunɛn mɛɛrɑ ye nɔɔrimɔ. Yɑ koo nun ɡowɑ. Wi u nuɑ ye yɑ nun deemɑ, u koo tɑkɑ kowɑ nuku dobun sɔ̃. Domi ɡoo sɑri wi ɑ ǹ nɔni sɔ̃ɔwɑ.

Mɑteu 9:12

Yesu u ben ɡɑri yi nuɑ mɑ u nɛɛ, be bɑ bwɑ̃ɑ do bɑ ǹ timɡiin bukɑtɑ mɔ mɑ n kun mɔ be bɑ bɑrɔ.

Luku 10:34

U susi mɑ u ɡum kɑ tɑm wisi win mɛɛrɑn bosu sɔɔ mɑ u su bɔkuɑ. Yen biru u nùn sɔndi ye u sɔnin wɔllɔ u kɑ nùn dɑ sɔbun sɔbiɑ yerɔ mɑ u nùn nɔɔri.