Esɑi 1:5 - Bibeli Gusunɔn Gari

⁵ Sɛɛyɑsiɑ birɑ̀ u koo mɑɑ bɛɛ ko, domi nɔn dɑbinɑ i nùn seesi. I sɑ̃ɑwɑ nɡe tɔnu wìn bwisikunu kun wɑ̃, mɑ u dɑɑ kɔ̃sɑ mɔ̀.

Esɑi 1:5 ပူးပေါင်းရင်းမြစ်များ

Sinɑmbu II 1:13

Yerɑ Akɑsiɑ u kpɑm wiruɡii ɡoo ɡɔrɑ nɔn itɑse kɑ tɔmbu weerɑɑkuru. Ye wiruɡii wi, u turɑ mi, yerɑ u yɔɔwɑ sere mi Eli u sɔ̃, mɑ u yiirɑ win wuswɑɑɔ u nùn kɑnɑ u nɛɛ, Gusunɔn sɔmɔ wunɛ, nɑ nun kɑnɑmɔ, ɑ nɛ kɑ tɔmbu weerɑɑkuu ten wɑ̃ɑru mɛɛrio.

Bɑndun Gɑri II 28:22

Sɑnɑm mɛ u wɑ̃ɑ nuku sɑnkirɑnu sɔɔ, kɑ mɛ, u Yinni Gusunɔ mɛm nɔɔbu sɑriru koosimɔwɑ u dɔɔ.

Nɛɛmi 9:34

Bɛsɛn sinɑmbu kɑ ben sinɑ ɑsɑkpɔbu kɑ bɛsɛn yɑ̃ku kowobu kɑ bɛsɛn bɑɑbɑbɑ bɑ ǹ wunɛn woodɑbɑ mɛm nɔɔwɛ. Bɑ wunɛn kirɔbɑ ɑtɑfiiru kuɑwɑ.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Esɑi 31:6

Yen sɔ̃, bɛɛ Isirelibɑ, bɛɛ be i kɑ Yinni Gusunɔ wi tondɑ n kpɑ̃, i ɡɔ̃ru ɡɔsio kpɑ i wurɑmɑ win mi.

Esɑi 33:24

Goo kun mɑɑ ɡerumɔ u nɛɛ, u bɑrɔwɑ. Yinni Gusunɔ u koo Yerusɑlɛmuɡibu ben durum wɔkɑ.

Esɑi 9:13

Yen sɔ̃nɑ u koo Isirelibɑn wiru kɑ ben siru burɑ sɔ̃ɔ teerun sɔ̃ɔ.

Yeremi 13:23

Etiopiɡii u koo kpĩ u win wɑsin ɡɔnɑ kɔsi? Musuku ɡbeeku ɡɑ koo mɑɑ kpĩ ɡu ɡen sɑnsun bɑusu kɔsi? Aɑwo. Nɡe mɛyɑ bɛɛ be i kɔ̃sɑn dɔɔnɛ mɔ, i ǹ kpɛ̃ i ɡeɑ ko.

Yeremi 17:9

Tɔnun ɡɔ̃ru ɡɑ rɑ kɔ̃sɑ berewɑ. Mɛyɑ ɡen bɑrɑrɑ ku rɑ bɛkure. Goo u wɑ̃ɑ wi u koo kpĩ u ɡen bwisikunu ɡiɑ?

Yeremi 2:30

Kɑm sɔɔrɑ nɑ bɛɛ sɛɛyɑsiɑ. I ǹ nɛn sɛɛyɑsiɑ bi ɡɑrisi ɡɑ̃ɑnu. I Gusunɔn sɔmɔbu wɔri i ɡo nɡe mɛ ɡbee sunɔ ɡɑ rɑ yɑɑ wɔri ɡu ɡo.

Yeremi 44:15

Yerɑ be kpuro be bɑ yɛ̃ mɑ ben kurɔbu bɑ rɑ bũnu turɑre dɔ̃ɔ dokeye kɑ tɔn kurɔ dɑbinu kpuro be bɑ wɑ̃ɑ mi, kɑ tɔn dɑbi te tɑ tie Pɑturɔsiɔ, Eɡibitin tem mi, bɑ Yeremi sɔ̃ɔwɑ bɑ nɛɛ,

Yeremi 5:3

Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Yeremi 5:5

Kon ɡɔsirɑ n dɑ be bɑ bukuren mi, kpɑ n kɑ bu ɡɑri ko. Domi be, bɑ wunɛn swɛɛ yɛ̃, bɑ mɑɑ wunɛn woodɑbɑ yɛ̃. Wee, ben tii bɑ nun yinɑ nɡe yɑ̃ɑ te tɑ wɛ̃ɛ yinɑ mɑ tɑ yi kɑsukɑ.

Yeremi 9:3

Bɑɑwure u rɑ n win kpɑɑsi tɑki dimɔwɑ. Bɑ ǹ nɑɑnɛ mɔɔsinɛ. Bɑ rɑ n kɔrumɔtɔnu kuɑnɑmmɛwɑ, kpɑ bɑ n weesu sɔ̃ɔnɑmɔ.

Swĩi 5:17

Gisɔ sɑ nuki sɑnkire, mɑ sɑ nɔni yĩresu kokumɔ,

Esekiɛli 24:13

Nɡe mɛyɑ Yerusɑlɛmu yɑ disi duurɑ yen torɑ ni yɑ kuɑn sɔ̃. Wee nɑ kĩɑ n ye dɛɛrɑsiɑ ɑdɑmɑ yɑ ǹ wure. Yen sɔ̃ tɛ̃, yɑ ǹ mɑɑ kpɛ̃ yu dɛɛrɑ sere nɛn mɔru yu kɑ sure.

Esekiɛli 34:16

Kon ni nu kɔ̃ɔrɑ kɑsumɑ n kɑ nɑ. Kpɑ n ni nu mɛɛrɑ wɑn bosu tim doke. Kpɑ n mɑɑ ni nu bɑrɔ nɔɔri nu dɑm ko. Adɑmɑ kon ni nu bɔɔru ɡo. Nɛn tiiwɑ kon nɛn yɑ̃ɑnu kpɑrɑ ɡem sɔɔ.

Esekiɛli 34:4

Bɑ ǹ ni nu kpɑnɑmɔ somi. Bɑ ǹ ni nu bɑrɔ nɔɔri. Bɑ ǹ ni nu mɛɛrɑ wɑn bosu tim doke. Bɑ ǹ ni nu ɡɛrɑmɔ sure swɑɑ ɡeɑ sɔɔ. Mɛyɑ bɑ ǹ ni nu kɔ̃ɔrɑ kɑsu. Adɑmɑ bɑ nu dɑm dɔremɔwɑ.