Esɑi 1:4 - Bibeli Gusunɔn Gari

⁴ Mɑ Esɑi u nɛɛ, bɛɛ Isirelibɑ, bɔ̃rurobɑ i sɑ̃ɑ, domi i durum mɔ̀wɑ. Torɑnu nu yibɑ bɛɛn suunu sɔɔ. Nuku kɔ̃surun wɑ̃ɑrɑ i wɑ̃ɑ. Bɛɛ kpuro i sɑnkirewɑ, domi i Yinni Gusunɔ deri. I nùn ɡɛmɑ, wi, wi u sɑ̃ɑ bɛɛn Yinni Dɛɛro, mɑ i nùn biru kisi.

Esɑi 1:4 ပူးပေါင်းရင်းမြစ်များ

Torubu 13:13

Sodomuɡibu wee, tɔn kɔ̃sobɑ. Bɑ sɑ̃ɑwɑ durumɡibu mɑm mɑm Gusunɔn wuswɑɑɔ.

Sinɑmbu II 21:22

Mɑ u Gusunɔ win sikɑdobɑn Yinni deri, u ǹ win swɛɛ swĩi.

Bɑndun Gɑri II 12:1

Ye Roboɑmu u wɑ mɑ win bɑndɑ dɑm kuɑ, u tɑ̃sɑ, yerɑ u Yinni Gusunɔn woodɑbɑ deri. Mɑ Isirelibɑ kpuro bɑ mɑɑ win yirɑ swĩi.

Bɑndun Gɑri II 27:2

U sĩɑwɑ dee dee Yinni Gusunɔn wuswɑɑɔ. Win tundo Osiɑsin yirɑ u swĩi mɑm mɑm. Adɑmɑ u ǹ due Yinni Gusunɔn sɑ̃ɑ yerɔ. Yen biru, u derɑ tɔmbɑ sɑnkirɑmɔ win tem mɛ sɔɔ.

Nɛɛmi 1:7

ye sɑ ǹ kɑ wunɛn woodɑbɑ kɑ wunɛn ɡere kɑ wunɛn yiirebu mɛm nɔɔwɛ ye ɑ Mɔwisi wunɛn sɔm kowo wɛ̃.

Womusu 58:3

Aɑwo, i kɔ̃sɑ mɔ̀wɑ ɡɔ̃ruɔ. Mɑ i bɔbunu ɑyeru kɛ̃mɔ.

Womusu 71:22

Yinni, kon nun tɔmɑ kɑ mɔrɔku, kpɑ n nun siɑrɑ kɑ womusu wunɛn bɔrɔkinirun sɔ̃. Kon wunɛn yĩsiru wɔlle suɑ kɑ mɔrɔku, wunɛ wi ɑ sɑ̃ɑ Isirelibɑn Yinni Dɛɛro.

Womusu 78:40

Nɔn dɑbinɑ bɑ Gusunɔ seesi ɡbɑburɔ. Nɔn dɑbinɑ bɑ win mɔru seeyɑ.

Womusu 78:41

Bɑ mɑɑ wure bɑ nùn nɔɔ kuurɑ wi, wi u sɑ̃ɑ ben Yinni Dɛɛro.

Womusu 78:57

Bɑ Gusunɔ dɛsirɑri, mɑ bɑ kuɑ nɑɑnɛ sɑribɑ nɡe mɛ ben bɑɑbɑbɑ bɑ rɑɑ kuɑ. Bɑ wururɑ nɡe tɛn tèn kirikɑ yɑ kusirɑ.

Womusu 78:8

Bɑ ǹ mɑɑ mɔ̀ nɡe ben bɑɑbɑbɑ. Domi bɑɑbɑ be, bɑ kuɑ mɛm nɔɔ sɑribɑ, mɑ ben ɡɔ̃ru ɡɑ ǹ kɑ Gusunɔ turo yɔ̃re. Mɑ bɑ kuɑ nɑɑnɛ sɑribɑ Gusunɔn mi.

Womusu 89:18

Domi wunɑ ɑ sɑ̃ɑ ben dɑm kɑ ben bɛɛrɛ. Wunɛn sɑɑbuwɑ sɑ tɑ̃simɔ.

Yɑribu 32:7

Sɑɑ yerɑ Yinni Gusunɔ u Mɔwisi sɔ̃ɔwɑ u nɛɛ, ɑ sɑro fuuku domi wunɛn tɔn be ɑ yɑrɑmɑ Eɡibitin di mi, wee bɑ disi duurɑ.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Esɑi 1:28

Be bɑ mɑn seesi, kon bu kɑm koosiɑ. Be bɑ durum mɔ̀, kpɑ n bu ɡo. Be bɑ mɑɑ mɑn biru kisi, kpɑ n bu kpeerɑsiɑ.

Esɑi 10:6

Nɑ derɑ i bwese te tɑ ǹ nɛn bɛɛrɛ yɛ̃ wɔri te tɑ rɑ nɛn mɔru seeye, kpɑ i tu tɑɑku nɡe swɑɑn pɔtɔkɔ i ten ɑrumɑni ɡurɑ.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 14:20

Bɑ ǹ nun sikɑ nɡe sinɑm be, domi ɑ wunɛn tem ɡo, mɑ ɑ wunɛn tɔmbu kpeerɑsiɑ. Bɑ ǹ mɑɑ wunɛn bwese kɔ̃surun ɡɑri mɔ̀.

Esɑi 29:19

Nɛ, Yinni Gusunɔ, kon de wɔnwɔndobu bɑ n yɛ̃ɛrimɔ bɑ n dɔɔ, kpɑ sɑ̃ɑrobu bu nuku dobu ko, nɛ, Isirelibɑn Yinni dɛɛron sɔ̃.

Esɑi 3:8

Esɑi u mɑɑ nɛɛ, Yerusɑlɛmu yɑ bɑ̃ɑrimɔ, mɑ Yudɑ yɑ wɔrukumɔ yèn sɔ̃ bɑ Yinni Gusunɔ seesi kɑ ben ɡɑri kɑ ben kookoosu. Bɑ ǹ win bɛrum mɔ.

Esɑi 30:1

Yinni Gusunɔ u nɛɛ, bɔ̃rurobɑ Yudɑbɑ be bɑ ku rɑ mɛm nɔ. Bɑ ku rɑ mɑn sɑɑwɑrɑ ko bɑ̀ n wesiɑnɑmɔ. Kpɑ bu kɑ ɡɑbu ɑrukɑwɑni bɔke bɑ kun nɛn kĩru bikie. Bɑ tii durum ɡuremɔ bɑ sɔbimɔ bɑ dɔɔ.

Esɑi 30:15

Adɑmɑ u wure u nɛɛ, ì n ɡɔ̃ru ɡɔsiɑ i wurɑmɑ win mi lɑɑkɑri sɔɔ, i ko fɑɑbɑ wɑ. Mɛyɑ ì n kuɑ tɛɛru i nùn nɑɑnɛ doke, i ko dɑm wɑ. Adɑmɑ i ǹ mɛ kĩɛ.

Esɑi 30:9

Domi tɔn be, bɑ sɑ̃ɑwɑ mɛm nɔɔ sɑribɑ kɑ wee kowobu. Bɑ swɑɑ tɑu, bɑ ǹ kĩ bu sɔ̃ɔsiru swĩi.

Esɑi 31:2

Yen sɔ̃nɑ win tii u yɛ̃ ye u mɔ̀. U koo de kɔ̃sɑ yu nɑ. U ǹ mɑɑ win ɡɑri kɔbiɑmɔ. U koo tɔn kɔ̃sobu seesi, kɑ mɑɑ be bɑ bu somimɔ.

Esɑi 37:23

Wɑrɑ u kɑm mɛɛrɑ u wɔnwɑ. Wɑrɑ u kɑ nɔɔ ɡɔmunu mɔ̀. U ǹ yɛ̃ mɑ wi, Gusunɔ, Isirelibɑn Yinni dɛɛron wuswɑɑɔrɑ u tii sue?

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 41:16

I ko nu sɑrɑwɑ nɡe dobi, woo ɡu kɑ nu doonɑ, kpɑ woo ɡunɑ yu nu yɑrinɑsiɑ, kpɑ i nuku dobu wɑ nɛn min di, nɛ, wi nɑ sɑ̃ɑ bɛɛn Yinni Dɛɛro, kpɑ i mɑn bɛɛrɛ wɛ̃.

Esɑi 41:20

kpɑ tɔmbu bu wɑ kɑ nɔni, bu ɡiɑ mɑ nɛ, Gusunɔ Isirelibɑn Yinni Dɛɛrowɑ nɑ yeni kuɑ.

Esɑi 5:19

bɑ n ɡerumɔ bɑ n mɔ̀, Yinni Gusunɔ u wɑsi suo u win sɔmburu ko fuuku, kpɑ su tu wɑ. Isirelibɑn Yinni Dɛɛro u win himbɑ sɔ̃ɔsio ye u yi, kpɑ su ye ɡiɑ.

Esɑi 5:24

Yen sɔ̃nɑ Yinni Gusunɔ u koo de bu dɔ̃ɔ mwɑɑrɑ nɡe mɛ dɔ̃ɔ u rɑ doo ɡɑ̃ɑnu kɑ yɑkɑ ɡbebusu mwɛ, kpɑ ben ɡbini yi kɔ̃si, kpɑ ben wɛ̃su su kɑ woo doonɑ nɡe tuɑ, yèn sɔ̃ bɑ ǹ Gusunɔ wɔllu kɑ tem Yinnin woodɑbɑ ɡɑrisi ɡɑ̃ɑnu. Mɑ bɑ win ɡɑri ɑtɑfiiru kuɑ, wi, wi u sɑ̃ɑ ben Yinni dɛɛro.

Esɑi 57:17

Nɛn mɔru yɑ seewɑ Isirelibɑn tɑɑrɛ bɑkɑn sɔ̃, mɑ nɑ bu sɛɛyɑsiɑ sere nɑ ǹ mɑɑ kĩ n bu mɛɛri. Adɑmɑ kɑ mɛ, bɑ yɔ̃rɑriwɑ ben mɛm nɔɔ sɑri te sɔɔ, mɑ bɑ ben tiin ɡɔ̃ru kĩru swĩi.

Esɑi 58:2

Tɔ̃ɔ bɑɑtere bɑ rɑ n mɑn sokuwɑ bɑ n kĩ bu ɡiɑ ye nɑ kĩ bu ko. Bɑ mɔ̀ nɡe tɔn be bɑ ɡem swĩi, be bɑ ǹ nɛn woodɑbɑ deri. Bɑ rɑ mɑn kɑnɛ n bu siriɑ dee dee, kpɑ bɑ n kĩ bɑ n kɑ mɑn wɑ̃ɑ.

Esɑi 65:11

Adɑmɑ kon nɑ n bɛɛ deemɑ bɛɛ be i nɛ, Yinni Gusunɔ deri, mɑ i nɛn sɑ̃ɑ yee dɛɛrɑ te duɑri te tɑ wɑ̃ɑ ɡuuru wɔllɔ, i dɑ i dimɔ bũu wi bɑ mɔ̀ Gɑdin nuurɔ, mɑ i bɛɛn nɔri tɑm yibiɑmɔ bũu wi bɑ mɔ̀ Mɛnin sɔ̃.

Esɑi 65:3

Bɑ rɑ n nɛn mɔru seeyɑmɔwɑ kiri kiri. Domi bɑ rɑ n bũu yɑ̃kunu mɔ̀wɑ dɑ̃ɑ konɔ, bɑ n turɑre dɔ̃ɔ dokemɔ yɑ̃ku yenun wɔllɔ ni bɑ kuɑ kɑ biriki.

Esɑi 9:17

Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

Yeremi 15:6

Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Yeremi 2:17

Yeni yɑ koo bɛɛ deemɑ, domi i Gusunɔ bɛɛn Yinni deri sɑnɑm mɛ u bɛɛ kpɑre swɑɑ ɡeɑ sɔɔ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 2:31

Bɛɛ Isirelibɑ, bɛɛ be i tie, i nɛ, Yinni Gusunɔn ɡɑri swɑɑ dɑkio i nɔ. Nɑ bɛɛ sɑ̃ɑwɛwɑ nɡe tem mi ɡɑ̃ɑnu ku rɑ kpi? Nɑ bɛɛ sɑ̃ɑwɛwɑ nɡe yɑm wɔ̃ku nɑnumɡiru? Mbɑn sɔ̃nɑ bɛɛ nɛn tɔmbu i ɡerumɔ i mɔ̀, i tii mɔ, i ǹ ɡɔsirɑmɑmɔ nɛn mi.

Yeremi 2:33

I durɔ dɑmɑ bwisi mɔ sere kurɔ tɑnɔbu bɑ yi ɡiɑmɔ bɛɛn min di.

Yeremi 2:5

Yinni Gusunɔ u nɛɛ, torɑ terɑ̀ bɛɛn sikɑdobɑ bɑ nùn wɑɑsi bɑ kɑ nùn deri, bɑ dɑ bɑ kɑm swĩi, mɑ ben tii bɑ kɑm kuɑ.

Yeremi 32:32

Domi Yudɑbɑ kɑ Yerusɑlɛmuɡibu kɑ Isirelibɑ, be kɑ ben sinɑmbu kɑ ben sinɑ ɑsɑkpɔbu kɑ ben yɑ̃ku kowobu kɑ Gusunɔn sɔmɔbu, bɑ kɔ̃sɑ kuɑ. Yerɑ yɑ nɛn mɔru seeyɑ.

Yeremi 50:29

I tɛn towobu mɛnnɔ bu Bɑbiloni wɔri, kpɑ bu ben sɑnsɑni ɡirɑ bu kɑ ye sikerenɑ, kpɑ bu ku rɑɑ de ɡoo u kisirɑ min di. Bu bu kɔsieyo nɡe mɛ ben dɑɑ yɑ nɛ. Bu bu kuo nɡe mɛ bɑ rɑɑ ɡɑbu kuɑ. Domi bɑ tii wɔlle suɑ nɛ, Yinni Gusunɔn wuswɑɑɔ, nɛ wi nɑ sɑ̃ɑ Isirelibɑn Yinni Dɛɛro.

Yeremi 51:5

Domi bɑ Gusunɔ Isirelibɑn Yinni Dɛɛro torɑri n kpɑ̃. Adɑmɑ wi, Gusunɔ, wɔllu kɑ tem Yinni, u kɑ win tɔmbu Isirelibɑ kɑ Yudɑbɑ wɑ̃ɑ.

Yeremi 7:19

Adɑmɑ kɑ ɡem, n ǹ nɛ bɑ torɑrimɔ, beyɑ bɑ tii sekuru dokemɔ.

Yeremi 7:26

Adɑmɑ i swɑɑ tɑɑyɑ i ǹ mɑn swɑɑ dɑki. Mɑ i kɔ̃sɑ kuɑ n kere ye bɛɛn bɑɑbɑbɑ bɑ kuɑ.

Esekiɛli 14:5

Nɛn wisi biyɑ bu koo de Isirelibɑ bu bwisiku ben ɡɔ̃ruɔ be, be bɑ mɑn yinɑ ben bũu sɑ̃ɑrun sɔ̃.

Esekiɛli 16:33

Kurɔ tɑnɔ bɑɑwurewɑ bɑ rɑ ɡɑ̃ɑnu kɛ̃. Adɑmɑ wunɛ, ɑ durɔ tɑnɔbu ɡɑ̃ɑnu wɛ̃ɛmɔ kpɑ ɑ kɑ bu ɡɑwɑmɑ beri berikɑ kpuron di.

Esekiɛli 16:45

A sɑ̃ɑwɑ wunɛn mɛron bii wi u durɔ kɑ bibu yinɑ. A sɑ̃ɑwɑ nɡe wunɛn mɑɑbu be bɑ durɔ kɑ bibu yinɑ. Bɛɛn mɛro u sɑ̃ɑwɑ Hɛti. Mɑ bɛɛn tundo u sɑ̃ɑ Amɔreɡii.

Dɑniɛli 9:11

Mɛyɑ bɛsɛ Isirelibɑ kpuro sɑ wunɛn woodɑbɑ sɑrɑ, sɑ ǹ wunɛn ɡere swɑɑ dɑki. Sɑ torɑ. Yen sɔ̃nɑ bɔ̃ri yi ɑ derɑ wunɛn sɔm kowo Mɔwisi u yoruɑ woodɑn tireru sɔɔ yi sun di.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Gbɑburu 32:14

Wee, tɛ̃ bɛɛ, i kĩ i bɛɛn bɑɑbɑ ben yirɑ swĩi, kpɑ i de Yinni Gusunɔ u kpɑm mɔru bɛsirɑ kɑ bɛɛ Isirelibɑ.

Mɑteu 11:28

I nɑ nɛn mi bɛɛ kpuro, bɛɛ be i kɑ bɛɛn sɔmunu wɑsirɑ, kon bɛɛ wɛ̃rɑsiɑ.

Mɑteu 23:33

Wɑɑ ɡɔsɔ wuuru bɛɛ! Amɔnɑ i ko kɑ dɔ̃ɔ wi u ku rɑ ɡbin tɑɑrɛ suuri.

Mɑteu 3:7

Ye Yohɑnu u wɑ mɑ Fɑlisibɑ kɑ Sɑdusibɑ dɑbinu bɑ nɑ win mi u kɑ bu bɑtɛmu ko, u bu sɔ̃ɔwɑ u nɛɛ, bɛɛ wɑɑ ɡɔsɔnu wɑrɑ u mɑɑ bɛɛ sɔ̃ɔwɑ i Gusunɔn mɔru dukɑ suuri ye yɑ wee.

Romu 8:7

Domi be bɑ ben dɑɑɡiɑ bwisikumɔ bɑ kuɑ Gusunɔn yibɛrɛbɑ. Bɑ ǹ Gusunɔn woodɑ mɛm nɔɔwɑmmɛ, bɑ ǹ mɑm kpɛ̃.

Korinti I 10:22

Sɑ kĩ su Yinnin nisinu seeyɑwɑ? Sɑ nùn dɑm kere?

Sɔ̃ɔsiru 29:25

Mɑ bɑ bũnu sɑ̃ɑru wɔri ni bɑ ǹ dɑɑ yɛ̃ ni Yinni Gusunɔ u bu yinɑri.

Sɔ̃ɔsiru 31:16

Yinni Gusunɔ u Mɔwisi sɔ̃ɔwɑ u nɛɛ, wee kɑɑ wurɑ ɑ wunɛn sikɑdobɑ deemɑ. Wunɛn biru, Isirelibɑ bɑ koo mɑn deri kpɑ bu nɛn ɑrukɑwɑni kusiɑ ye nɑ kɑ bu bɔkuɑ kpɑ bu dɑ bu bũnu ɡɑsiri bu sɑ̃ tem mi bɑ duɔ mi sɔɔ.

Sɔ̃ɔsiru 32:19

Sɑnɑm mɛ Gusunɔ u wɑ mɛ, yerɑ win mɔru seewɑ mɑ u bu ɡɛmɑ be, be bɑ sɑ̃ɑ win bibu.

Sɔ̃ɔsiru 32:5

Adɑmɑ bɛɛ, i sɑ̃ɑwɑ tɔn kɔ̃sobu be bɑ ǹ dee dee swĩi. I nùn torɑri. Yɑ kuɑ bɛɛn sekuru. I ǹ mɑɑ sɑ̃ɑ win bibu.

Kolose 1:24

Tɛ̃ nɛn nukurɑ do yèn sɔ̃ nɑ nɔni swɑ̃ɑru wɑɑmɔ bɛɛn sɔ̃. Mɑ nɑ nɔni swɑ̃ɑ te yibiɑmɔ te Kirisi u koo rɑ wɑ win yiɡbɛrun sɔ̃ te tɑ sɑ̃ɑ win wɑsi.

Kɑ̃siru 18:5

Domi yen durum yɑ wɔllu ɡirɑri, mɑ Gusunɔ u yen kom kɔ̃sum yɑɑyɑ.

Kpɑrobu 10:10

Yerɑ bɑ Yinni Gusunɔ nɔɔɡiru sue bɑ nɛɛ, sɑ nun torɑri sɑ durum kuɑ. Domi sɑ nun deri wunɛ wi ɑ sɑ̃ɑ bɛsɛn Yinni mɑ sɑ dɑ sɑ bũu ni bɑ mɔ̀ Bɑɑlibɑ sɑ̃ɑmɔ.