Esɑi 1:10 - Bibeli Gusunɔn Gari

¹⁰ Mɑ Gusunɔ u nɛɛ, bɛɛ wiruɡibu be i kɑ Sodomuɡibu weenɛ, i nɛ, Yinni Gusunɔn ɡɑri swɑɑ dɑkio. Bɛɛ be i mɑɑ tie, i kɑ Gomɔrɑɡibu weenɛ, i nɛn woodɑ mɛm nɔɔwɔ.

Esɑi 1:10 ပူးပေါင်းရင်းမြစ်များ

Torubu 13:13

Sodomuɡibu wee, tɔn kɔ̃sobɑ. Bɑ sɑ̃ɑwɑ durumɡibu mɑm mɑm Gusunɔn wuswɑɑɔ.

Esɑi 28:14

Tɛ̃ bɛɛ yɑɑko kowobu, bɛɛ be i Yerusɑlɛmuɡibu dɑm dɔremɔ, i swɑɑ dɑkio i nɔ ye Yinni Gusunɔ u ɡerumɔ.

Esɑi 3:9

Ben kookoosu su ben dɑɑn seedɑ dimɔ. Ben dɑɑ kɔ̃sɑ kun beruɑ. Bɑ ye mɔ̀ bɑtumɑ sɔɔ nɡe Sodomuɡibu. Bɔ̃rurobɑ bɑ sɑ̃ɑ, domi bɔ̃riyɑ bɑ tii sɔɔru kuɑmmɛ mi.

Esɑi 30:9

Domi tɔn be, bɑ sɑ̃ɑwɑ mɛm nɔɔ sɑribɑ kɑ wee kowobu. Bɑ swɑɑ tɑu, bɑ ǹ kĩ bu sɔ̃ɔsiru swĩi.

Esɑi 33:22

Wee, sin wɛ̃ɛ yi koo kɑsikirɑ, kpɑ yi kun mɑɑ sin bekɑ nɛni ɡberebɑ sɔɔ woo ɡu kɑ su bɔriɑ. Yerɑ n koo de bu bu dukiɑ bɑkɑ ɡurɑri. Bɑɑ kɑ yɛmɔbɔ bɑ koo dɑ mi, bu kɑ yɑ̃ɑ ni ɡurɑ. Yinni Gusunɔwɑ u ko n sɑ̃ɑ bɛsɛn siri kowo, kpɑ u sun woodɑ wɛ̃. Wiyɑ u ko n sɑ̃ɑ bɛsɛn sinɑ boko. Kpɑ u sun fɑɑbɑ ko.

Esɑi 8:20

Adɑmɑ bɛɛ, i bu wisio i nɛɛ, bu doo bu Yinni Gusunɔn woodɑn tireru ɡɑri. Wìn ɡɑri yi ǹ kɑ woodɑ nɔɔ tiɑ sɑ̃ɑ, i ku yi swɑɑ dɑki. Yi ǹ bɛɛ ɑrufɑɑni ɡɑɑ mɔ̀.

Yeremi 23:14

Adɑmɑ kom kɔ̃sum mɛ nɑ wɑ Gusunɔn sɔmɔbun suunu sɔɔ Yerusɑlɛmuɔ, mu beɔnɔɡim kere. Bɑ sɑ̃ɑwɑ sɑkɑrɑ kowobu, mɑ bɑ weesu mɔ̀, bɑ tɔn kɔ̃sobu dɑm kɛ̃mɔ bu ku kɑ ben kom kɔ̃sum deri, mɑ nɑ be kpuro ɡɑrisi nɡe Sodomu kɑ Gomɔrɑn tɔmbu.

Esekiɛli 13:2

tɔnun bii, ɑ tɔn be ɡerusio be bɑ tii kuɑ nɛn sɔmɔbu. A de bu swɑɑ dɑki ye kon bu sɔ̃.

Esekiɛli 16:35

Tɛ̃, nɛ, Yinni Gusunɔ nɑ nɛɛ, Yerusɑlɛmu, ɑ mɑn swɑɑ dɑkio wunɛ wi ɑ sɑ̃ɑ nɡe kurɔ tɑnɔ.

Esekiɛli 16:46

Wunɛn mɔɔ wi u wɑ̃ɑ sɔ̃ɔ yɛ̃sɑn nɔm ɡeu ɡiɑ, wiyɑ Sɑmɑri kɑ yen bii wɔndiɑbɑ. Wunɛn wɔnɔ wi u mɑɑ wɑ̃ɑ sɔ̃ɔ yɛ̃sɑn nɔm dwɑru ɡiɑ wiyɑ Sodomu kɑ yen bibu.

Esekiɛli 16:49

Torɑ ni yɑ kuɑ wee. Yɑ tii sue mɑ yɑ wɑ̃ɑ doo nɔɔru kɑ bɔri yɛndu sɔɔ. Yɑ ku rɑ wɔnwɔndobu kɑ sɑ̃ɑrobu somi.

Amɔsu 3:1

I swɑɑ dɑkio i nɔ ye nɛ, Yinni Gusunɔ nɑ ɡerumɔ, bɛɛ Isirelibɑ kpuron sɔ̃, bɛɛ be nɑ yɑrɑmɑ Eɡibitin di.

Amɔsu 3:8

Gbee sunɔ ɡɑ̀ n ɡbɑ̃rɑ, wɑrɑ ku rɑ nɑnde. Nɛ, Yinni Gusunɔ nɑ̀ n ɡɑri ɡeruɑ, nɛn sɔmɔ wɑrɑ kun yi kpɑrɑmɔ.

Amɔsu 9:7

Yinni Gusunɔ u mɑɑ nɛɛ, bɛɛ Isirelibɑ, i ǹ Etiopiɡibu kere nɛn nɔni sɔɔ. Geemɑ, nɑ bɛɛ yɑrɑ Eɡibitin tem di. Adɑmɑ nɑ mɑɑ Filisitibɑ yɑrɑ Kɑfitorin di. Mɑ nɑ mɑɑ Siriɡibu yɑrɑ Kirin di.

Misee 3:1

Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃. N ǹ bɛɛyɑ n weenɛ i n woodɑbɑ yɛ̃?

Romu 9:29

N sɑ̃ɑwɑ nɡe mɛ Esɑi u rɑɑ ɡeruɑ u nɛɛ, “Gusunɔ, wɔllu kɑ tem Yinni ù kun dɑɑ sun bweseru tie, sɑ ko rɑɑ kowɑ nɡe Sodomu. Sɑ ko rɑɑ kɑ Gomɔrɑ weenɑ.”

Sɔ̃ɔsiru 32:32

Ben yibɛrɛ be, bɑ sɑnkirewɑ nɡe Sodomu kɑ Gomɔrɑɡibu. Bɑ sɑ̃ɑwɑ nɡe tɑm mɛ mu sosu, mɑ mu dɛ̃ɛ mɔ.

Kɑ̃siru 11:8

Ben ɡonu ko n kpĩ wuu bɔkɔ ɡen swɑɑ sɔɔ, wuu mi bɑ ben Yinni dɑ̃ɑ bunɑnɑru kpɑre. Wuu ɡen yĩsirɑ bɑ weenɑsinɑ kɑ Sodomu, ǹ kun mɛ kɑ Eɡibiti.