Sɔ̃ɔsiru 8:17 - Bibeli Gusunɔn Gari

¹⁷ I n tii sɛ kpɑ i ku rɑ ɡere i nɛɛ, bɛɛn hɑniɑ kɑ bɛɛn tiin dɑmɑ i kɑ ɑrumɑni ye wɑ.

Sɔ̃ɔsiru 8:17 ပူးပေါင်းရင်းမြစ်များ

Sɔ̃ɔsiru 9:4

Sɑnɑm mɛ Gusunɔ bɛsɛn Yinni u koo bɛɛ bu ɡirɑ bɛɛn wuswɑɑn di, i ku rɑ tii suɑ i nɛɛ, bɛɛn ɡeɑn kobun sɔ̃nɑ Yinni Gusunɔ u bɛɛ duusiɑ tem mɛ sɔɔ. Domi bwese nin kɔ̃sɑn kobun sɔ̃nɑ u koo nu ɡirɑ bɛɛn wuswɑɑn di.

Korinti I 4:7

A tɑmɑɑ ɡoo nun mɛɛrɑ ɑ ɡɑbu sɑnɔ kere? Mbɑ ɑ mɔ ye bɑ ǹ nun kɑ̃. Mɑ̀ ɑ yɛ̃ bɑ nun kɑ̃wɑ, mbɑ n kuɑ ɑ kɑ woo kɑnɑmɔ nɡe wi u kɑ tii wɑ.

Dɑniɛli 4:30

Yɑnde ɡɑri yi, yi Nɛbukɑnɛsɑɑ deemɑ. Bɑ nùn ɡirɑ tɔmbun suunu sɔɔn di. Mɑ u yɑkɑsu dim wɔri nɡe nɑɑ u dirum soore. Mɑ win seri dɛnyɑ nɡe ɡunɔ bɑkerun sɑnsu. Mɑ win nii kɔkɔsu su dɛnyɑ nɡe ɡunɔɡisu.

Osee 12:8

Bɛɛ Isirelibɑ i sɑ̃ɑwɑ nɡe tenku be bɑ kilo weesuɡiɑ nɛni. Bɑ rɑ ɡbɛnɑ kɑ̃.

Sɔ̃ɔsiru 7:17

Sɔrɔkudo i ko i ɡere bɛɛn ɡɔ̃ruɔ i nɛɛ, bwese ni, nu bɛɛ dɑm kere. Amɔnɑ i ko i ko i kɑ nu ɡirɑ.

Hɑbɑkuku 1:16

Yen sɔ̃nɑ bɑ rɑ ben yɑ̃ɑkoronu yɑ̃kunu kue, kpɑ bu nu turɑre dɔ̃ɔ dokeɑ. Domi nin sɑɑbuwɑ bɑ koo kɑ kpĩ bu dĩɑ ɡeenu wɑ ni nu do bu di.

Kpɑrobu 7:2

Yerɑ Yinni Gusunɔ u Gedeoni sɔ̃ɔwɑ u nɛɛ, wunɛn tɔn be, bɑ dɑbi too. Nɑ̀ n bu Mɑdiɑnibɑ nɔmu bɛriɑ bɑ ko n tɑmɑɑ ben tiin dɑmɑ bɑ kɑ bu kɑmiɑ. Bɑǹ koo mɑɑ mɑn siɑrɑ.

Sɑmuɛli I 2:7

Yinni Gusunɔn min diyɑ yɑ̃ɑru kɑ ɑrumɑni yɑ rɑ nɛ. U rɑ ɡoo tɑɑre temɔ, kpɑ u ɡoo wɔlle suɑ.

Womusu 44:3

Kɑ wunɛn tiin nɔmɑ ɑ bwese tukunu ɡirɑ. A bwese ni so nu yɑrinɑ, mɑ ɑ bɛsɛn bɑɑbɑbɑ swĩi nin wɑ̃ɑ yenɔ.

Wɑɑsu kowo 9:11

Nɑ mɑɑ wɑ hɑnduniɑ ye sɔɔ, n ǹ mɔ be bɑ dukɑ mɔ tɔnɑwɑ bɑ rɑ ɡɑrɑsɑ di bɑɑdommɑ. N ǹ mɑɑ mɔ tɑbu durɔ dɑmɡibu tɔnɑwɑ bɑ rɑ tɑbu di bɑɑdommɑ. Mɛyɑ n ǹ mɑɑ mɔ bwisiɡibɑ bɑ rɑ dĩɑnu wɑ bɑ kun wɑhɑlɑ kue. N ǹ mɑɑ mɔ lɑɑkɑriɡibu tɔnɑwɑ bɑ rɑ ko ɡobiɡibu bɑɑdommɑ. N ǹ mɑɑ yɛ̃ruɡibu tɔnɑ tɔmbu bɑ rɑ bɛɛrɛ wɛ̃. Domi be kpurowɑ kɔ̃sɑ kɑ ɡeɑ yɑ rɑ deemɛ.

Sɑmuɛli I 30:23

Yerɑ Dɑfidi u bu sɔ̃ɔwɑ u nɛɛ, nɛɡibu i ku ko mɛ ye Yinni Gusunɔ u sun kɑ̃ sɔɔ. Wee, u sun kɔ̃su bɛsɛn yibɛrɛbɑn suunu sɔɔ, mɑ u sun bu nɔmu bɛriɑ.

Yoobu 31:25

Nɑ ǹ mɑɑ tii suɑre nɛn dukiɑn kpɑ̃ɑrun sɔ̃.

Wɑɑsu kowo 3:6

Gɑ̃ɑnun kɑso kɑ ɡen sɑɑ, nin kɔ̃ɔrɑbu kɑ mɑɑ bin sɑɑ. Gɑ̃ɑnun yiibu kɑ bin sɑɑ, nin kɔ̃ɔbu mɑɑ kɑ bin sɑɑ.

Yeremi 9:22

Yen sɔ̃, bwisiɡii u ku woo kɑnɑ win bwisin sɔ̃. Dɑmɡii u ku mɑɑ woo kɑnɑ win dɑm sɔ̃. Mɛyɑ dukiɑɡii u ku woo kɑnɑ win dukiɑn sɔ̃.

Esekiɛli 28:5

Win bwisi bɛkɛ kɑ win tenkurun sɔ̃, win dukiɑ yɑ kuurɑ. Mɑ u tii suɑ dukiɑ yen sɔ̃.

Dɑniɛli 4:27

Mɑ u nɛɛ, Bɑbiloni wee, wuu bɔkɔ ɡe nɑ bɑnɑ kɑ nɛn tiin dɑm ɡɑ n kɑ sɑ̃ɑ nɛn sinɑ kpɑɑru. Gɑ mɑɑ nɛn yiiko kɑ nɛn bɛɛrɛ sɔ̃ɔsimɔ.