Sɔ̃ɔsiru 4:6 - Bibeli Gusunɔn Gari

⁶ Ì n ye mɛm nɔɔwɑ mɑ i ye swĩi dee dee, bwese ni nu tie nù n woodɑ ye nuɑ, nu koo bɛɛ ɡɑrisiwɑ yɛ̃robu kɑ bwisiɡibu, kpɑ nu nɛɛ, ɑnnɑ ɑ bwese bɑkɑ ten yɛ̃ru kɑ bwisi wɑ!

Sɔ̃ɔsiru 4:6 ပူးပေါင်းရင်းမြစ်များ

Yoobu 28:28

Sɑɑ yerɑ u tɔmbu sɔ̃ɔwɑ u nɛɛ, bu nùn nɑsio, yerɑ yɑ sɑ̃ɑ bwisi. Wi u mɑɑ kɔ̃sɑ ɡɛɛrɑri, wiyɑ u bwisi mɔ.

Womusu 111:10

À n kĩ ɑ ko bwisiɡii, ɑ de ɑ ɡinɑ Gusunɔ nɑsiɑ. Be bɑ bwisi mɔ, beyɑ bɑ rɑ yirɑ ye swĩi. Win bɛɛrɛ yɑ ko n wɑ̃ɑwɑ sere kɑ bɑɑdommɑɔ.

Womusu 19:7

U rɑ yɑriwɑ wɔllun bee tiɑ, kpɑ u du berɑ ɡiɔ. Ù n sĩimɔ, ɡɑ̃ɑnu sɑri ni nu koo win yɑm susuru suuri.

Womusu 19:8

Yinni Gusunɔn ɡɑri yi yibɑ. Yi rɑ tɔnu wɑ̃ɑru kɑ dɑm wɛ̃. Yinni Gusunɔn nɔɔn ɡɑri yi nɑɑnɛ mɔ. Yi rɑ yɛ̃ru sɑriruɡii bwisi kɛ̃.

Mɔnnu 1:4

Nu koo lɑɑkɑri sɑriruɡii ko lɑɑkɑriɡii, kpɑ nu ɑluwɑɑsi yɛ̃ru kɑ bwisi kɛ̃.

Mɔnnu 1:5

Niyɑ nu koo mɑɑ bwisiɡiin bwisi sosi, kpɑ nu yɛ̃ruɡii kpɑrɑ

Mɔnnu 1:7

À n kĩ ɑ n bwisi mɔ, ɑ de ɑ ɡinɑ Gusunɔ nɑsiɑ. Domi wi u rɑ bwisi kɑ sɛɛyɑsiɑbu ɑtɑfiiru ko, u sɑ̃ɑwɑ ɡɑri bɔkɔ.

Mɔnnu 14:34

Gem mu rɑ temɡibu bɛɛrɛ dokewɑ, ɑdɑmɑ durum yɑ rɑ bu sekuru dokewɑ.

Mɔnnu 14:8

Bwisiɡii u rɑ n win sɑnu sɑnusu lɑɑkɑri sɑ̃ɑwɑ, ɑdɑmɑ ɡɑri bɔkɔ u rɑ kɔ̃ɔrewɑ win ɡɑri bɑkɑrun sɔ̃.

Esɑi 42:21

Yinni Gusunɔ u woodɑ bɑkɑ ɡeɑ yɑrɑ win tɔmbun ɑrufɑɑnin sɔ̃.

Yeremi 8:9

Wee bwisiɡibɑ nɛ, Yinni Gusunɔn ɡɑri ɡɛmɑ. Mɑ bɑ yibɛrɛbɑn yinɑ mwɑɑrɑ bɑ wɑ̃ɑ biti kɑ sekuru sɔɔ. Ǹ n mɛn nɑ, bwisi yirɑ̀ bɑ mɑɑ mɔ.

Esekiɛli 5:5

Yinni Gusunɔ u nɛɛ, yĩre ni, Yerusɑlɛmuwɑ nu kɑ yɑ̃. Wee nɑ ye kuɑ hɑnduniɑn suunu. Tɔn tukobun tem mu ye sikerenɛ.

Dɑniɛli 1:20

Gɑri yi sinɑ boko u bu bikiɑ kpuro, bɑ rɑ yi wisiwɑ kɑ bwisi, kɑ yɛ̃ru. Mɑ u wɑ bɑ dobo doboɡibu kɑ sɔrobu bwisi kere sere mi n tomɑ, be bɑ wɑ̃ɑ win tem sɔɔ kpuro.

Dɑniɛli 4:9

Ten wurusu wɑ̃ mɑ tɑ mɑrɑ siki siki nɡe ɡɑndiɑ. Te sɔɔrɑ hɑnduniɑɡibu kpuro bɑ rɑ ben dĩɑnu wɑ. Ten sɑɑrɔwɑ ɡbeeku yɛɛ yi rɑ sɔ̃ɔ sure. Ten kɑ̃ɑsi wɔllɔwɑ ɡunɔsu su sokunu sɑ̃ɑ. Te sɔɔrɑ hunde koni bɑɑyere yɑ rɑ yen dĩɑnu wɑ.

Osee 8:12

Bɑɑ nɑ̀ n bu nɛn woodɑbɑ yoruɑ sere kɑ yen ɡɑri piiminɔ, bɑ rɑ ye ɡɑrisiwɑ nɡe ye yɑ wee tɔn tukon min di.

Mɑlɑsi 3:12

Bwesenu kpuro nu koo nɛɛ, doo nɔɔruɡibɑ bɛɛ. Domi bɛɛn tem mu ko n doo nɔɔru mɔ. Nɛ Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 29:9

Mɔwisi u mɑɑ nɛɛ, wee ɡisɔ i nɑ Gusunɔ bɛsɛn Yinnin wuswɑɑɔ kɑ bɛɛn bwese kɛrin wiruɡibu kɑ yin ɡuro ɡurobu kɑ yin tɑbu sinɑmbu, bɛɛ Isirelibɑ kpuro ɡesi kɑ bɛɛn kurɔbu kɑ bibu kɑ sere tɔn tukobu be bɑ wɑ̃ɑ bɛɛn suunu sɔɔ kɑ bɛɛn sɔm kowobu be bɑ rɑ bɛɛ dɑ̃ɑ kɑsue kɑ be bɑ nim tɑkirimɔ.

Sɔ̃ɔsiru 32:46

woodɑ ye nɑ bɛɛ wɛ̃ɛmɔ mini ɡisɔ, i ye mɛm nɔɔwɔ. I de i ye bɛɛn bibu sɔ̃ɔsi kpɑ bu wɑ bu ye mɛm nɔɔwɑ kpuro.

Sɔ̃ɔsiru 32:47

I n yɛ̃ mɑ woodɑ ye, yɑ ǹ fɑɑɡin ɡɑri. Domi yeyɑ yɑ koo bɛɛ wɑ̃ɑru wɛ̃ kpɑ yu de tu dɑkɑɑ dɑ tem mɛ sɔɔ, mɛ i ko i mwɑ Yuudɛnin ɡuru ɡiɔ.

Timɔte II 3:15

Sɑɑ wunɛn birun diyɑ ɑ Gusunɔn ɡɑri yɛ̃ yi yi koo kpĩ yi nun bwisi kɛ̃ ɑ kɑ Yesu Kirisi nɑɑnɛ doke kpɑ ɑ fɑɑbɑ wɑ.

Yɑkɔbu 3:13

Bɛɛn wɑrɑ u bwisi kɑ yɛ̃ru mɔ. U bwisi yi sɔ̃ɔsio win dɑɑ ɡeɑ sɔɔ kɑ kookoo si u mɔ̀ kɑ tii kɑwɑbu kɑ lɑɑkɑri.