Sɔ̃ɔsiru 4:39 - Bibeli Gusunɔn Gari

³⁹ Ǹ n mɛn nɑ, i bwisikuo ɡisɔ kpɑ i n yɛ̃ mɑ Gusunɔ turowɑ u sɑ̃ɑ Yinni wɔllɔ kɑ temɔ. Goo mɑɑ sɑri nɡe wi.

Sɔ̃ɔsiru 4:39 ပူးပေါင်းရင်းမြစ်များ

Sɑmuɛli II 7:22

Gɑ̃ɑnu kpuro ye sɑ nuɑ ɑ kuɑ, ɡeemɑ, yɑ sɔ̃ɔsimɔ mɑ ɑ kpɑ̃. Goo sɑri wi u sɑ̃ɑ nɡe wunɛ. Wunɛ turowɑ ɑ sɑ̃ɑ Gusunɔ.

Bɑndun Gɑri I 17:20

Gɑ̃ɑnu kpuro ye sɑ nuɑ ɑ kuɑ, yɑ sɔ̃ɔsi mɑ ɑ kpɑ̃. Goo sɑri wi u sɑ̃ɑ nɡe wunɛ. Wunɛ turowɑ ɑ sɑ̃ɑ Gusunɔ.

Bɑndun Gɑri I 28:9

Mɑ u mɑɑ nɛɛ, wunɛ mɑɑ Sɑlomɔɔ nɛn bii, ɑ Gusunɔ, nɛ wunɛn tundon Yinni ɡio kpɑ ɑ nùn sɑ̃ kɑ wunɛn ɡɔ̃ru kpuro kɑ wunɛn bwɛ̃rɑ kpuro. Domi wiyɑ u rɑ tɔmbun ɡɔ̃rusu kɑ ben bwisikunu wɛ̃ɛri. À n nùn kɑsu, u koo de ɑ nùn wɑ. Adɑmɑ ɑ̀ n nùn deri, u koo mɑɑ nun deriwɑ sere kɑ bɑɑdommɑɔ.

Bɑndun Gɑri I 29:11

Yinni Gusunɔ, wunɑ ɑ kpɑ̃, ɑ dɑm mɔ, ɑ mɑɑ yiiko mɔ. A ǹ nɔru mɔ. Domi wunɑ ɑ mɔ kpuro ye yɑ wɑ̃ɑ wɔllɔ kɑ ye yɑ wɑ̃ɑ temɔ. Wunɑ ɑ bɑndu dii, wunɑ ɑ kpuro kere.

Bɑndun Gɑri II 20:6

Mɑ u nɛɛ, Gusunɔ bɛsɛn bɑɑbɑbɑn Yinni, wunɑ ɑ sɑ̃ɑ Yinni wɔllɔ. Wunɑ ɑ bwesenu kpuron bɑndu nɛni. Wunɑ ɑ mɑɑ dɑm kpuro nɛni wunɛn nɔmɑɔ. Goo sɑri wi u koo kɑ nun tɑbu ko.

Womusu 100:3

I n yɛ̃ mɑ wi turowɑ u sɑ̃ɑ Gusunɔ. Wiyɑ u sun tɑkɑ kuɑ. Sɑ sɑ̃ɑwɑ win tɔmbu. Sɑ sɑ̃ɑwɑ nɡe yɑ̃ɑ ɡɔ̃ɔ ɡe u kpɑre.

Womusu 115:3

Gusunɔ bɛsɛn Yinni u wɑ̃ɑ wɔllɔ, u mɔ̀ ye u kĩ.

Womusu 135:6

Ye u kĩ, yerɑ u rɑ ko wɔllɔ kɑ temɔ kɑ nim wɔ̃kuɔ kɑ ɡen sɔɔwɔ.

Yɑribu 8:10

Bɑ nu ɡurɑ bɑ mɛnnɑ mɛnnɑ. Mɑ nin nuburɑ yibɑ tem mɛ sɔɔ.

Esɑi 1:3

Nɑɑ kinɛnu nu rɑ n nin kpɑro yɛ̃. Kɛtɛkunu nu rɑ n mɑɑ yɛ̃ mi nin yinni u rɑ nu dĩɑnu yiiye. Adɑmɑ nɛn tɔmbu Isirelibɑ bɑ ǹ mɑm kĩ bu ɡɑ̃ɑnu ɡiɑ. Bɑ ku rɑ ɡɑ̃ɑnu tubu.

Esɑi 43:10

Wunɛ Isirelin bweseru, wunɑ ɑ sɑ̃ɑ nɛn seedɑ. Wunɑ nɑ ɡɔsɑ ɑ n sɑ̃ɑ nɛn sɔm kowo, kpɑ ɑ n kɑ yɛ̃ kɑm kɑm mɑ nɛ bɑɑsi, Gusunɔ ɡoo mɑɑ sɑri. Mɛyɑ Gusunɔ ɡoo kun mɑɑ koorɔ.

Esɑi 44:8

I ku nɑndɑ bɛɛ Isirelibɑ, i ku mɑɑ diiri. Nɑ ǹ bɛɛ ye sɔ̃ɔwɑ sɑɑ yellun di ro? Bɛɛyɑ i sɑ̃ɑ nɛn seedɑɡibu. Goo mɑɑ wɑ̃ɑ wi u sɑ̃ɑ Gusunɔ nɛ bɑɑsi ro? Aɑwo, ɡoo mɑɑ sɑri wi u dɑm mɔ nɡe nɛ.

Esɑi 5:12

Gɔ̃ɔɡenu kɑ mɔrɔkunu, kɑ bɑrɑnu kɑ ɡuunu kɑ sere tɑm, yerɑ yɑ rɑ ben tɔ̃ɔ bɑkɑnu ɡbisisie, kpɑ bɑ n nɛ, Yinni Gusunɔn sɔmɑ ɑtɑfiiru sɑ̃ɑ.

Osee 7:2

Adɑmɑ ben ɡoo sɑri wi u rɑ tii sɔ̃ u nɛɛ, nɑ yɑɑye kɔ̃sɑ ye bɑ mɔ̀. Tɛ̃, wee bɑ mwɑɑrɑ ben kom kɔ̃sum mɛ sɔɔ. Nɑ ye kpuro wɑɑmɔ.

Korinti I 8:4

Tɛ̃ dĩɑ ni bɑ kɑ bũu yɑ̃kuru kuɑ, ɑmɛniwɑ nin dibun ɡɑri sɑ̃ɑ. Sɑ yɛ̃ mɑ bũu kun ɡɑ̃ɑnu hɑnduniɑ sɔɔ. Sɑ mɑɑ yɛ̃ mɑ Gusunɔ turowɑ wɑ̃ɑ.

Korinti I 8:6

kɑ mɛ, bɛsɛn mi, Gusunɔ turowɑ wɑ̃ɑ. Wiyɑ sɑ̃ɑ Bɑɑbɑ wìn min di ɡɑ̃ɑnu kpuro nu nɑɑmɔ. Win sɔ̃nɑ sɑ mɑɑ wɑ̃ɑ. Yinni turowɑ mɑɑ wɑ̃ɑ. Wiyɑ Yesu Kirisi wìn min di ɡɑ̃ɑnu kpuro nu koorɑ. Win sɑɑbuwɑ sɑ mɑɑ wɑ̃ɑru mɔ.

Sɔ̃ɔsiru 32:12

Yinni Gusunɔ turowɑ u bu kpɑrɑ. Bũu ɡoo kun nùn somi.

Sɔ̃ɔsiru 32:29

Bɑ̀ n dɑɑ bwisi mɔn nɑ, bɑ koo rɑɑ ɡiɑ ye yɑ koo bu deemɑ.

Sɔ̃ɔsiru 4:35

Bɛɛyɑ i kuɑ seedɑ kpɑ i kɑ ɡiɑ mɑ Gusunɔ turowɑ u sɑ̃ɑ Yinni. Goo mɑɑ sɑri nɡe wi.

Sɔ̃ɔsiru 6:4

Bɛɛ Isirelibɑ, i swɑɑ dɑkio i nɔ. Gusunɔ bɛsɛn Yinni turowɑ u sɑ̃ɑ kpuron Yinni.

Sɔ̃ɔsiru 7:9

Yen sɔ̃, i de i n yɛ̃ mɑ Gusunɔ bɛsɛn Yinniwɑ u sɑ̃ɑ Gusunɔ. U rɑ win ɑrukɑwɑni nɛnɛ kɑ be bɑ win woodɑbɑ mɛm nɔɔwɑmmɛ sere kɑ ben bibun bweserun nɔrɔm nɔrɔmwɔ (1.000). Be bɑ nùn kĩ, u ku rɑ bu tɔnu kɑndu kue.

Yosue 2:11

Yɑnde ye sɑ yeni nuɑ, sɑ nɑndɑ. Mɑ bɛsɛ kpuron toronu kɑrɑ bɛɛn sɑɑbu. Domi Gusunɔ bɛɛn Yinni wiyɑ u sɑ̃ɑ wɔllu kɑ tem yɛ̃ro.

Sɑmuɛli I 2:2

Yinni Gusunɔ turowɑ u dɛɛre. U sɑ̃ɑwɑ nɡe kpee bɑɑ mi nɑ rɑ kuke. Wi turowɑ u sɑ̃ɑ Gusunɔ.