Sɔ̃ɔsiru 4:34 - Bibeli Gusunɔn Gari

³⁴ Yinni ɡoo u win tɔmbu wɔrɑre ben yibɛrɛbɑn nɔmɑn di kɑ win dɑm bɑkɑm, kɑ lɑɑkɑri mɛɛribu, kɑ yĩrenu, kɑ sɔm mɑɑmɑɑkiɡinu, kɑ tɑbu, kɑ win dɑm kɑ ɡɑ̃ɑ nɑnumɡinu nɡe mɛ Gusunɔ bɛsɛn Yinni u Eɡibitiɡibu kuɑ bɛɛn wuswɑɑɔ?

Sɔ̃ɔsiru 4:34 ပူးပေါင်းရင်းမြစ်များ

Womusu 136:12

Kɑ win dɑmɑ u kɑ nim wɔ̃ku ɡe bɑ mɔ̀ Nɑɑ yɑri burɑnɑ yiru, mɑ u derɑ Isirelibɑ bɑ tɔburɑ ɡen suunu sɔɔn di. Mɑ u Eɡibitin sinɑ boko kɑ win tɑbu kowobu sure nim wɔ̃ku ɡe sɔɔ. Win wɔnwɔndu tɑ ku rɑ kpe.

Womusu 24:8

Wɑrɑ u sɑ̃ɑ sinɑ boko wi. Yinni Gusunɔwɑ. U dɑm mɔ, u yiiko mɔ, u sɑ̃ɑwɑ tɑbu durɔ dɑmɡii.

Womusu 78:12

U mɑɑmɑɑki kuɑ ben sikɑdobɑn wuswɑɑɔ Soɑniɔ Eɡibitin temɔ.

Yɑribu 1:9

Yerɑ u win tɔmbu sɔ̃ɔwɑ u nɛɛ, Isirelibɑ wee, bɑ sun dɑbiru kere bɑ mɑɑ sun dɑm kere. Ǹ n mɛn nɑ, kɑri bɑkɑ sɑ tii derie.

Yɑribu 10:21

Yen biru Yinni Gusunɔ u Mɔwisi sɔ̃ɔwɑ u nɛɛ, ɑ wunɛn dɛkɑ tĩiyɔ wɔllɔ kpɑ yɑm wɔ̃ku sinumɡiru tu Eɡibitin tem wukiri, sere bu tu bɑbɑ.

Yɑribu 10:7

Yerɑ Eɡibiti sunɔn bwɑ̃ɑbɑ nùn bikiɑ bɑ nɛɛ, sere dommɑ durɔ wini u ko n sun wɑhɑlɑ mɔ̀. A de tɔn be, bu doonɑ bu dɑ bu Gusunɔ ben Yinni sɑ̃. A ǹ wɑ mɑ bɛsɛn tem mu kɑm kobu dɔɔ?

Yɑribu 13:3

Mɔwisi u Isirelibɑ sɔ̃ɔwɑ u nɛɛ, i n dɑ tɔ̃ɔ te yɑɑye tè sɔɔ Gusunɔ u bɛɛ yɑrɑmɑ kɑ win dɑm bɑkɑm sɑɑ Eɡibitin di, mi i yoru di. Yen sɔ̃, ì n tɔ̃ɔ ten yɑɑ dibu dimɔ, i ku rɑ pɛ̃ɛ ye bɑ seeyɑtiɑ doke di.

Yɑribu 14:30

Ye Isirelibɑ bɑ sɔm dɑmɡiru wɑ te Yinni Gusunɔ u Eɡibitiɡibu koosi mɑ bɑ ben ɡonu wɑ nim wɔ̃kun ɡoorɔ, yerɑ bɑ ɡiɑ mɑ Yinni Gusunɔwɑ u bu fɑɑbɑ kuɑ dɔmɑ te, sɑɑ Eɡibitiɡibun nɔmɑn di. Mɑ bɑ nùn nɑsiɑ bɑ sosi, bɑ nùn nɑɑnɛ kuɑ kɑ mɑɑ win ɡɔro Mɔwisi.

Yɑribu 15:11

Yinni Gusunɔ, mbɑ n kɑ nun weenɛ ye tɔmbɑ sɑ̃ɑmɔ kpuro sɔɔ. Mbɑ n kɑ nun dɛɛrɑru nɛ, wunɛ wi ɑ nɑnum mɔ. Mbɑ n kɑ nun weenɛ, wunɛ wi bɑ koo siɑrɑ. Mbɑ n kɑ nun weenɛ, wunɛ wi ɑ rɑ sɔm mɑɑmɑɑkiɡinu ko.

Yɑribu 19:4

i wɑ ye nɑ Eɡibitiɡibu kuɑ kɑ nɡe mɛ nɑ bɛɛ tii ɡɑwe nɑ suɑ kɑ nɛn nɔm dɑmɡuu nɡe mɛ ɡunɔ bɑkeru tɑ rɑ ten binu sue.

Yɑribu 3:10

A doo n nun ɡɔri tɛ̃ Eɡibiti sunɔn mi, ɑ nɛn tɔmbu Isirelibɑ yɑrɑmɑ win tem di.

Yɑribu 6:6

Yen sɔ̃, ɑ Isirelibɑ sɔ̃ɔwɔ ɑ nɛɛ, nɛnɑ Wi u rɑ n wɑ̃ɑ, nɑ kon mɑɑ bu wɔrɑ sɑɑ wɑhɑlɑ ye Eɡibitiɡibɑ bu koosiɑmɔn di. Kon bu yɑkiɑ ben yorun di, kpɑ n nɛn dɑm sɔ̃ɔsi n Eɡibitiɡibu wɑhɑlɑ doke, kpɑ n nɛn tɔmbu fɑɑbɑ ko.

Yɑribu 7:3

Kon de Eɡibiti sunɔn ɡɔ̃ru ɡu bɔbiɑ sere u ǹ bɛɛ swɑɑ dɑkimɔ, bɑɑ mɛ kon yĩre nɑnumɡii dɑbinu ko win temɔ. Yen sɔ̃, nɑ kon nùn nɛn dɑm sɔ̃ɔsi n win tɔmbu wɑhɑlɑ doke, kpɑ n nɛn tɔmbu Isirelibɑ yɑrɑ win tem di, bɑ n sɔkɑ sɑ̃ɑ swɛɛ swɛɛ nɡe tɑbu kowobu.

Esɑi 51:9

A dom yɑndo kpɑ ɑ wunɛn nɔmun dɑm sɔ̃ɔsi, nɡe yellu sɑnɑm mɛ ɑ Eɡibitiɡibu tɑbu di, mɑ ɑ ben sunɔ wi u sɑ̃ɑ nɡe yɑɑ ɡɔbɑ ɡo.

Yeremi 21:5

Kpɑ wi, Gusunɔn tii u kɑ be Yudɑbɑ sɑnnɑ kɑ mɔru u bu win dɑm sɔ̃ɔsi,

Yeremi 32:21

A wunɛn dɑm sɔ̃ɔsi, ɑ sɔm mɑɑmɑɑkiɡinu kuɑ. Mɑ tɔmbɑ nɑndɑ. Yerɑ yɑ derɑ ɑ wunɛn tɔmbu yɑrɑ sɑɑ Eɡibitin di.

Gbɑburu 20:16

Sɑɑ ye sɔɔrɑ sɑ Yinni Gusunɔ nɔɔɡiru sue sɑ nùn somiru kɑnɑ. Mɑ u bɛsɛn nɔɔ nuɑ u win ɡɔrɑdo ɡɔrimɑ u sun yɑrɑ Eɡibitin di. Wee tɛ̃ sɑ wɑ̃ɑ Kɑdɛsi mini wunɛn tem nɔɔ burɑ yerɔ.

Sɔ̃ɔsiru 1:30

Gusunɔ bɛsɛn Yinni u ko n sun ɡbiiye kpɑ win tii u sun sɑnnɑ nɡe mɛ u kuɑ bɛsɛn nɔni biru Eɡibitiɔ,

Sɔ̃ɔsiru 10:21

Wiyɑ n weenɛ i siɑrɑ domi u sɑ̃ɑwɑ bɛsɛn Yinni. U mɑɑ ɡɑ̃ɑ bɑkɑ nɑnumɡinu kuɑ bɛsɛn suunu sɔɔ sɑ wɑ kɑ nɔni.

Sɔ̃ɔsiru 11:2

Tɛ̃, nɑ ǹ kɑ bɛɛn bibu ɡɑri mɔ̀, be, be bɑ ǹ wɑ, bɑ ǹ mɑɑ yɛ̃ nɡe mɛ Gusunɔ bɛsɛn Yinni u win dɑm sɔ̃ɔsisinɑ. Adɑmɑ bɛɛn tiiwɑ nɑ kɑ ɡɑri mɔ̀, bɛɛ be i win kpɑ̃ɑru kɑ win dɑm bɑkɑm seedɑ kuɑ

Sɔ̃ɔsiru 26:8

Yen biru, u bu yɑrɑmɑ Eɡibitin di kɑ win nɔm dɑmɡuu, kɑ nɑnum bɑkɑm, kɑ sɔm mɑɑmɑɑkiɡinu.

Sɔ̃ɔsiru 29:3

Adɑmɑ sere kɑ tɛ̃ u ǹ dere i tubu ye bɛɛn nɔni wɑ kɑ ye bɛɛn swɑsu nuɑ.

Sɔ̃ɔsiru 33:29

Bɛɛ Isirelibɑ, i sɑ̃ɑwɑ doo nɔɔruɡibu. I ǹ kɑ bweseru ɡɑru weenɛ. Domi i sɑ̃ɑwɑ bwese te Yinni Gusunɔ u fɑɑbɑ kuɑ. U sɑ̃ɑwɑ nɡe bɛɛn tɛrɛru te tɑ bɛɛ kɔ̃su. U sɑ̃ɑwɑ nɡe bɛɛn tɑkobi ye yɑ bɛɛ nɑsɑrɑ wɛ̃ɛmɔ. Bɛɛn yibɛrɛbɑ bɑ koo nɑ bu bɛɛ suuru kɑnɑ kpɑ i ben tii suɑbu kpeerɑsiɑ.

Sɔ̃ɔsiru 34:12

Gusunɔn sɔmɔ ɡoo sɑri wi u koo kpĩ u mɑɑmɑɑki ye, kɑ ɡɑ̃ɑ nɑnumɡii ni ko, ni Mɔwisi u kuɑ Isirelibɑ kpuron wuswɑɑɔ.

Sɔ̃ɔsiru 5:15

Su yɑɑyo nɡe mɛ sɑ rɑɑ yoru dimɔ Eɡibitiɔ, mɑ wi, Gusunɔ bɛsɛn Yinni u sun yɑrɑmɑ min di kɑ win dɑm bɑkɑm. Yen sɔ̃nɑ u sun yiire su tɔ̃ɔ wɛ̃rɑruɡii te mɛm nɔɔwɑ.

Sɔ̃ɔsiru 6:21

kpɑ i bu wisi i nɛɛ, sɑ rɑɑ sɑ̃ɑwɑ Eɡibiti sunɔn yobu Eɡibiti mi, mɑ Yinni Gusunɔ u sun yɑrɑmɑ min di kɑ win dɑm bɑkɑm.

Sɔ̃ɔsiru 7:19

Bɛɛn nɔni yi wɑ nɔni swɑ̃ɑ bɑkɑ te u bu kpɛ̃ɛ kɑ sɔm mɑɑmɑɑkiɡii ni u kuɑ kɑ win dɑm bɑkɑm mɛ u sɔ̃ɔsi sɑnɑm mɛ u bɛɛ yɑrɑmɑ tem mɛn di. Nɡe mɛyɑ u koo mɑɑ bwese ni kpuro kuɑ nìn bɛrum i mɔ mi.

Sɔ̃ɔsiru 9:29

N sere deemɑ bɑ sɑ̃ɑwɑ wunɛn tɔmbu kɑ wunɛn ɑrumɑni mɑ ɑ bu yɑrɑmɑ Eɡibitin di kɑ wunɛn dɑm bɑkɑm.

Yosue 24:7

miyɑ bɑ mɑn nɔɔɡiru sue mɑ nɑ yɑm wɔ̃kuru doke be kɑ Eɡibitiɡibun bɑɑ sɔɔ. Nɑ derɑ nim wɔ̃kun nim mɛ, mu Eɡibitiɡii be wukiri bɑ nim diirɑ. Bɛɛn bɑɑbɑbɑ bɑ wɑ kɑ nɔni ye nɑ Eɡibitiɡibu kuɑ. Yen biru i wɔ̃ɔ dɑbinu kuɑ ɡbɑburɔ.

Piɛɛ I 5:6

Ǹ n mɛn nɑ, i tii kɑwo kpɑ i tii deri Gusunɔn nɔm dɑmɡuuɔ, kpɑ u bɛɛ suɑ wɔllɔ sɑɑ ye u yi yɑ̀ n turɑ.