Sɔ̃ɔsiru 4:29 - Bibeli Gusunɔn Gari

²⁹ Miyɑ i ko i Gusunɔ bɛsɛn Yinni kɑsu. Ì n nùn kɑsu kɑ bɛɛn ɡɔ̃ru kpuro, kɑ bɛɛn bwɛ̃rɑ kpuro, i ko i nùn wɑ.

Sɔ̃ɔsiru 4:29 ပူးပေါင်းရင်းမြစ်များ

Sinɑmbu II 10:31

Adɑmɑ kɑ mɛ, Yehu u ǹ Gusunɔ Isirelibɑn Yinni mɛm nɔɔwɛ kpuro, domi Yeroboɑmun yirɑ u swĩi, wi u Isirelibɑ doke torɑru sɔɔ.

Sinɑmbu II 23:3

Yerɑ sinɑ boko u dɑ u yɔ̃rɑ mi u rɑ yɔ̃re, u nɔɔ mwɛɛ teni kuɑ Yinni Gusunɔn wuswɑɑɔ. U nɛɛ, kon Yinni Gusunɔ swĩiwɑ kpɑ n win woodɑbɑ kɑ win yiirebu kɑ ye u ɡeruɑ kpuro mɛm nɔɔwɑ kɑ nɛn ɡɔ̃ru kpuro. Kpɑ n wɑ n tire tenin ɡɑri nɛnɛ. Mɑ tɔn ben tii bɑ wurɑ mɛ.

Bɑndun Gɑri II 15:12

Bɑ nɔɔ mwɛɛru kuɑ mɑ bɑ koo Gusunɔ ben bɑɑbɑbɑn Yinni kɑsuwɑ kɑ ben ɡɔ̃ru kpuro, kɑ ben bwɛ̃rɑ kpuro.

Bɑndun Gɑri II 15:15

Mɑ Yudɑbɑ kpuro bɑ nuku dobu kuɑ ben nɔɔ mwɛɛ te bɑ kuɑn sɔ̃. Domi bɑ tu kuɑwɑ kɑ ben ɡɔ̃ru kpuro. Mɑ bɑ Yinni Gusunɔ kɑsu kɑ ben ɡɔ̃ru kpuro. Mɑ u bu tii sɔ̃ɔsi, u bu wɛ̃rɑbu wɛ̃ beri berikɑ.

Bɑndun Gɑri II 15:2

Mɑ u dɑ Asɑn wuswɑɑɔ u nùn sɔ̃ɔwɑ u nɛɛ, Asɑ, wunɛ kɑ Yudɑbɑ, kɑ Bɛnyɑmɛɛbɑ, i swɑɑ dɑkio i nɔ. Yinni Gusunɔ u wɑ̃ɑ kɑ bɛɛ, ì n kɑ nùn yɔ̃rɑ. Ì n nùn kɑsu, i ko i nùn wɑ. Adɑmɑ ì n nùn deri, u koo mɑɑ bɛɛ deri.

Bɑndun Gɑri II 15:4

Adɑmɑ ben nuku sɑnkirɑnu sɔɔ, bɑ ɡɔsirɑmɑ Gusunɔ ben Yinnin mi bɑ nùn kɑsu. Mɑ u tii bu sɔ̃ɔsi.

Bɑndun Gɑri II 31:21

Sɔmɑ ye u kuɑ bu kɑ sɑ̃ɑru ko Yinni Gusunɔn sɑ̃ɑ yerɔ kɑ sere win woodɑn mɛm nɔɔbu, u ye kpuro kuɑwɑ kɑ ɡɔ̃ru tiɑ. Mɑ u koorɑ.

Nɛɛmi 1:9

Adɑmɑ ɑmɛn biru, sɑ̀ n ɡɔ̃ru ɡɔsiɑ sɑ wurɑmɑ wunɛn mi, mɑ sɑ wunɛn woodɑbɑ mɛm nɔɔwɑ, kɑɑ sun kɑsum dɑ bɑɑ sɑ̀ n tomɑn nɑ, kpɑ ɑ kɑ sun wurɑmɑ tem mɛ ɑ ɡɔsɑ sɔɔ mi ɑ nɛɛ, kɑɑ n wɑ̃ɑ.

Nɛɛmi 9:27

Sɑɑ yerɑ ɑ bu yibɛrɛbɑ nɔmu sɔndiɑ, mɑ bɑ bu dɑm dɔre. Adɑmɑ ben nɔni swɑ̃ɑru sɔɔ, bɑ nun nɔɔɡiru sue. Mɑ ɑ ben nɔɔ nuɑ sɑɑ wɔllun di. A bu tɔmbu seeyɑ bu kɑ bu wɔrɑ sɑɑ yibɛrɛ ben nɔmɑn di wunɛn kĩi bɑkɑrun sɔ̃.

Womusu 119:10

Nɑ nun kɑsu kɑ nɛn ɡɔ̃ru kpuro. A de n wunɛn swɑɑ swĩi.

Womusu 119:145

Yinni Gusunɔ, nɑ nun sokumɔwɑ kɑ nɛn ɡɔ̃ru kpuro. A mɑn wurɑrio, kpɑ n kpĩ n wunɛn sɔ̃ɔsiru nɛnɛ.

Womusu 119:2

Doo nɔɔruɡibɑ be bɑ win ɡere swĩi, mɑ bɑ nùn kɑsu ɡem kɑ tiɑ,

Womusu 119:58

Kɑ nɛn ɡɔ̃ru kpurowɑ nɑ nun sokumɔ. A wunɛn nɔɔ mwɛɛru yɑɑyo kpɑ ɑ nɛn wɔnwɔndu wɑ.

Yeremi 51:50

Bɛɛ Isirelibɑ, bɛɛ be i kisirɑ ben nɔmɑn di, i ku mɑɑ yɔ̃rɑ mini. I doonɔ n tomɑ Bɑbilonin di. Sɑɑ min di, i Yinni Gusunɔ yɑɑyo kɑ bɛɛn wuu Yerusɑlɛmu.

Esekiɛli 6:9

Sɑɑ ye sɔɔ, be, be bɑ kisirɑ bɑ koo mɑn yɑɑyɑ mi bɑ yoru dimɔ. Domi kon ben ɡɔ̃ru ɡe wĩɑ ɡe ɡɑ ǹ kɑ nɛ turo yɔ̃. Kon ben sɑkɑrɑ nɔni wĩɑ yi bɑ kɑ bũnu mɛɛrɑ. Ben tii bɑ koo tii tusi, kɔ̃sɑ kpuro ye bɑ kuɑn sɔ̃.

Yoɛli 2:12

Yinni Gusunɔ u nɛɛ, nɑ sɑ̃ɑwɑ wɔnwɔnduɡii. Nɛn kĩru tɑ kpɑ̃. Nɛn mɔru yɑ ku rɑ fuuku se. Nɑ rɑ mɑɑ tɔnu suuru kue kɔ̃sɑ ye nɑ rɑɑ kĩ n nùn kuɑ sɔɔ. Tɛ̃, i wurɑmɑ kɑ bɛɛn ɡɔ̃ru kpuro nɛn mi, i nɔɔ bɔke, kpɑ i wuri ko. Bɛɛn ɡɔ̃ruwɑ i ko i ɡɔsiɑ, n ǹ mɔ i yɑ̃nu ɡɛ̃ɛku tɔnɑ. I wurɑmɑ nɛ, Gusunɔ bɛɛn Yinnin mi.

Amɔsu 5:4

Wee ye Yinni Gusunɔ u mɑɑ bɛɛ Isirelibɑ sɔ̃ɔmɔ. U nɛɛ; ì n kĩ i n wɑ̃ɑ, wiyɑ i ko kɑsu.

Sɔ̃ɔsiru 10:12

Tɛ̃, bɛɛ Isirelibɑ, ye Gusunɔ bɛsɛn Yinni u kĩ, yerɑ i nùn nɑsiɑ, i n sĩimɔ win swɛɛ kpuro sɔɔ, kpɑ i nùn kĩɑ i n nùn sɑ̃ɑmɔ kɑ bɛɛn ɡɔ̃ru kpuro kɑ bɛɛn bwɛ̃rɑ kpuro,

Sɔ̃ɔsiru 11:13

Ì n woodɑbɑ mɛm nɔɔwɑ be nɑ bɛɛ wɛ̃ɛmɔ ɡisɔ, mɑ i Gusunɔ bɛɛn Yinni kĩɑ mɑ i nùn sɑ̃ɑmɔ kɑ bɛɛn ɡɔ̃ru kpuro kɑ bɛɛn bwɛ̃rɑ kpuro,

Sɔ̃ɔsiru 26:16

Gisɔ, Gusunɔ bɛsɛn Yinni u bɛɛ sɔ̃ɔmɔ u nɛɛ, i win woodɑbɑ kɑ win yiirebu kpuro mɛm nɔɔwɔ. I n tii sɛ kpɑ i ye kpuro swĩi kɑ ɡɔ̃ru tiɑ kɑ bɛɛn bwɛ̃rɑ kpuro.

Sɔ̃ɔsiru 30:10

Yeni kpuro yɑ koo koorɑ ì n wurɑmɑ win mi kɑ ɡɔ̃ru teu kɑ bɛɛn bwɛ̃rɑ kpuro mɑ i win ɡere mɛm nɔɔwɑ mɑ i win woodɑbɑ swĩi dee dee ye bɑ yoruɑ win tire te sɔɔ.

Sɔ̃ɔsiru 6:5

I nùn kĩɔ kɑ bɛɛn ɡɔ̃ru kpuro kɑ bɛɛn bwɛ̃rɑ kpuro kɑ bɛɛn dɑm kpuro.

Yosue 22:5

Ì n turɑ mi, i de i woodɑ ye Mɔwisi u bɛɛ wɛ̃ mɛm nɔɔwɑ mɑm mɑm. Yerɑ, i Yinni Gusunɔ kĩɔ kpɑ i win woodɑbɑ mɛm nɔɔwɑ. I de i n kɑ nùn mɑninɛ kpɑ i nùn sɑ̃ kɑ bɛɛn ɡɔ̃ru kpuro kɑ bɛɛn bwisikunu kpuro.

Sɑmuɛli I 7:3

Mɑ Sɑmuɛli u bu sɔ̃ɔwɑ u nɛɛ, ì n yɛ̃ i ɡɔsirɑwɑ Yinni Gusunɔn mi, kɑ bɛɛn ɡɔ̃ru kpuro, i bũu wi bɑ mɔ̀ Asitɑɑten bwɑ̃ɑrokunu wunɔ bɛɛn suunu sɔɔn di, kɑ ni nu tie, kpɑ i bɛɛn ɡɔ̃rusu Yinni Gusunɔ wɛ̃ i wi turo sɑ̃. U koo bɛɛ fɑɑbɑ ko Filisitibɑn nɔmɑn di.