Sɔ̃ɔsiru 32:5 - Bibeli Gusunɔn Gari

⁵ Adɑmɑ bɛɛ, i sɑ̃ɑwɑ tɔn kɔ̃sobu be bɑ ǹ dee dee swĩi. I nùn torɑri. Yɑ kuɑ bɛɛn sekuru. I ǹ mɑɑ sɑ̃ɑ win bibu.

Sɔ̃ɔsiru 32:5 ပူးပေါင်းရင်းမြစ်များ

Torubu 6:12

Yerɑ u hɑnduniɑ mɛɛrimɑ u wɑ yen kɔ̃sɑ kpɛ̃ɑ domi hunde koni bɑɑyere yɑ yen dɑɑ sɑnkɑ.

Womusu 78:8

Bɑ ǹ mɑɑ mɔ̀ nɡe ben bɑɑbɑbɑ. Domi bɑɑbɑ be, bɑ kuɑ mɛm nɔɔ sɑribɑ, mɑ ben ɡɔ̃ru ɡɑ ǹ kɑ Gusunɔ turo yɔ̃re. Mɑ bɑ kuɑ nɑɑnɛ sɑribɑ Gusunɔn mi.

Yɑribu 32:7

Sɑɑ yerɑ Yinni Gusunɔ u Mɔwisi sɔ̃ɔwɑ u nɛɛ, ɑ sɑro fuuku domi wunɛn tɔn be ɑ yɑrɑmɑ Eɡibitin di mi, wee bɑ disi duurɑ.

Mɔnnu 8:8

Nɛn ɡɑri kpuro sɑ̃ɑwɑ ɡem, weesu kɑ tɑki sɑri yi sɔɔ.

Esɑi 1:4

Mɑ Esɑi u nɛɛ, bɛɛ Isirelibɑ, bɔ̃rurobɑ i sɑ̃ɑ, domi i durum mɔ̀wɑ. Torɑnu nu yibɑ bɛɛn suunu sɔɔ. Nuku kɔ̃surun wɑ̃ɑrɑ i wɑ̃ɑ. Bɛɛ kpuro i sɑnkirewɑ, domi i Yinni Gusunɔ deri. I nùn ɡɛmɑ, wi, wi u sɑ̃ɑ bɛɛn Yinni Dɛɛro, mɑ i nùn biru kisi.

Esɑi 63:8

U bwisikɑ u nɛɛ, sɑ sɑ̃ɑwɑ win tɔmbu, sɑ ǹ nùn tɔnu kɑndu kuɑmmɛ. Yen sɔ̃nɑ u sun fɑɑbɑ kuɑ.

Osee 9:9

Wee i dɑ i kɔ̃sɑ kuɑ nɡe mɛ i rɑɑ kuɑ Gibeɑɔ. Yinni Gusunɔ kun bɛɛn torɑnu duɑri. U koo bɛɛ sɛɛyɑsiɑ nin sɔ̃.

Sofoni 3:7

Yerɑ u nɛɛ, bɛɛ Yerusɑlɛmuɡibu, ì n dɑɑ nùn nɑsie, mɑ i win sɛɛyɑsiɑbu wurɑmɔ, u ǹ dɑɑ bɛɛn wɑ̃ɑ yenu kɔsukumɔ. U ǹ dɑɑ mɑɑ bɛɛ sɛɛyɑsiɑmɔ nɡe mɛ u kuɑ, ɑdɑmɑ i rɑ n sɛndewɑ kɔ̃sɑn kobu sɔɔ.

Gbɑburu 23:21

Uǹ torɑru ɡɑru wɑ Isirelibɑ sɔɔ. U sɑ̃ɑwɑ Gusunɔ ben Yinni, u mɑɑ wɑ̃ɑ kɑ be. U sɑ̃ɑwɑ ben sinɑ boko. U mɑɑ nuku dobu mɔ ben sɔ̃.

Mɑteu 16:4

Tɛ̃n tɔn kɔ̃sobu be bɑ ǹ kɑ Gusunɔ turo yɔ̃ bɑ yĩrenu bikiɑmɔ. Adɑmɑ yĩreru ɡɑru mɑɑ sɑri te bɑ koo bu sɔ̃ɔsi mɑ n kun mɔ Gusunɔn sɔmɔ Yonɑsiɡiru. Mɑ u bu deri u doonɑ.

Mɑteu 17:17

Yesu u nɛɛ, bɛɛ tɔn kɔ̃so nɑɑnɛ doke sɑriruɡibu, sere sɑɑ yerɑ̀ ko nɑ n kɑ bɛɛ wɑ̃ɑ. Nɡe sere dommɑ ko nɑ n kpɑm kɑ bɛɛ tɛmɑnɛ. I kɑ mɑn bii wi nɑɑwɑ mini.

Mɑteu 3:7

Ye Yohɑnu u wɑ mɑ Fɑlisibɑ kɑ Sɑdusibɑ dɑbinu bɑ nɑ win mi u kɑ bu bɑtɛmu ko, u bu sɔ̃ɔwɑ u nɛɛ, bɛɛ wɑɑ ɡɔsɔnu wɑrɑ u mɑɑ bɛɛ sɔ̃ɔwɑ i Gusunɔn mɔru dukɑ suuri ye yɑ wee.

Luku 9:41

Yesu nɛɛ, tɔn kɔ̃so nɑɑnɛ doke sɑriruɡibu, sere sɑɑ yerɑ̀ ko nɑ n kɑ bɛɛ wɑ̃ɑ. Sere dommɑ ko nɑ n kɑ bɛɛ tɛmɑnɛ. Mɑ u durɔ wi sɔ̃ɔwɑ u nɛɛ, ɑ kɑ wunɛn bii wi nɑ mini.

Yohɑnu 8:41

Bɛɛ i bɛɛn tundon kookoosu mɔ̀. Bɑ nùn sɔ̃ɔwɑ bɑ nɛɛ, sɑ ǹ sɑ̃ɑ seeɡebɑ. Bɑɑbɑ turowɑ sɑ mɔ, wiyɑ Gusunɔ.

Gɔrobun Kookoosu 2:40

Kɑ kpɑm ɡɑri dɑbinɑ Piɛɛ u bu seedɑ diiyɑ mɑ u bu dɑm kɑ̃ u nɛɛ, i tii wunɔ tɛ̃n tɔn kɔ̃sobun min di kpɑ i fɑɑbɑ wɑ.

Gɔrobun Kookoosu 7:51

Etiɛni u mɑɑ bu sɔ̃ɔwɑ u nɛɛ, bɛɛ deɡɑnɡɑmɡibu! Bɛɛn ɡɔ̃rusu kɑ bɛɛn swɑsu su sɑ̃ɑ nɡe be bɑ ǹ Gusunɔ nɑsieɡisu, i rɑ n Hunde Dɛɛro yinɑmɔ, i mɔ̀wɑ nɡe bɛɛn bɑɑbɑbɑ.

Korinti II 11:3

Adɑmɑ nɡe mɛ wɑɑ yɑ Efɑ torɑsiɑ kɑ yen bwisi weesuɡii, nɑ wurure bɛɛn bwisikunu nu ku rɑɑ ko kɔ̃sunu kpɑ nu ɡɔsirɑ nu doonɑ sɑɑ nɑɑnɛn di ye i mɔ bɛɛ kɑ Kirisin ɡbinnɑɑ sɔɔ.

Sɔ̃ɔsiru 31:29

Nɑ yɛ̃ mɑ nɛn ɡɔɔn biru i ko wɔri durum sɔɔ. Kpɑ i swɑɑ ye deri ye nɑ bɛɛ sɔ̃ɔsi. Yen sɔ̃, wɑhɑlɑ koo bɛɛ deemɑ. Domi i ko kɔ̃sɑ ko i Yinni Gusunɔn mɔru seeyɑ kɑ bwɑ̃ɑroku ni i sekɑ.

Sɔ̃ɔsiru 32:20

U nɛɛ, u ǹ mɑɑ bu somimɔ kpɑ u wɑ ye yɑ koo bu deemɑ. Domi bɑ sɑ̃ɑwɑ mɛm nɔɔ sɑriruɡibu kɑ nɑɑnɛ sɑribɑ.

Sɔ̃ɔsiru 4:16

i ku rɑ kɑ nùn torɑri i bwɑ̃ɑrokunu ko ni nu kɑ tɔn durɔ weenɛ ǹ kun mɛ tɔn kurɔ,

Sɔ̃ɔsiru 4:25

Ì n sinɑ n kɑ tɛ tem mɛ Gusunɔ bɛsɛn Yinni u bɛɛ nɔɔ mwɛɛru kuɑ sɔɔ, mɑ i bibu kɑ debuminu wɑ, i ku rɑ nùn torɑri i tii bwɑ̃ɑrokunu kuɑ ni nu kɑ ɡɑ̃ɑnu weenɛ, i ku mɑɑ kɔ̃sɑ ɡɑɑ ko ye yɑ koo win mɔru seeyɑ.

Sɔ̃ɔsiru 9:24

I rɑ n Yinni Gusunɔ seesimɔwɑ sɑɑ mìn di nɑ bɛɛ yɛ̃.

Filipi 2:15

kpɑ i n dɛɛre i kun tɑɑrɛ ɡɑɑ mɔ tɔmbun nɔni sɔɔ, kpɑ i n sɑ̃ɑ nɡe Gusunɔn bibu be bɑ ǹ serere mɔ hɑnduniɑn tɔn kɔ̃sobun suunu sɔɔ be bɑ swɑɑ sɑre. I n bɑllimɔ ben suunu sɔɔ nɡe fitilɑnu,

Kpɑrobu 2:19

Adɑmɑ kpɑro wi, ù n ɡu, bɑ rɑ mɑɑ kɔ̃sɑ kowɑ n kere ben bɑɑbɑbɑ. Bũnɑ bɑ rɑ kɑsu bu wiru kpĩiyɑ bu sɑ̃. Ben ɡɔ̃ru ɡɑ rɑ bɔbiewɑ bu kɑ swɑɑ kɔ̃sɑ ye swĩi kɑ deɡɑnɡɑm.