Sɔ̃ɔsiru 32:12 - Bibeli Gusunɔn Gari

¹² Yinni Gusunɔ turowɑ u bu kpɑrɑ. Bũu ɡoo kun nùn somi.

Sɔ̃ɔsiru 32:12 ပူးပေါင်းရင်းမြစ်များ

Nɛɛmi 9:12

Sɔ̃ɔ sɔɔ, ɡuru wii wurorɑ ɑ rɑ kɑ wunɛn tɔn be kpɑre. Wɔ̃kuru mɑɑ, kpɑ tɑ n kɑ dɔ̃ɔ yɑri bɑkɑru weenɛ, tɑ n bu yɑm bururɑsie swɑɑ sɔɔ.

Yoobu 15:19

Be tɔnɑwɑ Gusunɔ u rɑɑ tem mɛ wɛ̃, sɔɔ ɡoo rɑɑ mɑɑ sɑri be sɔɔ.

Womusu 136:16

Wiyɑ u win tɔmbu kpɑrɑ ɡbɑburɔ. Win wɔnwɔndu tɑ ku rɑ kpe.

Womusu 27:11

Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

Womusu 78:14

Guru wii wurorɑ u derɑ tɑ bu ɡbiiye sɔ̃ɔ sɔɔ. Wɔ̃kuru, kpɑ u de dɔ̃ɔ yɑrɑ yɑ n sɔ̃ɔsire ɡuru wii wuro te sɔɔ.

Womusu 80:1

Womu ɡe Asɑfu u wom kowobun wiruɡii kuɑ kɑ mɔrɔku. Ge wee.

Womusu 81:9

Bɛɛ nɛn tɔmbu Isirelibɑ, i mɑn swɑɑ dɑkio i nɔ ye kon bɛɛ sɔ̃.

Esɑi 46:4

Nɑ ǹ kɔsimɔ sere kɑ bɛɛn tɔkɔrɔ. Ko nɑ n bɛɛ nɔɔrimɔwɑ bɑɑ ì n seri bururɑ. Ko nɑ n bɛɛ kɔ̃suwɑ. Nɑ rɑɑ bɛɛ nɔɔri, kon mɑɑ wure n ye ko. Kpɑ n bɛɛ kɔ̃su n bɛɛ fɑɑbɑ ko.

Esɑi 63:14

Win Hunde u kɑ sun dɑ sɑ wɛ̃rɑ nɡe mɛ yɑ̃ɑ kpɑro u rɑ kɑ win yɑɑ sɑbenu de wɔwɑɔ. Nɡe mɛyɑ u sun kpɑrɑ u kɑ yĩsi bɛɛrɛɡiru yɑrɑ.

Osee 11:4

Nɑ bu ɡɑwɑmɑ nɛn mi kɑ kĩru mɑ nɑ bu dĩɑnu wɛ̃ nɡe wi u yɑɑ sɑbenun suɡu yiiyɑmɔ u kɑ nu nɔɔri.

Sɔ̃ɔsiru 1:31

kɑ ɡbɑburɔ. Bɛɛn tii i wɑ mɑ u sun bɔki bɛsɛn sɑnum sɔɔ nɡe mɛ tɔnu u rɑ win bii bɔki sere sɑ kɑ turɑ mi sɑ dɔɔ.

Sɔ̃ɔsiru 32:39

Yinni Gusunɔ u nɛɛ, nɛnɑ nɑ wɑ̃ɑ. Goo mɑɑ sɑri wi u sɑ̃ɑ Gusunɔ. Nɛnɑ nɑ rɑ ɡo, nɛnɑ nɑ rɑ mɑɑ seeye. Nɛnɑ nɑ rɑ mɛɛrɑ ko kpɑ n wure n bɛkiɑ. Goo sɑri wi u koo kpĩ u tɔnu wɔrɑ nɛn nɔmun di.

Sɔ̃ɔsiru 4:35

Bɛɛyɑ i kuɑ seedɑ kpɑ i kɑ ɡiɑ mɑ Gusunɔ turowɑ u sɑ̃ɑ Yinni. Goo mɑɑ sɑri nɡe wi.

Sɔ̃ɔsiru 4:39

Ǹ n mɛn nɑ, i bwisikuo ɡisɔ kpɑ i n yɛ̃ mɑ Gusunɔ turowɑ u sɑ̃ɑ Yinni wɔllɔ kɑ temɔ. Goo mɑɑ sɑri nɡe wi.

Yosue 24:17

Domi wiyɑ bɛsɛn Yinni wi u sun yɑrɑmɑ sɑɑ Eɡibitiɡibun yorun di, bɛsɛ kɑ bɛsɛn bɑɑbɑbɑ. U mɑɑ sɔm mɑɑmɑɑkiɡii dɑbinu kuɑ bɛsɛn nɔni biru. Mɑ u sun kɔ̃su bɑɑmɑ mi sɑ dɑ kpuro bɛsɛn sɑnum sɔɔ kɑ bwese tukunun suunu sɔɔ.