Sɔ̃ɔsiru 30:9 - Bibeli Gusunɔn Gari

⁹ Yinni Gusunɔ u koo bɛɛ dukiɑ yibie kpɑ u bɛɛ kuurɑsiɑ ye i mɔ̀ kpuro sɔɔ. U koo bɛɛn bibu kɑ bɛɛn yɑɑ sɑbenu kɑ bɛɛn ɡbeɑn dĩɑnu dɑbiɑsiɑ. Domi u koo mɑɑ bɛɛn doo nɔɔru kĩɑ nɡe mɛ u rɑɑ yellu bɛɛn sikɑdobɑɡiru kĩɑ.

Sɔ̃ɔsiru 30:9 ပူးပေါင်းရင်းမြစ်များ

Esɑi 62:4

Bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ nɛ, Yinni Gusunɔn nuku dobu. Domi wunɛ sɔɔrɑ nɛn nuku dobu wɑ̃ɑ. Bɑ ǹ mɑɑ wunɛn tem sokumɔ bɑnsu. Bɑ koo mu sokuwɑ kurɔ kpɑo, domi kon mu durɔ kɛ̃.

Esɑi 62:5

Nɡe mɛ bii durɔbu ɡɑ koo kɑ ɡen kurɔ ɡbinnɑ, nɡe mɛyɑ wunɛn bibu bɑ koo kɑ nun ɡbinnɑ. Nɡe mɛ ɑluwɑɑsi u rɑ n nuku dobu mɔ win kurɔ kɛ̃ɛron sɔ̃, nɡe mɛyɑ ko nɑ n nuku dobu mɔ wunɛn sɔ̃.

Esɑi 65:19

Nɛn tii kon yɛ̃ɛri Yerusɑlɛmu yen sɔ̃ kɑ nɛn tɔmbun sɔ̃. Bɑ ǹ mɑɑ wuri kɑ weeweenu nɔɔmɔ mi.

Yeremi 31:27

Mɑ Yinni Gusunɔ u nɛɛ, wee sɑɑ yɑ sisi yè sɔɔ kon de yɑɑ sɑbenu kɑ tɔmbu bu yibu Isireliɔ kɑ Yudɑɔ.

Yeremi 31:28

Nɡe mɛ nɑ rɑɑ bu wukurɑ nɑ sururɑ nɡe dɑ̃nu, nɑ bu kɔsukɑ nɑ kɑm koosiɑ nɡe diɑ, nɡe mɛyɑ kon mɑɑ wure n bu seeyɑ n ɡirɑ. Nɛ, Yinni Gusunɔwɑ nɑ yeni ɡeruɑ.

Yeremi 32:41

Kɑ nuku dobɑ kon bu ɡeɑ kuɑ kpɑ n bu swĩi mɑm mɑm tem mɛ sɔɔ kɑ ɡɔ̃ru tiɑ.

Yeremi 33:9

Sɑɑ ye sɔɔ, nɑ kon nuku dobu mɔ Yerusɑlɛmun sɔ̃, kpɑ yɑ n nɛn yĩsiru bɛɛrɛ wɛ̃ɛmɔ, kpɑ bwese tukunu nu n mɑn siɑrɑmɔ. Bwese ni, nù n wɑ durom bɑkɑm mɛ kon ye kuɑ kɑ doo nɔɔ te kon ye wɛ̃, nu koo biti ko sere nu diiri.

Sɑ̃ɑrun Woodɑ 26:4

kon de ɡurɑ yu nɛ yen sɑɑ sɔɔ kpɑ tem mu dĩɑnu wɛ̃ kpɑ dɑ̃nu nu binu mɑ.

Sɑ̃ɑrun Woodɑ 26:6

Kon de ɑlɑfiɑ yɑ n wɑ̃ɑ tem mɛ sɔɔ. Goo kun bɛɛ bɑɑsimɔ ì n dò. Kon de yɛɛ ɡɔbi yi doonɑ. Mɛyɑ tɑbu kun mɑɑ duɔ tem mɛ sɔɔ.

Sofoni 3:17

Gusunɔ bɛɛn Yinni u wɑ̃ɑ bɛɛn suunu sɔɔ. U sɑ̃ɑwɑ nɡe tɑbu durɔ wi u rɑ fɑɑbɑ ko. U koo nuku doo bɑkɑbu ko bɛɛn sɔ̃. U ǹ mɑɑ ɡɑ̃ɑnu ɡerumɔ yèn sɔ̃ u bɛɛ kĩ. U ko n nuku doo bɑkɑbu mɔ.

Luku 15:32

Adɑmɑ n weenɛ su nuku dobu ko kpɑ su yɛ̃ɛri yèn sɔ̃ wunɛn wɔnɔ wini n sɑ̃ɑre u rɑɑ ɡu, mɑ u wurɑmɑ wɑ̃ɑru sɔɔ. U rɑɑ kɔ̃ɔrɑ, u mɑɑ wɑɑrɑ.

Yohɑnu 15:11

Nɑ bɛɛ yeni sɔ̃ɔwɑ kpɑ nɛn nuku dobu bu n kɑ wɑ̃ɑ bɛɛ sɔɔ, kpɑ bɛɛn nuku dobu bu kɑ yibu.

Sɔ̃ɔsiru 28:4

U koo de i bii dɑbinu mɑ kpɑ u de dĩɑnu nu koorɑ bɛɛn ɡbeɑɔ kpɑ bɛɛn kɛtɛbɑ kɑ bɛɛn yɑ̃ɑnu kɑ bonu nu mɑrurɑ nu dɑbiɑ.

Sɔ̃ɔsiru 28:63

Nɡe mɛ Yinni Gusunɔ u rɑɑ bɛɛ durom kuɑ, u bɛɛ dɑbiɑsiɑ kɑ kĩru, nɡe mɛyɑ u koo mɑɑ bɛɛ yɑrɑ kɑ win kĩru tem mɛ u bɛɛ wɛ̃n di kpɑ i kɑm ko.

Sɔ̃ɔsiru 30:8

Bɛɛ mɑɑ, i ko i ɡɔsirɑmɑ i wi, Yinni Gusunɔ mɛm nɔɔwɑ, kpɑ i win woodɑbɑ swĩi ye nɑ bɛɛ wɛ̃ɛmɔ mini ɡisɔ.

Sɔ̃ɔsiru 7:14

U koo bɛɛ domɑru kuɑ n bwesenu kpuro kere. Bɛɛ sɔɔ, tɔn durɔ ɡoo, ǹ kun mɛ tɔn kurɔ ɡoo kun mɔ̀ wĩro. Mɛyɑ bɛɛn yɑɑ sɑberu ɡɑrɑ kun mɑɑ ɡimɑre mɔ̀.