Sɔ̃ɔsiru 30:3 - Bibeli Gusunɔn Gari

³ sɑɑ ye sɔɔrɑ wi, Yinni Gusunɔ u koo bɛɛ wɔnwɔndu kuɑ kpɑ u kɑ bɛɛ wurɑmɑ mìn di u rɑɑ bɛɛ yɑrinɑsiɑ i yoru dimɔ.

Sɔ̃ɔsiru 30:3 ပူးပေါင်းရင်းမြစ်များ

Torubu 28:15

Wee nɑ wɑ̃ɑ kɑ wunɛ, ko nɑ n mɑɑ nun kɔ̃su yɑm kpuro mi ɑ dɔɔ kpɑ n mɑɑ kɑ nun wurɑmɑ tem mɛ sɔɔ. Domi nɑ ǹ nun derimɔ sere n kɑ ko nɡe mɛ nɑ nun sɔ̃ɔwɑ.

Torubu 48:21

Mɑ Isireli u Yosɛfu sɔ̃ɔwɑ u nɛɛ, wee, nɑ ɡɔɔ turuku kuɑ. Adɑmɑ Gusunɔ u ko n kɑ bɛɛ wɑ̃ɑ kpɑ u kɑ bɛɛ wurɑ bɛɛn bɑɑbɑbɑn temɔ.

Bɑndun Gɑri I 16:35

I nùn nɔɔɡiru sueyo i nɛɛ, Gusunɔ bɛsɛn Fɑɑbɑ kowo, ɑ sun fɑɑbɑ koowo. A sun wɔro bwese tukunun nɔmɑn di, kpɑ ɑ sun mɛnnɑ. Sɑɑ yerɑ sɑ ko nun tɔmɑ sɑ n wunɛn yĩsi dɛɛrɑru soku, kpɑ sɑ n yɛ̃ɛrimɔ, sɑ n mɔ̀,

Nɛɛmi 1:9

Adɑmɑ ɑmɛn biru, sɑ̀ n ɡɔ̃ru ɡɔsiɑ sɑ wurɑmɑ wunɛn mi, mɑ sɑ wunɛn woodɑbɑ mɛm nɔɔwɑ, kɑɑ sun kɑsum dɑ bɑɑ sɑ̀ n tomɑn nɑ, kpɑ ɑ kɑ sun wurɑmɑ tem mɛ ɑ ɡɔsɑ sɔɔ mi ɑ nɛɛ, kɑɑ n wɑ̃ɑ.

Yoobu 42:10

Ye u kɑnɑ te kuɑ win bɔrɔbɑn sɔ̃ u kpɑ, yerɑ Yinni Gusunɔ u nùn win yellun wɑ̃ɑru wesiɑ, u nùn ye u rɑɑ mɔn subɑ yiru wɛ̃.

Womusu 107:3

Be u mɛnnɑmɑ tem kpuron di, bu nùn siɑro. Be u sokumɑ sɑɑ sɔ̃ɔ yɑri yeru ɡiɑn di, kɑ sɔ̃ɔ duu yeru ɡiɑn di, kɑ sɔ̃ɔ yɛ̃sɑn nɔm ɡeu ɡiɑn di, kɑ sɔ̃ɔ yɛ̃sɑn nɔm dwɑru ɡiɑn di, bu nùn wɔlle suo.

Womusu 147:2

Yinni Gusunɔ u Yerusɑlɛmu seeyɑmɔ. U Yerusɑlɛmuɡii be bɑ rɑɑ yoru mwɛɛrɑ mɛnnɑmɔ.

Esɑi 27:12

Sɑɑ ɡɑɑ sisi yè sɔɔ Yinni Gusunɔ u koo bɛɛ Isirelibɑ sirɑ nɡe dɑ̃ru, kpɑ bu bɛɛ dɔbiri tiɑ tiɑ sɑɑ Efɑrɑtin dɑɑrun di n kɑ ɡirɑri Eɡibitin dɑɑrɔ.

Esɑi 43:5

Yen sɔ̃, ɑ ku bɛrum ko, domi nɑ kɑ nun wɑ̃ɑ. Kon de wunɛɡii be bɑ ɡurɑ bɑ kɑ dɑ sɔ̃ɔ yɑri yeru ɡiɑ mi, bu wurɑmɑ, kpɑ n mɑɑ be bɑ wɑ̃ɑ sɔ̃ɔ duu yeru ɡiɑ mɛnnɑmɑ.

Esɑi 54:7

nɑ rɑɑ nun deri sɑɑ fiiko, ɑdɑmɑ tɛ̃, kon nun mwɑ kɑ kĩi bɑkɑru.

Esɑi 56:8

Nɛ, Yinni Gusunɔ, nɛ wi nɑ Isireli be bɑ rɑɑ yɑrinɛ mɛnnɑ, kon mɑɑ bwese tukunu mɛnnɑ kɑ be, nɛn tɔmbu sɑnnu.

Yeremi 12:14

Yinni Gusunɔ u nɛɛ, bwese ni nu kɑ Isirelibɑ sikerenɛ, nu sɑ̃ɑwɑ tɔn kɔ̃sobu. Nu tem mɛ mwɑ mɛ nɛ, Yinni Gusunɔ nɑ Isirelibɑ wɛ̃ mu n sɑ̃ɑ ben tubi. Wee ye nɑ ɡerumɔ bwese nin sɔ̃. Nɑ nɛɛ, kon nu wukɑ sɑɑ nin tem di, kpɑ n Yudɑbɑ wunɑ nin suunu sɔɔn di.

Yeremi 23:3

Kpɑ n nɛn tɔn be bɑ tie mwɛɛrimɑ tem kpuron di, mi nɑ rɑɑ derɑ bɑ yɑrinɛ, n kɑ bu wurɑmɑ ben temɔ, kpɑ bu mɑrurɑ bu dɑbiɑ.

Yeremi 29:14

kpɑ u bɛɛ be bɑ rɑɑ yoru mwɛɛrɑ mi, mɛnnɑmɑ sɑɑ tem kpuron di kɑ bwesenu kpuro sɔɔn di mi u derɑ i yɑrinɛ, kpɑ u bɛɛ ɡɔsiɑmɑ i wurɑmɑ bɛɛn temɔ, mìn di u derɑ bɑ bɛɛ ɡurɑ. Wi, Yinni Gusunɔwɑ u yeni ɡeruɑ.

Yeremi 31:10

Bɛɛ bwese tukunu, i nɛ, Yinni Gusunɔn ɡɑri swɑɑ dɑkio, kpɑ i yi kpɑrɑ i kɑ dɑ sere mi n tomɑ. I nɛɛ, nɛ wi nɑ Isirelibɑn bweseru yɑrinɑsiɑ, nɑ kon mɑɑ tu mɛnnɑ, kpɑ n tu kɔ̃su nɡe mɛ yɑ̃ɑ kpɑro u rɑ win yɑ̃ɑnu kɔ̃su.

Swĩi 3:22

Yerɑ, Yinni Gusunɔn durom kun kpɑ, win wɔnwɔndɑ kun mɑɑ nɔru kue.

Swĩi 3:32

Bɑɑ ù n derɑ yɛ̃ro u nɔni swɑ̃ɑru wɑ, kɑ mɛ, u nùn kĩ too, domi win wɔnwɔndɑ kpɑ̃.

Esekiɛli 11:17

Kpɑ n bu mɛnnɑ n yɑrɑ bwese nin suunu sɔɔn di mi bɑ yɑrinɛ mi, n bu Isirelibɑn tem wɛ̃.

Esekiɛli 36:24

Kon bu wunɑ bwese nin suunu sɔɔn di n bu mɛnnɑ n kɑ wurɑmɑ ben temɔ.

Esekiɛli 39:28

Bɑ koo ɡiɑ mɑ nɛnɑ nɑ sɑ̃ɑ Gusunɔ ben Yinni, nɛ wi nɑ derɑ bɑ kɑ bu yoru dɑ bwese tukunun suunu sɔɔ, mɑ nɑ derɑ bɑ mɑɑ wurɑmɑ ben temɔ. Bɑɑ ben turo nɑ ǹ derimɔ u sinɑ tem tukumɔ.

Misee 7:19

Kɑɑ mɑɑ bɛsɛn wɔnwɔndu wɑ. Kpɑ ɑ ku bɛsɛn torɑnu ɡɑrisi. Kpɑ ɑ bɛsɛn durum wunɑ ɑ kɔ̃ yu dɑ sere nim wɔ̃kun temɔ.

Sɑkɑri 10:9

Kpɑ n de bɑ n pusɑ bwesenun suunu sɔɔ. Mi bɑ wɑ̃ɑ n tomɑ mi, bɑ ko n dɑ mɑn yɑɑye min di. Kpɑ bɑ n wɑ̃ɑ mi kɑ ben bibu. Yen biru, bɑ koo wurɑmɑ.

Romu 11:23

Be mɑɑ, bɑ̀ n ben nɑɑnɛ dokebu sɑriru deri, bɑ koo bu ɡɛrɛfe ko mi bɑ rɑɑ wɑ̃ɑ domi Gusunɔ u koo kpĩ u kpɑm bu ɡɛrɛfe ko.

Romu 11:26

Nɡe mɛyɑ Isirelibɑ kpuro bɑ koo fɑɑbɑ wɑ, nɡe mɛ bɑ yoruɑ, “Yɑkio u koo nɑ sɑɑ Siɔnin di. Kpɑ u Gusunɔn bɛɛrɛ yɛ̃ru sɑriru wunɑ sɑɑ Yɑkɔbun bweserun di.

Romu 11:31

Nɡe mɛyɑ mɑɑ ben tii, bɑ ǹ mɛm nɔɔmɔ tɛ̃, kpɑ bu kɑ wɔnwɔndu wɑ nɡe mɛ bɛɛ i wɔnwɔndu wɑ.

Sɔ̃ɔsiru 13:17

I ko i wuu ɡen ɑrumɑni kpuro mɛnnɑwɑ ɡen yɑɑrɑɔ mi bɑ rɑ mɛnnɛ, kpɑ i wuu ɡe kɑ ɑrumɑni ye kpuro dɔ̃ɔ mɛni muku muku. Yɑ ko n sɑ̃ɑwɑ nɡe yɑ̃ku dɔ̃ɔ mwɑɑrɑruɡiru te i Gusunɔ bɛɛn Yinni kuɑ. Wuu ɡe, ɡɑ ko n sɑ̃ɑwɑ bɑnsu sere kɑ bɑɑdommɑɔ. Bɑ ǹ mɑɑ su seeyɑmɔ.

Sɔ̃ɔsiru 4:27

Yinni Gusunɔ u koo de i n yɑrinɛwɑ bwese tukunun suunu sɔɔ kpɑ i kun dɑbi yɑ̃ɑtem mi u derɑ i yoru dimɔ.