Sɔ̃ɔsiru 11:14 - Bibeli Gusunɔn Gari

¹⁴ u koo de ɡurɑ yu nɛ yen sɑɑ sɔɔ bɛɛn tem sɔɔ kpɑ ɑlikɑmɑ yu koorɑ i wɑ i ɡɛ̃ kpɑ i mɑɑ dɑ̃ɑ binu sɔri ni bɑ rɑ kɑ tɑm ko kɑ ni bɑ rɑ kɑ ɡum ko.

Sɔ̃ɔsiru 11:14 ပူးပေါင်းရင်းမြစ်များ

Esɑi 30:23

Sɑɑ yerɑ Gusunɔ u koo de ɡurɑ yu nɛ bɛɛn dĩɑ ni i duurɑ sɔɔ, kpɑ dĩɑ ni, nu ɡeɑ ko nu mɑ. Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yeremi 5:24

Bɑ ku rɑ tii sɔ̃ bu nɛɛ, bu nɛ, Yinni Gusunɔ nɑsiɑ, nɛ wi nɑ rɑ bu ɡurɑ wɛ̃ wɔ̃ɔ kɑ wɔ̃ɔ yen sɑɑ sɔɔ, kpɑ n mɑɑ sɑɑ yi bu kɑ dĩɑnu ɡɛ̃.

Esekiɛli 34:26

Kon de nu n wɑ̃ɑ ɡuu te nɑ ɡɔsɑn bɔkuɔ. Kpɑ n nu domɑru kuɑ n de ɡurɑ yu nɛ yen sɑɑ sɔɔ.

Yoɛli 2:19

Mɑ u win tɔmbun kɑnɑru wisɑ, u nɛɛ, kon bɛɛ ɑlikɑmɑ kpɑɑ wɛ̃, kɑ resɛm, kɑ ɡum. I ko i deburu wɑ. Nɑ ǹ mɑɑ derimɔ bweseru ɡɑru tu bɛɛ yɛ̃ɛ.

Sɑ̃ɑrun Woodɑ 26:3

Ì n nɛn woodɑbɑ mɛm nɔɔwɑ mɑ i ye swĩi,

Sɑ̃ɑrun Woodɑ 26:4

kon de ɡurɑ yu nɛ yen sɑɑ sɔɔ kpɑ tem mu dĩɑnu wɛ̃ kpɑ dɑ̃nu nu binu mɑ.

Mɑlɑsi 3:11

Nɑ kon twee ɡirɑ bɛɛn tem di. Kpɑ yi ku mɑɑ bɛɛn dɑ̃ɑ binu sɑnku. Kon de resɛm ye yɑ ku rɑ rɑɑ mɑ yu mɑ bɛɛn ɡbeɑɔ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Gɔrobun Kookoosu 14:17

Adɑmɑ u ǹ tii deri seedɑ sɑri, u ɡeɑ kuɑ, u bɛɛ ɡurɑ nɛɛsiɑmmɛ i kɑ dĩɑnu wɑ ɡbeɑɔ nin sɑɑ sɔɔ, kpɑ i n kɑ nuku dobu mɔ.

Sɔ̃ɔsiru 28:12

U koo bɛɛ wɔllu wukiɑ mi win ɑrumɑnin beru yerɑ wɑ̃ɑ kpɑ u de ɡurɑ yu nɛ bɛɛn tem sɔɔ sɑɑ ye n weenɛ. Kpɑ ye i mɔ kpuro yu kuurɑ. I ǹ mɑɑ ɡobi bɔkurɑmɔ ɡɑbun mi. Tɔn tuko dɑbirɑ tɑ koo ɡobi bɔkurɑ bɛɛn mi.

Yɑkɔbu 5:7

Yen sɔ̃, nɛɡibu, i tɛmɑnɔ sere Yinni u kɑ wurɑmɑ. I mɛɛrio nɡe mɛ ɡbee wuko rɑ n suuru sɑ̃ɑ u n kɑ tem mɑrɑ mu nùn dĩɑ ɡeenu mɑruɑ. U rɑ n ɡuri ɡbiikii kɑ dɑ̃ɑki mɑrɑ.