Dɑniɛli 9:18 - Bibeli Gusunɔn Gari

¹⁸ Gusunɔ nɛn Yinni, ɑ swɑɑ dɑkio ɑ nɔ. A nɔni seeyo ɑ wuu ɡe bɑ kɑ wunɛn yĩsiru sokumɔ mɛɛri nɡe mɛ ɡɑ bɑnsu kuɑ. Sɑ yɛ̃ mɑ bɛsɛn dɛɛrɑrɑ kun turɑ su kɑ nun ɡɑ̃ɑnu ɡɑnu kɑnɑ. Adɑmɑ wunɛn wɔnwɔn bɑkɑrun sɔ̃nɑ sɑ nun yeni kɑnɑmɔ.

Dɑniɛli 9:18 ပူးပေါင်းရင်းမြစ်များ

Sinɑmbu I 8:29

A de wunɛn nɔni yi n wɑ̃ɑ dii te sɔɔ wɔ̃kuru kɑ sɔ̃ɔ sɔɔ. A nɛn kɑnɑru swɑɑ dɑkio te nɑ mɔ̀ yɑm mini, domi miyɑ ɑ nɛɛ, kɑɑ tii sɔ̃ɔsi.

Sinɑmbu II 19:16

A nɔni seeyo ɑ mɛɛri, kpɑ ɑ swɑɑ dɑki ɑ nɛn ɡɑri nɔ. Kpɑ ɑ Sɑnkeribu Asirin sunɔn ɡɑri nɔ, wi u win sɔm kowobun wiruɡii ɡɔrimɑ u kɑ nun wɔmɛ.

Womusu 116:1

Nɑ Yinni Gusunɔ kĩ, domi u rɑ nɛn nɔɔ nɔ nɑ̀ n nùn sokɑ.

Womusu 25:6

Yinni Gusunɔ, nɑ nun kɑnɑmɔ, ɑ wunɛn durom kɑ wunɛn wɔnwɔndu yɑɑyo, ye ɑ mɑn sɔ̃ɔsi yellun di.

Yɑribu 3:7

Yinni Gusunɔ u kpɑm nɛɛ, nɑ nɛn tɔmbun nɔni swɑ̃ɑru wɑ be bɑ wɑ̃ɑ Eɡibitiɔ. Nɑ mɑɑ ben weeweenu nuɑ dɑm mɛ bɑ bu dɔremɔn sɔ̃. Nɑ ben nuku sɑnkirɑnu yɛ̃.

Esɑi 37:17

A nɔni seeyo ɑ mɛɛri, kpɑ ɑ swɑɑ dɑki ɑ nɛn ɡɑri nɔ, kpɑ ɑ Sɑnkeribu, Asirin sinɑ bokon ɡɑri nɔ yi win sɔm kowobun wiruɡii u kɑ nun wɔnwɑ.

Esɑi 43:7

be, be bɑ nɛn yĩsiru sɔɔwɑ, be nɑ tɑkɑ kuɑ bu kɑ mɑn bɛɛrɛ wɛ̃.

Esɑi 64:6

Goo sɑri wi u wunɛn somiru kɑsu. Goo mɑɑ sɑri wi u rɑ nun kɑnɛ bururu, domi ɑ sun wunɛn wuswɑɑ beruɑ, mɑ ɑ sun deri sɑ ɡɔɔ dɔɔ bɛsɛn durum sɔ̃.

Yeremi 14:7

Yudɑbɑ bɑ ɡerumɔ bɑ mɔ̀, bɑɑ mɛ sɑ tɑɑrɛ mɔ bɛsɛn durum sɔ̃, Yinni Gusunɔ, ɑ sun somiɔ wunɛn yĩsirun bɛɛrɛn sɔ̃. Wee sɑ kuɑ mɛm nɔɔ sɑribɑ, mɑ sɑ nun torɑri.

Yeremi 14:9

Mbɑn sɔ̃nɑ kɑɑ n sɑ̃ɑ nɡe wi bɑ wɔri subɑru sɔɔ, ǹ kun mɛ nɡe tɑbu durɔ wi u kpɑnɑ u sun fɑɑbɑ ko, ɑ sere wɑ̃ɑ bɛsɛn suunu sɔɔ. Yinni Gusunɔ, mɑ sɑ wunɛn yĩsiru sɔɔwɑ, ɑ ku sun deri.

Yeremi 15:16

Wunɛn ɡɑri kpurowɑ nɑ swɑɑ dɑki. Mɑ nɑ yi doke ɡɔ̃ruɔ. Yiyɑ yi mɑn nuku dobu wɛ̃. Gusunɔ wɔllu kɑ tem Yinni, ɑ n yɛ̃ mɑ wunɛn yĩsirɑ nɑ sɔɔwɑ.

Yeremi 25:29

Domi u ǹ win wuu Yerusɑlɛmu deri. Ǹ n mɛn nɑ, u koo bweseru ɡɑru deri? Aɑwo, u ǹ derimɔ. Bwesenu kpuro sɔɔrɑ u koo win mɔru sure. Wi, Gusunɔ wɔllu kɑ tem Yinniwɑ u yeni ɡeruɑ.

Yeremi 36:7

Sɔrɔkudo bɑ koo ɡɔ̃ru ɡɔsiɑ bu ben dɑɑ kɔ̃sɑ deri, kpɑ bu Yinni Gusunɔ suuru kɑnɑ. Domi win mɔru yɑ kpɑ̃ ye u kɑ bu mɔ̀.

Yeremi 37:20

Tɛ̃, nɛn yinni sinɑ boko, ɑ mɑn swɑɑ dɑkio kpɑ ɑ nɛn kɑnɑru nɔ, kpɑ ɑ mɑn kuɑ ye nɑ kĩ. A ku mɑɑ de n wurɑ Yonɑtɑm tire yoron diru mi, kpɑ n ku rɑ kɑ ɡbi.

Esekiɛli 36:22

Yen sɔ̃, tɔnun bii, ɑ kpɑm Isirelibɑ sɔ̃ɔwɔ ɑ nɛɛ, n ǹ ben sɔ̃ nɑ yeni mɔ̀. Nɛn yĩsi dɛɛrɑ ten sɔ̃nɑ te bɑ sɑnkɑ bwesenu sɔɔ.

Esekiɛli 36:32

Adɑmɑ be, Isirelibɑ bɑ n yɛ̃ mɑ n ǹ ben sɔ̃ nɑ mɔ̀ mɛ. Bu de sekuru tu bu mwɑ. Nɛ, Yinni Gusunɔwɑ nɑ yeni ɡeruɑ.

Dɑniɛli 9:7

Yinni Gusunɔ, ɑ sɑ̃ɑwɑ ɡemɡii. Bɛsɛrɑ sɑ torɑ. Mɑ sɑ wɑ̃ɑ sekuru sɔɔ ɡisɔ bɛsɛ Yudɑbɑ kɑ be bɑ wɑ̃ɑ Yerusɑlɛmuɔ kɑ Isirelibɑ kpuro be ɑ yɑrinɑsiɑ tontondeɔ kɑ turukuɔ yèn sɔ̃ sɑ ǹ nun mɛm nɔɔwɛ.

Gbɑburu 6:27

Yɑ̃ku kowo ù n nɛn yĩsiru sokusinɑ mɛ, sɑnɑm mɛ u Isirelibɑ domɑru kuɑmmɛ, sɑɑ yerɑ kon domɑ te mwɑ.