Dɑniɛli 6:27 - Bibeli Gusunɔn Gari

²⁷ Woodɑ ye nɑ wɛ̃ɛmɔ wee. Be bɑ wɑ̃ɑ nɛn tem sɔɔ kpuro ɡesi, bu de bu Gusunɔ Dɑniɛlin Yinni nɑsiɑ kpɑ bu nùn bɛɛrɛ wɛ̃. Domi u sɑ̃ɑwɑ wɑso. U ko n wɑ̃ɑwɑ sere kɑ bɑɑdommɑɔ. Win bɑndu tɑ ǹ kpeemɔ. Ten dɑm mu ko n wɑ̃ɑwɑ sere kɑ bɑɑdommɑɔ.

Dɑniɛli 6:27 ပူးပေါင်းရင်းမြစ်များ

Yoobu 36:15

Adɑmɑ Yinni Gusunɔ u rɑ wɔnwɔndo fɑɑbɑ kowɑ ù n wɑ̃ɑ nɔni swɑ̃ɑru sɔɔ, kpɑ u nùn kirɔ ko kɑ wɑhɑlɑ ye.

Womusu 145:13

Wunɛn bɑndu tɑ ko n wɑ̃ɑwɑ sere kɑ bɑɑdommɑɔ. Mɛyɑ kɑɑ n tu dii sere kɑ bɑɑdommɑɔ. Yinni Gusunɔ u rɑ win nɔɔ mwɛɛnu yibie. Ye u mɔ̀ kpuro sɔɔ, u rɑ win tɔn ɡeeru sɔ̃ɔsi .

Womusu 18:48

Wiyɑ u rɑ mɑn mɔru kɔsie nɛn yibɛrɛbɑn mi. Wiyɑ u rɑ de bwesenu nu mɑn yiirɑ.

Womusu 18:50

Yen sɔ̃nɑ kon womusu ko kɑ wunɛn yĩsiru. Wunɑ kon siɑrɑ bwesenun suunu sɔɔ.

Womusu 32:7

Wunɑ sɑ̃ɑ nɛn kuku yeru, ɑ rɑ mɑn ɡbɑre wɑhɑlɑn di. A derɑ nɑ womusu mɔ̀ wunɛn fɑɑbɑn sɔ̃.

Womusu 35:17

Yinni, sere dommɑ kɑɑ n yenibɑ mɛɛrɑ. A ku de bu mɑn wɔri, domi bɑ sɑ̃ɑwɑ nɡe ɡbee sinɑ kpɛnsu.

Womusu 97:10

Bɛɛ be i Yinni Gusunɔ kĩ, i kɔ̃sɑ tusio. U rɑ be bɑ nùn nɑɑnɛ sɑ̃ɑ wɔre tɔn kɔ̃sobun nɔmɑn di.

Yeremi 10:10

Adɑmɑ wunɛ Yinni Gusunɔ, ɑ sɑ̃ɑwɑ Yinni, wunɑ n weenɛ bu sɑ̃. A wɑ̃ɑwɑ. Kɑɑ n mɑɑ bɑndu diiwɑ sere kɑ bɑɑdommɑɔ. Wunɛn mɔru yɑ̀ n seewɑ, tem mu rɑ yĩiriwɑ, kpɑ bwesenu kpuro nu kpɑnɑ nu yɔ̃rɑ wunɛn wuswɑɑɔ.

Dɑniɛli 2:44

Kpee te ɑ wɑ tɑ mɛndɑmɑ kɑ tii mi, mɑ tɑ sii wɔ̃ku si, kɑ sii ɡɑn te, kɑ sɔn te, kɑ sii ɡee si, kɑ wurɑ ye kpuro kɔsukɑ muku muku mi, ten tubusiɑnɑ, bɑn ten sinɑmbun wɑɑti sɔɔ, Wɔrukoo u koo bɑndu ɡɑru swĩi. Goo sɑri wi u koo bɑn te fukɑ. Bweseru ɡɑru mɑɑ sɑri te tɑ koo tu yoru diisiɑ. Bɑn te, tɑ koo bɑn ni nu tie kpeerɑsiɑ kpɑ te tɔnɑ tɑ n wɑ̃ɑ sere kɑ bɑɑdommɑɔ. Gusunɔ Dɑm kpuroɡii wiyɑ u nun sɔ̃ɔsi ye n koo koorɑ. Ye ɑ wɑ wunɛn dosu ɡe sɔɔ kpuro, yɑ weewɑ win min di. Yen tubusiɑnu mɑɑ sɑ̃ɑwɑ nɡe mɛ nɑ nun sɔ̃ɔwɑ.

Dɑniɛli 4:31

Mɑ Nɛbukɑnɛsɑɑ u nɛɛ, ye sɑɑ ye, yɑ doonɑ, yerɑ nɑ nɔni seeyɑ wɔllɔ. Mɑ nɛn bwisikunu wure nu kuɑ tɔnuɡinu. Mɑ nɑ Wɔrukoo siɑrɑ kɑ bɛɛrɛ wi u wɑ̃ɑ sere kɑ bɑɑdommɑɔ. Wiyɑ u yiiko kpuro mɔ. Win sinɑndɑ kun nɔru mɔ. Win bɑndu tɑ ko n wɑ̃ɑwɑ sere kɑ bɑɑdommɑɔ.

Dɑniɛli 4:34

Tɛ̃, nɛ Nɛbukɑnɛsɑɑ, nɑ wɔllun sinɑ boko siɑrɑ kɑ bɛɛrɛ. Nɑ nùn wɔlle suɑ. Domi ye u mɔ̀ kpuro yɑ sɑ̃ɑwɑ ɡeɑ. Win swɛɛ kpuro yi sɑ̃ɑwɑ dee dee. U koo mɑm kpĩ u be bɑ tii suɑmɔ kɑwɑ.

Dɑniɛli 6:20

Yerɑ sinɑ boko Dɑrusi u seewɑ buru buru yellu u dɑ wɔru ɡen mi fuuku fuuku.

Yohɑnu 4:48

Yerɑ Yesu nùn sɔ̃ɔwɑ u nɛɛ, mɑ n kun mɔ bɛɛ i yĩreru wɑ kɑ sɔm mɑɑmɑɑkiɡinu, i ǹ nɑɑnɛ dokemɔ.

Gɔrobun Kookoosu 4:30

A wunɛn nɔmu dɛmiɔ ɡu tɔmbu bɛkiɑ, ɑ de yĩrenu kɑ sɔm mɑɑmɑɑkiɡinu nu koorɑ kɑ wunɛn sɔmɔ dɛɛro Yesu win yĩsiru.

Heberu 2:4

Sɑɑ ye sɔɔrɑ Gusunɔ u ben seedɑ dɑm sosi kɑ yĩrenu kɑ mɑɑmɑɑki kɑ sɔm dɑmɡii bwese bwesekɑ. U mɑɑ kpɑm tɔmbu Hunde Dɛɛron kɛ̃nu bɔnu kuɑ nɡe mɛ u kĩ.

Sɑmuɛli I 17:26

Mɑ Dɑfidi u be bɑ wɑ̃ɑ win bɔkuɔ bikiɑ u nɛɛ, wɑrɑ rɑ n Filisiti, bɑnɡo sɑriruɡii wi, u sere kɑ bɛsɛ Gusunɔn tɑbu kowobu nɔɔ kɑsu. Mbɑ bɑ koo yɛ̃ro wɛ̃ wi u nùn ɡo, mɑ u Isirelibɑ sekuru yɑrɑ.