Dɑniɛli 5:22 - Bibeli Gusunɔn Gari

²² Wee, wunɛ mɑɑ Bɛɛsɑsɑɑ, wunɛ wi ɑ sɑ̃ɑ win bii, bɑɑ mɛ ɑ ye kpuro yɛ̃, ɑ yinɑ ɑ tii kɑwɑ.

Dɑniɛli 5:22 ပူးပေါင်းရင်းမြစ်များ

Bɑndun Gɑri II 33:23

U ǹ tii kɑwe Yinni Gusunɔn wuswɑɑɔ nɡe mɛ win tundo u tii kɑwɑ. Adɑmɑ u win torɑnu sosimɔwɑ u dɔɔ.

Bɑndun Gɑri II 36:12

Kɔ̃sɑ u kuɑ Gusunɔ win Yinnin wuswɑɑɔ. U ǹ tii kɑwe Gusunɔn sɔmɔ Yeremin wuswɑɑɔ wi u rɑ nùn Yinni Gusunɔn ɡɑri sɔ̃.

Womusu 119:46

Kon ben ɡɑri sinɑmbu sɔ̃. Nɑ ǹ ko nɑ n mɑɑ wɑ̃ɑ sekuru sɔɔ.

Yɑribu 10:3

Mɔwisi kɑ Aroni bɑ dɑ sunɔ win mi, bɑ nɛɛ, ɑmɛniwɑ bɛsɛ Heberubɑn Gusunɔ wi u rɑ n wɑ̃ɑ u ɡeruɑ. U nɛɛ, sere dommɑ kɑɑ n yinɛ ɑ tii kɑwɑ win wuswɑɑɔ. A de win tɔmbu bu doonɑ bu nùn sɑ̃.

Esɑi 13:11

Yinni Gusunɔ u nɛɛ, kon hɑnduniɑɡibu sɛɛyɑsiɑ ben kɔ̃sɑ ye bɑ mɔ̀n sɔ̃, kɑ mɑɑ nuku kɔ̃suruɡibu ben nuku kɔ̃surun sɔ̃. Kon de be bɑ tii sue bu kɑm ko, kpɑ n be bɑ tɔmbu dɑm dɔremɔ kpeerɑsiɑ.

Esɑi 14:13

Wunɛ wi ɑ rɑ n ɡerumɔ wunɛn ɡɔ̃ruɔ ɑ n mɔ̀, kɑɑ yɔ wɔllɔ, ɑ wunɛn sinɑ ɡɔnɑ tɛriɑ kperin wɔllɔ, kpɑ ɑ sinɑ ɡuuru wɔllɔ sɔ̃ɔ yɛ̃sɑn nɔm ɡeu ɡiɑ, bũnun suunu sɔɔ.

Esɑi 26:10

Adɑmɑ bɑɑ bɑ̀ n tɔn kɔ̃so durom kuɑ, u ǹ ɡem ɡiɑmɔ. U ko n win kom kɔ̃sum mɔ̀wɑ tem mi ɡem mu wɑ̃ɑ, kpɑ u n Gusunɔn yiiko ɡɛmɑ.

Dɑniɛli 5:18

Ǹ n mɛn nɑ, yinni, ɑ swɑɑ dɑkio ɑ nɔ. Wɔrukoo u wunɛn tundo Nɛbukɑnɛsɑɑ bɑndu wɛ̃ kɑ bɛɛrɛ kɑ ɡirimɑ kɑ yiiko.

Mɑteu 21:32

Domi Yohɑnu nɑ u bɛɛ swɑɑ ɡeɑ sɔ̃ɔsi, mɑ i ǹ nùn nɑɑnɛ doke. Adɑmɑ ɡbere mwɑɔbu kɑ kurɔ tɑnɔbu beyɑ bɑ nùn nɑɑnɛ doke. Wee bɛɛ, bɑɑ mɛ i ye wɑ i ǹ ɡɔ̃ru ɡɔsie i nùn nɑɑnɛ doke.

Luku 12:47

Yoo wi u win yinnin kĩru ɡiɑ, mɑ u ǹ ɡɑ̃ɑnu sɔɔru kue, mɑ u ǹ win kĩru kue, win soberɑ tɑ koo kpɛ̃ɑ.

Yohɑnu 13:17

Tɛ̃ wee, i sɔ̃ɔsi teni ɡiɑ. Doo nɔɔruɡibɑ bɛɛ, ì n tu swĩi.

Yɑkɔbu 4:17

Nɡe mɛyɑ bɑɑwure wi u ɡeɑn kobu yɛ̃ mɑ u kun kue, u torɑwɑ.

Yɑkɔbu 4:6

Adɑmɑ u rɑ tɔnu durom kue mɛ n kpɑ̃ɑru kere, domi Gusunɔn ɡɑri nɛɛ, “Gusunɔ kun wɑ̃ɑ be bɑ tii suen biruɔ, ɑdɑmɑ u tii kɑwobu durom kuɑmmɛ.”