Dɑniɛli 4:27 - Bibeli Gusunɔn Gari

²⁷ Mɑ u nɛɛ, Bɑbiloni wee, wuu bɔkɔ ɡe nɑ bɑnɑ kɑ nɛn tiin dɑm ɡɑ n kɑ sɑ̃ɑ nɛn sinɑ kpɑɑru. Gɑ mɑɑ nɛn yiiko kɑ nɛn bɛɛrɛ sɔ̃ɔsimɔ.

Dɑniɛli 4:27 ပူးပေါင်းရင်းမြစ်များ

Torubu 11:4

Bɑ kpɑm nɛɛ, i de su wuu swĩi kpɑ su ɡidɑmbisɑ bɑni yèn wii kpiirɑ koo wɔllu ɡirɑri, kpɑ su yĩsiru yɑri kpɑ su ku yɑrinɑ hɑnduniɑ kpuro sɔɔ.

Sinɑmbu I 21:29

ɑ wɑ nɡe mɛ Akɑbu u tii kɑwɑ nɛn wuswɑɑɔ? Yen sɔ̃, nɑ ǹ mɑɑ derimɔ kɔ̃sɑ ye, yu koorɑ win wɑɑti sɔɔ. Win biin wɑɑti sɔɔrɑ kon de yu koorɑ.

Womusu 119:46

Kon ben ɡɑri sinɑmbu sɔ̃. Nɑ ǹ ko nɑ n mɑɑ wɑ̃ɑ sekuru sɔɔ.

Mɔnnu 11:2

Tii suɑbu bu rɑ kɑ ɡɛndu nɛwɑ. Be bɑ tii kɑwe berɑ bɑ bwisi mɔ.

Mɔnnu 16:6

À n mɔ̀ dee dee, mɑ ɑ sɑ̃ɑ nɑɑnɛɡii, Yinni Gusunɔ u koo nun wunɛn torɑnu suuru kuɑ. À n nùn nɑsie, kpɑ u nun kɔ̃sɑ kpuro ɡbɑrɑ.

Mɔnnu 28:13

Wi u win torɑru tii mɑrisi, u ǹ koorɑmɔ, ɑdɑmɑ wi u te tuubɑ kuɑ, mɑ u te deri, Gusunɔ u koo yɛ̃ro suuru kuɑ.

Esɑi 10:13

Domi u ɡerumɔ u mɔ̀, win tiin dɑm kɑ win tiin bwisiyɑ u kɑ nɑsɑrɑ wɑ. U bwese tukunun tem mwɑ, mɑ u ben ɑrumɑni ɡurɑ. U sinɑmbu wɔri nɡe tɑbu durɔ dɑmɡii, mɑ u bu bɑndu yɑrɑ.

Esɑi 47:10

Wee, ɑ rɑɑ kom kɔ̃sum mɔ̀ kɑ toro sindu, domi ɑ ɡerumɔ ɑ mɔ̀, ɡoo kun nun wɑɑmɔ. Wunɛn lɑɑkɑri kɑ wunɛn yɛ̃ru tɑ nun wiru ɡɔsiɑ. Mɑ ɑ ɡerumɔ wunɛn ɡɔ̃ruɔ ɑ mɔ̀, wunɑ mi. Goo kun kɑ nun nɛ.

Esɑi 47:8

A swɑɑ dɑkio, Bɑbiloni, wunɛ wi ɑ rɑ n wunɛn tiin nuku dobu kɑsu, mɑ ɑ sɔ̃ kɑ toro sindu ɑ ɡerumɔ wunɛn ɡɔ̃ruɔ ɑ mɔ̀, wunɑ mi, ɡoo mɑɑ sɑri wi u kɑ nun nɛ. A ǹ ɡɔminiru dimɔ, wunɛn bii ɡoo kun mɑɑ ɡbimɔ.

Yeremi 29:7

I kɑsuo nɡe mɛ tem mɛ, mu koo kɑ kuurɑ mi Yinni Gusunɔ u derɑ i yoru dimɔ. Kpɑ i nùn kɑnɑ tem mɛn sɔ̃, domi mù n kuurɑ, bɛɛn tii i ko i kuurɑwɑ.

Yeremi 38:20

Mɑ Yeremi u nùn wisɑ u nɛɛ, bɑ ǹ nun bu nɔmu sɔndiɑmmɛ. A nɔɔwɔ ye Yinni Gusunɔ u ɡerumɔ sɑɑ nɛn min di, kpɑ ɑ fɑɑbɑ wɑ, ɑ n wɑ̃ɑ.

Esekiɛli 18:7

U ku rɑ ɡoo ɡbɛni. U ku rɑ mɑɑ ɡoo sɔmburu koosie kɑm. U rɑ wi u win dibu nɛni win tɔrubɑ wesie. U rɑ wi ɡɔ̃ɔrɑ mɔ̀ dĩɑnu wɛ̃. Kpɑ u wi u tereru sĩimɔ yɑ̃nu wɛ̃.

Esekiɛli 29:3

ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee kon nùn wɔrimɑ wi, wi u sɑ̃ɑ nɡe kɑrɑku ɡe ɡɑ nɑnum mɔ ɡɑ kpĩ dɑɑ te bɑ mɔ̀ Niluɔ. Mɑ u ɡerumɔ u mɔ̀, dɑɑ te, tɑ sɑ̃ɑwɑ wiɡiru domi wiyɑ u tu kuɑ.

Esekiɛli 29:9

Eɡibitin tem mu koo ko bɑnsu kpɑ bu ɡiɑ mɑ nɛnɑ nɑ sɑ̃ɑ Yinni Gusunɔ. Domi yen sunɔ u nɛɛ, wiyɑ u dɑɑ te bɑ mɔ̀ Nilu mɔ. Wiyɑ u mɑɑ be tu kuɑ.

Yoɛli 2:14

Sɔrɔkudo kon ɡɔ̃ru ɡɔsiɑ, kpɑ n bɛɛ durom kuɑ. Sɑɑ ye sɔɔrɑ i ko i kpĩ i kɑ mɑn ɑlikɑmɑ kɑ tɑm kɛ̃nu nɑɑwɑ.

Amɔsu 6:13

Bɛɛ i nuku dobu mɔ̀ kɑm sɔɔ, mɑ i ɡerumɔ i mɔ̀, bɛɛn tiin dɑmɑ i kɑ nɑsɑrɑ wɑ.

Yonɑsi 3:9

Sɔrɔkudo Gusunɔ u koo ɡɔ̃ru ɡɔsiɑ kpɑ win mɔru yu sure u kun mɑɑ sun kɑm koosie.

Hɑbɑkuku 1:11

Yen biru kpɑ bu yɑri min di nɡe woo ɡunɑ, kpɑ bu mɑɑ dɑ bu ɡɑm wɔri bu kɔ̃sɑ ko. Ben dɑmɑ bɑ nɑɑnɛ sɑ̃ɑ, mu sɑ̃ɑ nɡe ben bũu.

Sofoni 2:15

Nɡe mɛyɑ wuu ɡe, ɡɑ koo ko, ɡe, ɡe ɡɑ rɑɑ tii sue mi, mɑ ɡɑ tɑmɑɑ ɡɑ wɑ̃ɑwɑ bɔri yɛndu sɔɔ, mɑ ɡɑ tii sɔ̃ɔmɔ ɡɑ mɔ̀, ɡerɑ ɡɑ kpuro kere. Wee ɡɑ wɔrumɑ ɡɑ bɑnsu kuɑ. Gɑ kuɑ yɛɛn wɑ̃ɑ yeru. Wi u sɑrɔ mi, u koo wiɑ kowɑ u nɔmɑ kpɑrɑ.

Mɑteu 3:8

I de bɛɛn kookoosu su sɔ̃ɔsi mɑ i ɡɔ̃ru ɡɔsiɑ.

Luku 11:41

I sɑ̃ɑrobu wɛ̃ɛyɔ ye yɑ wɑ̃ɑ ɡbɛ̃ɛrun sɔɔwɔ, kpɑ ye yɑ tie yu bɛɛ dɛɛrɑ.

Gɔrobun Kookoosu 24:25

Adɑmɑ sɑnɑm mɛ Pɔlu u bu ɡem kobu kɑ ɡɑyɑ kɑ mɑɑ siri bi bu ween ɡɑri tubusiɑmɔ, Felisi u nɑndɑ, mɑ u nɛɛ, ɑ doonɔ ɡinɑ. Kon kpɑm nun soku nɑ̀ n fɛɛ wɑ.

Gɔrobun Kookoosu 26:20

Nɑ wɑɑsu kuɑ, ɡbiikɑɑ Dɑmɑsiɔ kɑ mɑɑ Yerusɑlɛmuɔ, yen biru Yudeɑn tem kpuro sɔɔ, kɑ mɑɑ tɔn tukobun mi. Nɑ bu sɔ̃ɔwɑ bu ben ɡɔ̃ru ɡɔsio bu torɑnu deri bu wurɑ Gusunɔn mi, kpɑ bu ɡɔ̃ru ɡɔsiɑbun kookoosu sɔ̃ɔsi.

Gɔrobun Kookoosu 8:22

Yen sɔ̃, ɑ ɡɔ̃ru ɡɔsio wunɛn kom kɔ̃sum di, kpɑ ɑ Yinni kɑnɑ u nun wunɛn bwisiku kɔ̃sunu suuru kuɑ ǹ n koo koorɑ.

Korinti II 5:11

Sɑ Yinnin bɛɛrɛ yɛ̃. Yen sɔ̃nɑ sɑ tɔmbu kɔkirimɔ. Adɑmɑ Gusunɔ u sun yɛ̃ sɑ̃ɑ sɑ̃ɑ, nɑ mɑɑ yĩiyɔ mɑ bɛɛn tii i sun yɛ̃ bɛɛn ɡɔ̃rusɔ.

Gɑlɑti 5:13

Nɛɡibu, bɑ bɛɛ sokɑwɑ i kɑ ko tii mɔwɔbu. Kɑ mɛ, i ku de bɛɛn tii mɔru tu de i n sĩimɔ kɑ wɑsin bɑɑ. Adɑmɑ i n sominɑmɔ kɑ kĩru.

Gɑlɑti 5:22

Adɑmɑ Gusunɔn Hunden mɑrumɑ, kĩru, kɑ nuku dobu, kɑ bɔri yɛndu, kɑ tɛmɑnɑbu, kɑ tɔn ɡeeru, kɑ nuku tiɑ, kɑ nɑɑnɛ,

Gɑlɑti 5:6

Sɑ̀ n ɡbinnɛ kɑ Yesu Kirisi, bɑnɡo ǹ kun mɛ bɑnɡo sɑriru yɑ ǹ ɡɑ̃ɑnu. Ye n sɑ̃ɑ ɡɑ̃ɑnu yeyɑ nɑɑnɛ dokebu bi bu sɔmburu mɔ̀ kɑ kĩru.

Efesu 4:28

Wi u rɑ rɑɑ ɡbɛni u ku mɑɑ ɡbɛni ɑdɑmɑ u doo u kɑ win nɔmɑ sɔm ɡeeru ko kpɑ u n ɡɑ̃ɑnu mɔ u kɑ sɑ̃ɑrobu somi.

Sɔ̃ɔsiru 32:27

Adɑmɑ u ǹ wurɑmɔ yibɛrɛbɑ bu nùn yɛ̃ɛ yèn sɔ̃ bɑ win tɔmbu kɑmiɑ, kpɑ bu nɛɛ, n ǹ wi, Yinni Gusunɔ u ye kuɑ.

Sɔ̃ɔsiru 8:17

I n tii sɛ kpɑ i ku rɑ ɡere i nɛɛ, bɛɛn hɑniɑ kɑ bɛɛn tiin dɑmɑ i kɑ ɑrumɑni ye wɑ.

Piɛɛ I 4:8

Ye n kpuro kere, yerɑ i hɑniɑ koowo i n kĩɑnɛ domi kĩru tɑ torɑ dɑbinu wukirimɔ.