Dɑniɛli 4:17 - Bibeli Gusunɔn Gari

¹⁷ A dɑ̃ru wɑ tɑ kpɑ̃. Mɑ tɑ dɑm mɔ. Ten ɡunum mu ɡirɑri wɔllɔ. Mɑ bɑ tu wɑɑmɔ hɑnduniɑ ɡirɑ kpuro.

Dɑniɛli 4:17 ပူးပေါင်းရင်းမြစ်များ

Sinɑmbu I 21:25

Domi ɡoo sɑri wi u tii yɔ̃su kɔ̃sɑ sɔɔ nɡe Akɑbu, Yinni Gusunɔn wuswɑɑɔ. N deemɑ win kurɔ Yesɑbɛliwɑ u rɑ n nùn dɑm kɛ̃mɔ u kɑ ye ko.

Bɑndun Gɑri II 28:22

Sɑnɑm mɛ u wɑ̃ɑ nuku sɑnkirɑnu sɔɔ, kɑ mɛ, u Yinni Gusunɔ mɛm nɔɔbu sɑriru koosimɔwɑ u dɔɔ.

Womusu 103:19

Yinni Gusunɔ u win sinɑ ɡɔnɑ tɛriɑ wɔllɔ. Mɑ u bɑndu dii ɡɑ̃ɑnu kpuron wɔllɔ.

Womusu 12:8

Wee tɔn kɔ̃sobu bɑ wɑ̃ɑ yɑm kpuro. Mɑ tɔmbɑ sɑnkirɑmɔ bɑ dɔɔ. Yinni Gusunɔ, ɑ sun kɔ̃suo. A sun ɡbɑro ben nɔmɑn di.

Womusu 9:16

Wee bwese tukunu nu suurɑ ɡbɑ ɡɑbun sɔ̃, mɑ nin tii nu wɔri ye sɔɔ. Nu ɡɑbu yinɑ bɛriɑ, mɑ nin tiin nɑɑsu wɔri ye sɔɔ. Tɔn kɔ̃sobɑ sɔm kɔ̃sunu kuɑ. Mɑ ben tii bɑ nin ɑre wɑ. Yinni Gusunɔ u sɔ̃ɔsi mɑ u rɑ siri dee dee.

Yɑribu 9:16

Adɑmɑ nɑ derɑ u wɑ̃ɑ u kɑ nɛn dɑm wɑn sɔ̃, kpɑ nɛn yĩsiru tu kɑ nɔɔrɑ hɑnduniɑ kpuro sɔɔ.

Esɑi 6:3

Bɑ nɔɔɡiru sue bɑ mɔ̀, Dɛɛro Dɛɛro, Gusunɔ wɔllu kɑ tem Yinni u sɑ̃ɑwɑ Dɛɛro. Win yiiko yɑ hɑnduniɑ kpuro yibɑ.

Esɑi 6:8

Yen biruwɑ nɑ Yinni Gusunɔn tiin nɔɔ nuɑ ɡɑ ɡerumɔ ɡɑ mɔ̀, wɑrɑ kon wɑ n ɡɔri. Wɑrɑ koo se u mɑn dɑɑwɑ. Mɑ nɑ wisɑ nɑ nɛɛ, nɛ wee, ɑ mɑn ɡɔrio.

Esekiɛli 25:17

U koo bu sɛɛyɑsiɑ u mɔru kɔsiɑ kɑ dɑm. Sɑɑ ye sɔɔrɑ bɑ koo ɡiɑ mɑ wiyɑ u sɑ̃ɑ Yinni Gusunɔ.

Esekiɛli 7:24

Kon bwesenu sokumɑ ni nu nuku kɔ̃suru bo, kpɑ nu bɛɛn yɛnusu mwɛɛri. Kon bɛɛn dɑmɡibun tii suɑbu kpeesiɑ. Kpɑ n de bu bɛɛn sɑ̃ɑ yenu disi doke.

Dɑniɛli 11:21

Wi bɑ ɡɛmɑ, wiyɑ bɑ koo bɑndu kɔsire ko. Bɑ ǹ nùn sinɑ yɑ̃nu wɛ̃ɛmɔ. Bɔri yɛndu sɔɔrɑ u koo nɑ u bɑndu di kɑ tɑki.

Dɑniɛli 2:21

Wunɑ ɑ rɑ sɑɑbɑ ɡɔsie. Wunɑ ɑ rɑ sinɑmbu bɑndu wɛ̃. Wunɑ ɑ rɑ mɑɑ bu bɑndu yɑre. Wunɑ ɑ rɑ lɑɑkɑriɡibu lɑɑkɑri wɛ̃, kpɑ ɑ bwisiɡibu yɛ̃ru kɛ̃.

Dɑniɛli 4:2

Yerɑ wɔ̃kuru ɡɑru sɔɔ, nɑ dosu ɡɑɡu kuɑ ɡe ɡɑ mɑn bɛrum mwɑ. Kɑ̃si ni nɑ wɑ sɑnɑm mɛ nɑ kpĩ, nu mɑn nɑnum mwɑ.

Dɑniɛli 4:25

Yenibɑ kpuro yɑ sinɑ boko Nɛbukɑnɛsɑɑ deemɑ.

Dɑniɛli 7:25

Sunɔ wi, u koo Wɔrukoo ɡɑri kɑm ɡerusi kpɑ u win tɔn dɛɛrobu nɔni sɔ̃. U ko n mɑɑ kĩ u sɑɑbɑ kɑ woodɑbɑ kɔsi. Bɑ koo nùn tɔn dɛɛrobu nɔmu sɔndiɑ sere sɑɑ itɑ kɑ bɔnu.

Romu 13:1

Kpɑ bɑɑwure u n tem yɛ̃robu wiru kpĩiyɛ domi tem yɛ̃ro sɑri wi u kun wɑ̃ɑ kɑ Gusunɔn yɛ̃ru. Tem yɛ̃ro be bɑ mɑɑ wɑ̃ɑ, Gusunɔwɑ u bu kuɑ.

Korinti I 1:28

Gusunɔ u mɑɑ bwɛ̃ɛbwɛ̃ɛbu ɡɔsɑ kɑ be bɑ ɡɛmɑ kɑ be bɑ ǹ sɑ̃ɑ ɡɑ̃ɑnu hɑnduniɑ ye sɔɔ u kɑ bu kɑwɑ mɑm mɑm be bɑ mɛɛrɑ ɡɑ̃ɑnu.

Timɔte I 5:21

Nɑ wure nɑ nun sɔ̃ɔmɔ Gusunɔ kɑ Yesu Kirisi kɑ win ɡɔrɑdo be u ɡɔsɑn wuswɑɑɔ, ɑ sɔ̃ɔsi nini mɛm nɔɔwɔ n kun kɑ ɡoon nɔnu nɑsiɑru. A ku mɑɑ ɡɑ̃ɑnu ko kpɑɑsirun kĩrun sɔ̃.

Kɑ̃siru 4:8

Hunde koni nnɛ yen bɑɑyere yɑ kɑsɑ nɔɔbɑ tiɑ tiɑ mɔ, mɑ yi nɔni mɔ yɑm kpuro tɔɔwɔ kɑ sɔɔwɔ. Bɑ rɑ n womu mɔ̀ kpeetim sɑri sɔ̃ɔ sɔɔ kɑ wɔ̃kuru bɑ n mɔ̀, Dɛɛro! Dɛɛro! Dɛɛro! Mɛyɑ Yinni Gusunɔ Dɑm kpuroɡii u sɑ̃ɑ, wi u rɑɑ wɑ̃ɑ, wi u wɑ̃ɑ, wi u mɑɑ sisi.

Sɑmuɛli I 2:8

U rɑ wɔnwɔndo seeye tem di. Kpɑ u wi bɑ ɡɛmɑ wɔlle suɑ. U rɑ bu sinɑsie kɑ sinɑ bibu sɑnnu kpɑ bu ko bɛɛrɛɡibu. Wiyɑ u hɑnduniɑn kpɛɛkpɛɛku swĩi. Gen wɔllɔwɑ u ye sɔndi.