Dɑniɛli 2:35 - Bibeli Gusunɔn Gari

³⁵ Mɑ sii wɔ̃ku si, kɑ sɔn te, kɑ sii ɡɑn te, kɑ sii ɡee si, kɑ wurɑ ye, ye kpuro yɑ sunkurɑ muku muku. Mɑ yɑ kuɑ nɡe doo diri yi bɑ sɑrɑ sɔ̃ɔ sɑ̃rerun sɑɑ. Mɑ yi kɑ woo doonɑ. Bɑɑ yin yirɑ ɑ ǹ mɑɑ kpɛ̃ ɑ wɑ. Adɑmɑ kpee te tɑ bwɑ̃ɑroku ɡe so mi, tɑ ɡɔsirɑwɑ ɡuu bɑkɑru. Mɑ tɑ hɑnduniɑn tem kpuro wukiri.

Dɑniɛli 2:35 ပူးပေါင်းရင်းမြစ်များ

Yoobu 6:17

Yɑm susurun sɑɑ, kpɑ sɔ̃ɔ u tu ɡberɑsiɑ.

Womusu 103:16

Woo ɡɑ̀ n su swee kpɑ su doonɑ. Bɑɑ sin yĩreru ɑ ǹ mɑɑ wɑsi.

Womusu 22:27

Sɑ̃ɑrobu bɑ koo di bu debu. Be bɑ Yinni Gusunɔ kɑsu, berɑ bɑ koo nùn siɑrɑ. Kpɑ ben hunde yu dɑkɑɑ dɑ.

Womusu 37:10

N tie fiiko ye tɔn kɔ̃sobɑ kun ko n mɑɑ kɑ wɑ̃ɑ. Bɑɑ ɑ̀ n mɛɛrɑ mi bɑ rɑɑ wɑ̃ɑ, ɑ ǹ mɑɑ bu wɑsi.

Womusu 37:36

Adɑmɑ ben bɑɑ yɑ doonɑ, wee bɑ ǹ mɑɑ wɑ̃ɑ. Nɑ bu kɑsu, ɑdɑmɑ bɑ ǹ wɑɑrɔ.

Womusu 46:9

I nɑ i wɑ ye Yinni Gusunɔ u kuɑ. U sɔm mɑɑmɑɑkiɡinu kuɑ hɑnduniɑ sɔɔ.

Womusu 66:4

Hɑnduniɑɡibu kpuro bɑ nùn yiirɑmmɛ. Bɑ nùn tɔmɑmɔ kɑ womusu, mɑ bɑ win yĩsiru bɛɛrɛ wɛ̃ɛmɔ.

Womusu 86:9

Bwese ni ɑ tɑkɑ kuɑ kpuro nu koo nɑ nu yiirɑ wunɛn wuswɑɑɔ, kpɑ nu wunɛn yĩsiru bɛɛrɛ wɛ̃.

Esɑi 11:9

Bɑɑwure u ko n Yinni Gusunɔn yɛ̃ru yibɑwɑ nɡe mɛ nim wɔ̃ku ɡɑ nim yibɑ. Yen sɔ̃nɑ be bɑ koo dɑ bu Yinni Gusunɔ sɑ̃ win ɡuurɔ te u tii ɡɔsiɑ Yerusɑlɛmuɔ, ben ɡoo kun win winsim kɔ̃sɑ kuɑmmɛ.

Esɑi 8:9

Bɛɛ bwese ni nu tie, bɛɛ be i wɑ̃ɑ n tomɑ, i swɑɑ dɑkio. Bɑɑ ì n mɛnnɑ sɑnsɑniɔ i tɑbun kuuki kuɑ, bɑ koo bɛɛ kɔsukuwɑ. Bɑɑ ì n tɑbun sɔɔru kuɑ, kɑ mɛ, bɑ koo bɛɛ kɑmiɑ.

Dɑniɛli 2:44

Kpee te ɑ wɑ tɑ mɛndɑmɑ kɑ tii mi, mɑ tɑ sii wɔ̃ku si, kɑ sii ɡɑn te, kɑ sɔn te, kɑ sii ɡee si, kɑ wurɑ ye kpuro kɔsukɑ muku muku mi, ten tubusiɑnɑ, bɑn ten sinɑmbun wɑɑti sɔɔ, Wɔrukoo u koo bɑndu ɡɑru swĩi. Goo sɑri wi u koo bɑn te fukɑ. Bweseru ɡɑru mɑɑ sɑri te tɑ koo tu yoru diisiɑ. Bɑn te, tɑ koo bɑn ni nu tie kpeerɑsiɑ kpɑ te tɔnɑ tɑ n wɑ̃ɑ sere kɑ bɑɑdommɑɔ. Gusunɔ Dɑm kpuroɡii wiyɑ u nun sɔ̃ɔsi ye n koo koorɑ. Ye ɑ wɑ wunɛn dosu ɡe sɔɔ kpuro, yɑ weewɑ win min di. Yen tubusiɑnu mɑɑ sɑ̃ɑwɑ nɡe mɛ nɑ nun sɔ̃ɔwɑ.

Osee 13:3

Yen sɔ̃nɑ bɑ koo doonɑ nɡe bururun kɑkoru ǹ kun mɛ nɡe dirum. Bɑ sɑ̃ɑ nɡe yɑkɑ si bɑ ɡurɑ bɑ yɑri doo soo yerun di su kɑ woo doonɔ ǹ kun mɛ nɡe wii si su yɑrimɔ ɡbɑburun di.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Sɑkɑri 12:3

Tɔ̃ɔ te sɔɔ, kon ye ɡɔsiɑ nɡe kpee bɑkɑru. Be bɑ kĩ bu tu suɑ bɑ koo mɛɛrɑ wɑ. Hɑnduniɑn bwesenu kpuro nu koo mɛnnɑ nu tu wɔri.

Korinti I 15:25

Domi Kirisi u ǹ koo ko u kun bɑndu di sere Gusunɔ u kɑ nùn win yibɛrɛbɑ kpuro tɑɑreɑ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 12:8

Adɑmɑ bɑ bu tɑbu di, bɑ ǹ wure yɑɑ ye, kɑ yen bwɑ̃ɑbu bɑ n wɑ̃ɑ wɔllu mi.

Kɑ̃siru 20:11

Yerɑ nɑ mɑɑ sinɑ kitɑ kpiki bɑkɑru wɑ kɑ wi u sɔ̃ ten wɔllɔ. Mɑ tem kɑ wɔllɑ dukɑ doonɑ win wuswɑɑn di, yen ɡɑɑ kun mɑɑ wɑɑrɔ.