Dɑniɛli 2:27 - Bibeli Gusunɔn Gari

²⁷ Dɑniɛli u sinɑ boko sɔ̃ɔwɑ u nɛɛ, bwisiɡibu kɑ sɔrobu kɑ dobo doboɡibu kɑ bũu sinɑmbu bɑ ǹ kpɛ̃ bu nun ɑsiri ye ɑ bikiɑ mini sɔ̃.

Dɑniɛli 2:27 ပူးပေါင်းရင်းမြစ်များ

Torubu 40:8

Bɑ nùn wisɑ bɑ nɛɛ, sɑ dosɑwɑ. Goo mɑɑ sɑri wi u koo sun dosu si tubusiɑ. Yosɛfu u bu sɔ̃ɔwɑ u nɛɛ, n ǹ Gusunɔwɑ u rɑ n ɡɑ̃ɑnu kpuron tubusiɑnu yɛ̃? Ǹ n mɛn nɑ, i mɑn bɛɛn dosu si sɑɑrio.

Torubu 41:8

Ye n kuɑ bururu win bwɛ̃rɑ kun kpunɛ. U sɔrobu kɑ bwisiɡibu kpuro sokɑ be bɑ wɑ̃ɑ Eɡibitiɔ. U bu win dosu si kpuro sɑɑriɑ. Adɑmɑ bɑɑ ben turo kun kpĩɑ u nùn dosu si tubusie.

Esɑi 19:3

U koo de Eɡibitiɡibu bu mwiɑ kpɑnɑ, kpɑ u ben nɔɔ tiɑ kɑm koosiɑ. Kpɑ bu bikiɑru dɑ bũnun mi kɑ dobo doboɡibun mi kɑ ɡɔri sokobun mi, kɑ sɔrobun mi.

Esɑi 44:25

Nɑ rɑ sɔmɔ weesuɡibun ɡɑri tɛɛsi, kpɑ n sɔrobu yɑɑkoru ko. Nɑ rɑ de bwisiɡibu bu biru wurɑ, kpɑ n ben sɔ̃ɔsinu ɡɔsiɑ wiirɑ ɡɑri.

Yeremi 10:7

Wunɑ ɑ sɑ̃ɑ bwesenu kpuron sinɑ boko. Wɑrɑ u ǹ koo nun nɑsiɑ. Wunɑ ɑ yiiko kpuro mɔ. Bwesenu kpuron bwisiɡibu sɔɔ, ɡoo sɑri wi u kɑ nun weenɛ.

Dɑniɛli 1:20

Gɑri yi sinɑ boko u bu bikiɑ kpuro, bɑ rɑ yi wisiwɑ kɑ bwisi, kɑ yɛ̃ru. Mɑ u wɑ bɑ dobo doboɡibu kɑ sɔrobu bwisi kere sere mi n tomɑ, be bɑ wɑ̃ɑ win tem sɔɔ kpuro.

Dɑniɛli 2:2

Yerɑ u dobo doboɡibu sokusiɑ kɑ sɔrobu kɑ bũu sinɑmbu kɑ bwisiɡibu bu kɑ nùn win dosu ɡe sɔ̃. Mɑ tɔn be kpuro bɑ nɑ bɑ mɛnnɑ win wuswɑɑɔ.

Dɑniɛli 4:7

Sɑnɑm mɛ nɑ kpĩ, ye nɑ dosɑ wee. Dɑ̃ru ɡɑrɑ nɑ wɑ tɑ yɔ̃ hɑnduniɑn suunu sɔɔ. Dɑ̃ɑ te, tɑ ɡunu too.