Dɑniɛli 11:40 - Bibeli Gusunɔn Gari

⁴⁰ Kpeerun sɑɑ sɔɔ, sinɑ boko wi u wɑ̃ɑ sɔ̃ɔ yɛ̃sɑn nɔm dwɑru ɡiɑ u koo kɑ mɑɑ nùn sɑnnɑ. Adɑmɑ sɔ̃ɔ yɛ̃sɑn nɔm ɡeuɡii wi, u koo nɔm dwɑruɡii wi wukiri nɡe woo bɔkɔ kɑ tɑbu kɛkɛ ye dumi ɡɑwe kɑ mɑɑsɔbu kɑ ɡoo nimkuu dɑbiru. Kpɑ u win tem wɔri u sɑrɑ nɡe mɛ nim mu rɑ dɑɑru yibu mu sɑre.

Dɑniɛli 11:40 ပူးပေါင်းရင်းမြစ်များ

Esɑi 21:1

Gɑri yiniwɑ Yinni Gusunɔ u ɡeruɑ Bɑbilonin sɔ̃. U mɑn kɑ̃si nɑnumɡiru sɔ̃ɔsi. Nɑ wɑ yibɛrɛbɑ bɑ wee sɑɑ tem mɛ bɑ nɑsien di nɡe mɛ woo ɡunɑ yɑ rɑ nɛ sɑɑ sɔ̃ɔ yɛ̃sɑn nɔm dwɑru ɡiɑn di. Wi u rɑ dɑm dɔre, u dɑm dɔrɑmɔ. Wi u rɑ mɑɑ kpeerɑsie, u kpeerɑsiɑmɔ. Elɑmun tɑbu kowobu, i seewo. Mɛdibɑ, i wuu ɡe tɑrusio. Domi Yinni Gusunɔ u derɑ Bɑbiloni ye, yɑ ǹ mɑɑ tɔmbu weeweenu koosimɔ.

Esɑi 5:28

Ben sɛ̃ɛnu nu nɔɔ do. Bɑ mɑɑ nu sɔri bu kɑ to. Mɑ ben dumin nɑɑ konnu nu bɔɔbu nɡe kperu. Mɑ ben tɑbu kɛkɛbɑ bɑ sɑ̃u nɡe woo ɡunɑ.

Esɑi 66:15

Wee, nɑ sisi nɑ wɑ̃ɑ dɔ̃ɔ yɑrɑ sɔɔ. Mɑ nɛn tɑbu kɛkɛbɑ bɑ sɑ̃ɑ nɡe woo ɡunɑ. Nɑ wee n nɛn mɔru kɔsiɑ, kpɑ n tɔmbu sɛɛyɑsiɑ kɑ dɔ̃ɔ yɑri.

Yeremi 4:13

Mɑ Yudɑbɑ bɑ nɛɛ, ɡberɑ sun di, domi sɑ kɑm kuɑ. Wee, wi u koo sun kɑm koosiɑ u sĩimɔ nɡe ɡuru wiru. Win tɑbu kɛkɛ yi sɑ̃ɑ nɡe ɡuru woo. Mɑ win dumi yi ɡunɔ bɑkeru sɑ̃ɑbu kere.

Esekiɛli 38:4

Kon nùn ɡɔsiɑmɑ kpɑ n kɔkɔnu doke win bɑɑ sɑburosɔ, kpɑ n nùn ɡɑwɑmɑ, wi kɑ win tɑbu kowobu kɑ dumi kɑ mɑɑsɔbu, kpɑ win tɔn dɑbi te, tɑ n tɑbu yɑ̃nu sebuɑ tɑ n tɛrɛ bɑkɑnu kɑ piiminu nɛni kpɑ tɑ n tɑkobibɑ fĩɑmɔ.

Esekiɛli 38:9

Adɑmɑ wi kɑ win tɔn be bɑ nùn swĩi bɑ koo tem mɛ wukiriwɑ nɡe woo bɔkɔ ǹ kun mɛ nɡe ɡuru wiru.

Dɑniɛli 11:10

Sɑɑ ye sɔɔrɑ win bibu bɑ koo tɑbun sɔɔru ko kpɑ bu tɑbu kowobu mɛnnɑ bɑ n dɑbi too too. Bii ben turo u koo tɑbu se wi kɑ win tɑbu kowobu ɡɑbu, kpɑ u win tem nɔɔ burɑ yeru sɑrɑ nɡe dɑɑ te tɑ nim yibɑ tɑ bɔ̃ɔ sɑrɑmɔ. U koo sɔ̃ɔ yɛ̃sɑn nɔm dwɑru ɡiɑn sunɔn ɡbɑ̃rɑru wɔri kpɑ u ɡɔsirɑ u wurɑmɑ.

Dɑniɛli 11:11

Sɑɑ ye sɔɔ, sinɑ boko wi u wɑ̃ɑ sɔ̃ɔ yɛ̃sɑn nɔm dwɑru ɡiɑ mi, u koo mɔru se kpɑ u nɔm ɡeuɡii wi, tɑbu wɔri. Nɔm ɡeuɡii wi, u koo mɑɑ tɑbu kowo dɑbi dɑbinu mɛnnɑ bu wiɔnɔ wɔri. Adɑmɑ bɑ koo nɔm ɡeuɡii win tɑbu kowo be kɑmiɑ.

Dɑniɛli 11:13

Yenibɑn biru, sinɑ boko wi u wɑ̃ɑ sɔ̃ɔ yɛ̃sɑn nɔm ɡeu ɡiɑ mi, u koo mɑɑ tɑbu kowo dɑbi dɑbinu mɛnnɑ n kere be u rɑɑ mɛnnɑ yellu. Wɔ̃su ɡɑsun biru, u koo wurɑmɑ kɑ tɑbu kowo be, kɑ tɑbu yɑ̃ɑ ɡeenu u nɔm dwɑruɡii wi wɔri.

Dɑniɛli 11:22

Tɑbu kowo be bɑ koo yɑri bu nùn wɔrimɑ nɡe nim, u koo bu kɔsukuwɑ u kpeerɑsiɑ, bɑɑ kɑ mɑm be bɑ ɑrukɑwɑni bɔkuɑn wiruɡii turo.

Dɑniɛli 11:25

U koo win dɑm kɑ win wɔruɡɔru kɑ win tɑbu kowobu dendi u kɑ sɔ̃ɔ yɛ̃sɑn nɔm dwɑruɡii wi wɔri. Nɔm dwɑruɡii wi, u koo mɑɑ se kɑ tɑbu kowo dɑmɡii dɑbinu, ɑdɑmɑ u ǹ kɑmiɑmɔ. Domi bɑ koo nùn murɑfitiru kuɑwɑ.

Dɑniɛli 11:35

Bwisiɡii ben ɡɑbɑ koo ɡbi bu kɑ bu sɔwɑ bu dɛɛrɑ mɑm mɑm sere kpeerun tɔ̃ru tu kɑ tunumɑ. Domi yeni yɑ koo koorɑwɑ sɑɑ ye bɑ yii sɔɔ.

Dɑniɛli 11:39

U koo wuu si su ɡbɑ̃rɑru mɔ tɑbu wɔri kɑ win bũu wi u wɑ tem tukum di. U koo be bɑ bũu wi wurɑ bɛɛrɛ wɛ̃, kpɑ u de bu bɑndu di tɔn dɑbinun wɔllɔ, kpɑ u bu tem bɔnu kuɑ mu n sɑ̃ɑ ben ɑre.

Dɑniɛli 11:7

Goo u koo se nɡe kpii pɔturɑ kurɔ win bweserun di u win tundon bɑndu di. Kpɑ u nɑ u sinɑ boko wi u wɑ̃ɑ sɔ̃ɔ yɛ̃sɑn nɔm ɡeu ɡiɑ mi wɔri ɡbɑ̃rɑnu sɔɔ u ko ye u kĩ. Yɛ̃ro u koo dɑm ko.

Dɑniɛli 12:4

Wunɛ Dɑniɛli, ɑ ɡɑri yi nɛnuɔ ɑsiri sɔɔ kpɑ ɑ yi yĩreru koosi tire te sɔɔ bu ku kɑ tu wukiɑ sere kpeerun sɑɑ. Sɑnɑm mɛ, tɔn dɑbinu nu koo yi ɡɑri kpɑ yɛ̃ru tu sosi.

Dɑniɛli 12:9

Yerɑ u nùn wisɑ u nɛɛ, Dɑniɛli, ɑ wunɛn lɑɑkɑri kpĩiyɔ. Gɑri yi, yi ko n sɑ̃ɑwɑ ɑsiri sere kpeerun sɑɑ yu kɑ turi.

Dɑniɛli 8:17

Mɑ u mɑn susimɑ. Ye u mɑn turuku koomɑ, yerɑ bɛrum mɑn mwɑ. Mɑ nɑ wɔrumɑ temɔ. U mɑn sɔ̃ɔwɑ u nɛɛ, tɔnun bii, ɑ de yi nun yeeri. Kɑ̃si te, tɑ wɑ̃ɑwɑ sɑnɑm dɑ̃ɑkim sɔ̃.

Hɑbɑkuku 3:14

A yibɛrɛbɑn sinɑmbun winu yɑburɑ kɑ ben tiin sɛ̃ɛnu. Bɑ rɑɑ sun wɔrim wee kɑ sɛndɑru nɡe woo bɔkɔ, bu kɑ sun yɑrinɑsiɑ. Bɑ nuku dobun kuuki mɔ̀. Bɑ sɔɔru sɑ̃ɑ bu kɑ sun ɡo bɛsɛn kuku yenɔ.

Sɑkɑri 9:14

Nɛ, Yinni Gusunɔ, kon tii sɔ̃ɔsi wɔllɔ. Nɛn sɛ̃u ɡɑ koo doonɑ nɡe ɡuru mɑɑkinu. Kon kɔbɑ so, kpɑ n sɑrɑmɑ ɡuru woo bɔkɔ sɔɔ, ɡe ɡɑ wee sɑɑ sɔ̃ɔ yɛ̃sɑn nɔm dwɑru ɡiɑn di.

Kɑ̃siru 16:12

Yerɑ ɡɔrɑdo nɔɔbɑ tiɑse u win yoruku wisi dɑɑ bɑkɑru sɔɔ te bɑ mɔ̀ Efɑrɑti, mɑ tɑ ɡberɑ mɑm mɑm tu kɑ sɔ̃ɔ yɑri yerun sinɑmbu swɑɑ kɛ̃ bu tɔburɑ.

Kɑ̃siru 9:16

Bɑ mɑn tɑbu kowo be bɑ dumi sɔnin ɡeeru sɔ̃ɔwɑ. Bɑ nɛɛ, bɑ sɑ̃ɑwɑ yɑko ɡoobu (200.000.000).