Asee 2:23 - Bibeli Gusunɔn Gari

²³ Yen tɔ̃ɔ te, kon nɛn sɔm kowo Sorobɑbɛli, Seɑlitiɛlin bii suɑ kpɑ n nùn ko nɛn yĩreru. Domi wiyɑ nɑ ɡɔsɑ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Asee 2:23 ပူးပေါင်းရင်းမြစ်များ

Womusu 65:5

Doo nɔɔruɡiiwɑ wi ɑ ɡɔsɑ u nun susi u wɑ̃ɑ wunɛn sɑ̃ɑ yerɔ. Wunɛn wɑ̃ɑ yerun nuku dobu koo de su debu wunɛn sɑ̃ɑ yee dɛɛrɑrɔ.

Womu Duro 8:6

A de nɛ turon ɡɑri yi n wɑ̃ɑ wunɛn ɡɔ̃ruɔ. A de ɑ n nɛ turo bɔkɑsi. Domi kĩru tɑ dɑm mɔwɑ nɡe ɡɔɔ. Nisinu nu mɑɑ sɑ̃ɑwɑ ɡɑ̃ɑ ɡɔbunu nɡe ɡɔribun wɑ̃ɑ yeru. Nin dɑm mu sɑ̃ɑwɑ nɡe dɔ̃ɔ yɑri. Yinni Gusunɔn min diyɑ yi wee.

Esɑi 42:1

Yinni Gusunɔ u nɛɛ, nɛn sɔm kowo wee, wi nɑ ɡɔsɑ. Wiyɑ nɑ kɑ wɑ̃ɑ, nɑ mɑɑ nùn kĩ. Nɑ nɛn Hunde doke wi sɔɔ. U koo ɡem ɡɑri kpɑrɑ tɔmbu sɔɔ.

Esɑi 43:10

Wunɛ Isirelin bweseru, wunɑ ɑ sɑ̃ɑ nɛn seedɑ. Wunɑ nɑ ɡɔsɑ ɑ n sɑ̃ɑ nɛn sɔm kowo, kpɑ ɑ n kɑ yɛ̃ kɑm kɑm mɑ nɛ bɑɑsi, Gusunɔ ɡoo mɑɑ sɑri. Mɛyɑ Gusunɔ ɡoo kun mɑɑ koorɔ.

Esɑi 49:16

Domi nɑ wunɛn yĩsiru yoruɑ nɛn nɔm tɑrɑrɔ. Nɑ rɑ wunɛn ɡbɑ̃rɑru yɑɑye nɛn bwisikunu sɔɔ.

Yeremi 22:24

Yinni Gusunɔ u Yeremi sɔ̃ɔwɑ u nɛɛ, kɑɑ Yoyɑkini, wi bɑ mɑɑ mɔ̀ Yekoniɑ, Yoyɑkimun bii, Yudɑbɑn sinɑ boko sɔ̃ ɑ nɛɛ, sere kɑ nɛn wɑ̃ɑru, bɑɑ ù n sɑ̃ɑn nɑ nɡe tɑɑbu nɛn nɔm ɡeuɔ, kon nùn wunɑ min di.

Mɑteu 12:18

Gɑri yi sɔɔ, Gusunɔ u nɛɛ, “Nɛn sɔm kowo wi nɑ ɡɔsɑ wee, nɛn kĩnɑsi wì sɔɔ nɛn ɡɔ̃ru dobu kpuro wɑ̃ɑ. Nɑ kon nùn nɛn hunde wɛ̃, kpɑ u nɛn ɡem kpɑrɑ bwesenu kpuron mi.

Yohɑnu 6:27

I ku dĩɑ ni nu rɑ kɔ̃si tɔnɑn sɔmburu ko, ɑdɑmɑ i dĩɑ ni nu wɑ̃ɑru te tɑ ku rɑ kpe wɛ̃ɛmɔn sɔmburu koowo. Dĩɑ niyɑ Tɔnun Bii u koo bɛɛ wɛ̃ yèn sɔ̃ wiyɑ Gusunɔ Bɑɑbɑ u win yiikon yĩreru dokeɑ.

Timɔte II 2:19

Adɑmɑ kpɛɛkpɛɛku dɑmɡuu ɡe Gusunɔ u surɑ ɡɑ ǹ yĩirurɔ. Gɑri wee yi bɑ yoruɑ ɡen wɔllɔ. Yinni u wiɡibu yɛ̃. Yen biru mɑɑ, bɑɑwure wi u Yinnin yĩsiru soku, u kom kɔ̃sum kpuro derio.

Piɛɛ I 2:4

I susio win mi, wi u sɑ̃ɑ nɡe kpee wɑsiru te tɔmbɑ yinɑ ɑdɑmɑ Gusunɔ u tu ɡɔsɑ tɑ mɑɑ bɛɛrɛ mɔ win mi.