Asee 2:22 - Bibeli Gusunɔn Gari

²² Kon sinɑmbu kpuron bɑndu fukɑ kpɑ n ben dɑm kpeesiɑ. Kon bɛɛn tɑbu kɛkɛ yi dumi ɡɑwe kɑ be bɑ duɑ yi sɔɔ fukiri kɑ sere mɑɑ dumi kɑ yin mɑɑsɔbu. Ben tii tiinɛwɑ bɑ koo ɡoonɑ kɑ tɑkobibɑ.

Asee 2:22 ပူးပေါင်းရင်းမြစ်များ

Bɑndun Gɑri II 15:6

Tɑbu wɑ̃ɑ bwesenu sɔɔ kɑ wusu sɔɔ. Domi Gusunɔwɑ u bu wɑhɑlɑ dɑbi ni suremɔ.

Bɑndun Gɑri II 20:22

Sɑnɑm mɛ tɔn be, bɑ tɑki seewɑ bɑ womu mɔ̀ bu kɑ Yinni Gusunɔ siɑrɑ, yerɑ Yinni Gusunɔ u Amɔnibɑ kɑ Mɔɑbubɑ kɑ Edɔmu be bɑ wɑ̃ɑ ɡuu te bɑ mɔ̀ Seiriɔ burisinɑ. Mɑ bɑ sɛ̃sukunɑ ben tii tiinɛ.

Bɑndun Gɑri II 20:23

Amɔnibɑ kɑ Mɔɑbubɑ bɑ Edɔmubɑ wɔri bɑ kɑm koosiɑ mɑm mɑm. Ye bɑ bu ɡo bɑ kpɑ, yerɑ bɑ wɔrinɑ ben tii tiinɛ bɑ ɡoonɑ.

Womusu 46:9

I nɑ i wɑ ye Yinni Gusunɔ u kuɑ. U sɔm mɑɑmɑɑkiɡinu kuɑ hɑnduniɑ sɔɔ.

Womusu 76:6

Bɑ tɑbu durɔ wɔruɡɔbɑn yɑ̃nu potirɑ. Wee bɑ kpunɑ bɑ ɡu. Bɑ kpɑnɑ bu kɑ tii yinɑ be, be bɑ rɑɑ dɑm mɔ mi.

Yɑribu 14:17

Nɛnɑ kon Eɡibitiɡibun ɡɔ̃rusu bɔbiɑsiɑ bu kɑ bu swĩi mi. Kpɑ n ben sunɔ kɑmiɑ kɑ win tɑbu kowobu kɑ win tɑbu kɛkɛbɑ kɑ win mɑɑsɔbu, kpɑ bu nɛn yiiko wɑ.

Yɑribu 14:28

Nim mɛ, mu wurɑmɑ mu Eɡibiti sunɔn tɑbu kɛkɛbɑ kɑ win mɑɑsɔbu kɑ tɑbu kowobu kpuro wukiri be bɑ Isirelibɑ nɑɑmwɛm dɑ nim wɔ̃ku ɡen suunu sɔɔ. Bɑɑ ben turo, u ǹ yɑrɑ.

Yɑribu 15:19

Sɑnɑm mɛ Eɡibiti sunɔn dumi kɑ win tɑbu kɛkɛbɑ kɑ mɑɑsɔbu bɑ duɑ nim wɔ̃ku sɔɔ, Yinni Gusunɔ u derɑ nim mu wurɑmɑ mu bu wukiri. Adɑmɑ u derɑ tem mu ɡberɑ nim wɔ̃ku ɡen suunu sɔɔ, mɑ Isirelibɑ bɑ tɔburɑ.

Yɑribu 15:4

U Eɡibiti sunɔn tɑbu kɛkɛbɑ kɑ win tɑbu kowo dɑmɡibu sure nim wɔ̃ku sɔɔ ɡe bɑ mɔ̀ Nɑɑ yɑri. Win tɑbu kowo ɡisonkobɑ bɑ nim diirɑ.

Esɑi 19:2

U koo de bu tɑbu ko ben tii tiinɛ. Mɔɔ kɑ wɔnɔ bɑ koo tɑbu wɔrinɑ. Bɔrɔ kɑ bɔrɔ bɑ koo tɑbu wɔrinɑ. Wusu su koo tɑbu wɔrinɑ. Sinɑmbu bɑ koo tɑbu wɔrinɑ.

Esɑi 60:12

Domi bwese ni nu yinɑ nu nun sɑ̃ mi, nu koo ɡbiwɑ. Bɑ koo ni kpuro kpeerɑsiɑwɑ.

Esɑi 9:19

Bɑ dĩɑnu ɡurɑmɔ nɔm ɡeuɔ kɑ nɔm dwɑrɔ. Adɑmɑ kɑ mɛ, ɡoo kun debɑ. Mɑ ben bɑɑwure u win winsim wɑsin yɑɑ temmɔ.

Esekiɛli 21:27

Mɑ bikiɑ te, tɑ Yerusɑlɛmu sɔ̃ɔsi win nɔm ɡeu sɔɔ. Tɛ̃, u koo woodɑ wɛ̃ bu Yerusɑlɛmu wɔri bɑ n tɑbun kuuki mɔ̀. U koo tɑbu yɑ̃nu yi yi Yerusɑlɛmun kɔnnɔsɔ. Kpɑ bu ɡunɡunu kɑ kuku yenu ko mi, bu kɑ ye wɔri.

Esekiɛli 26:16

Wee tem mɛn kpɑro be bɑ wɑ̃ɑ nim wɔ̃kun berɑ ɡiɑ kpuro bɑ koo se ben sinɑ kitɑnun di bu ben yɑbe bɑkɑnu kɑ ben yɑbe ni bɑ sɔmɑ doke potiri bɑ n wurure bɑ n sɔ̃ temɔ. Sɑɑ kpuro sɔɔ, bɑ ko n bɛrum soorewɑ kpɑ bɑ n nuki sɑnkire Tirin sɔ̃.

Esekiɛli 38:21

Kon de tɑbu bu nùn wɔri nɛn ɡuunu kpuron wɔllɔ. Bɑɑwure u koo win winsim tɑbu wɔriwɑ.

Esekiɛli 39:20

Nɛ, Yinni Gusunɔ nɑ nɛɛ, yi koo dumi kɑ yin mɑɑsɔbun yɑɑ di kɑ tɑbu durɔbu kɑ sere tɑbu kowobu be bɑ tie. Yi koo yɑɑ ye diwɑ yi debu nɛn dii yerɔ.

Dɑniɛli 8:25

U koo tii suɑ win dukiɑn sɔ̃ kɑ win bwisin sɔ̃. U koo tɔn dɑbinu ɡo be bɑ wɑ̃ɑ bɔri yɛndu sɔɔ. U koo mɑm sinɑ boko seesi. Adɑmɑ u koo kɔsikirɑ ɡoo u kun nùn bɑbe.

Amɔsu 2:15

Tɛn towobɑ kun mɑɑ kpɛ̃ bu kɑ tii yinɑ. Be bɑ mɑɑ nɑɑsu sɑ̃u, bɑ ǹ kisirɑmɔ. Mɛyɑ mɑɑsɔbɑ kun mɑɑ kpɛ̃ bu we ben dumin dukin sɑɑbu.

Misee 5:10

Kpɑ n bɛɛn wusu kɑm koosiɑ. Kpɑ n bɛɛn ɡbɑ̃rɑnu suriri.

Misee 5:8

Isirelibɑ, i seewo i bɛɛn yibɛrɛbɑ wɔri. Kpɑ i bu ɡo mɑm mɑm.

Misee 5:9

Yinni Gusunɔ u nɛɛ, tɔ̃ru ɡɑrɑ sisi tè sɔɔ kon bɛɛn dumi kɑ bɛɛn tɑbu kɛkɛbɑ kpeerɑsiɑ.

Misee 7:16

Bwesenu nu koo mɑɑmɑɑki ye wɑ. Kpɑ nu sekuru wɑ bɑɑ mɛ nu dɑm mɔ. Nu koo nɔɔ nɔmɑ wukiri, nu yɔ̃rɑ nu kun ɡɑri ɡeruɑ, kpɑ nu kun ɡɑ̃ɑnu nuɑ.

Sofoni 3:8

Yen sɔ̃, wi, Yinni Gusunɔ u nɛɛ, i nùn mɑruo tɔ̃ɔ tè sɔɔ u koo se u bɛɛ wɔrimɑ. Domi u ɡɔ̃ru doke u bwesenu kɑ nin sinɑmbu mɛnnɑ u bu win mɔru sɔ̃ɔsi kɑ yen dɑm. Kpɑ n sɑ̃ɑre nɡe bɑ tem mɛ kpuro dɔ̃ɔ doke win mɔrun sɔ̃.

Sɑkɑri 10:11

Bɑ koo nim wɔ̃ku tɔburɑ mi bɑ nuku sɑnkirɑru wɑ. Gusunɔ u koo ɡen nim kurenu so, kpɑ Nilun dɑɑrun nim mu ɡberɑ. Asiriɡibun tii suɑbu koo kpe. Kpɑ Eɡibitiɡibun bɑndu tu nɔru ko.

Sɑkɑri 10:5

Bɑ ko n sɑ̃ɑwɑ nɡe tɑbu durɔ dɑmɡii be bɑ ben yibɛrɛbɑ tɑɑkumɔ swɛɛ sɔɔ nɡe pɔtɔkɔ. Bɑ koo tɑbu ko yèn sɔ̃ nɛ, Yinni Gusunɔ ko nɑ n kɑ bu wɑ̃ɑ. Ben yibɛrɛ be bɑ dumi yɔɔwɑ bɑ koo sekuru wɑ.

Sɑkɑri 12:9

Yen tɔ̃ɔ te, kon kookɑri ko n bwese ni kpuro ɡo ni nu Yerusɑlɛmu wɔrim wee.

Sɑkɑri 14:3

Sɑɑ ye sɔɔrɑ Yinni Gusunɔ u koo tii sɔ̃ɔsi kpɑ u kɑ bwese ni tɑbu ko nɡe mɛ u rɑ ko tɑbu sɔɔ.

Sɑkɑri 9:10

Kon de tɑbu kɛkɛ yi kpe Efɑrɑimun temɔ kpɑ dumi kɑ tɛn ni bɑ rɑɑ kɑ tɑbu kuɑ yu kpeerɑ Yerusɑlɛmuɔ. Sunɔ wi, u koo kɑ bwesenu bɔri yɛndu nɑɑwɑ. U ko n bɑndu diiwɑ nim wɔ̃ku ɡeen di sere kɑ nim wɔ̃ku ɡiɔ, sɑɑ mɑɑ dɑɑ te bɑ mɔ̀ Efɑrɑtin di n kɑ dɑ hɑnduniɑn ɡoonu nnɛ sɔɔ.

Mɑteu 24:7

Bwesenu koo seesinɑ nu tɑbu ko, sinɑmbɑ koo tɑbu seesinɑ. Gɔ̃ɔru kɑ tem yĩiribu ko n wɑ̃ɑ berɑ kɑ berɑ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kpɑrobu 7:22

Sɑnɑm mɛ tɔmbu ɡoobɑ wunɔbu ye, yɑ yen kɔbi wurɑmɔ yerɑ Yinni Gusunɔ u derɑ wɛrɔ be kpuro bɑ ɡoonɑmɔ kɑ tɑkobi. Mɑ ben ɡɑbu bɑ duki suɑ sere Bɛti Sitɑɔ ye yɑ wɑ̃ɑ Sererɑn berɑ ɡiɑ Abɛli Mɛholɑn deedeeru Tɑbɑtin bɔkuɔ.

Sɑmuɛli I 14:16

Be bɑ Sɔɔlun sɑnsɑni kɔ̃su Gibeɑɔ Bɛnyɑmɛɛn temɔ, bɑ wɑ Filisitibɑn tɑbu kowo dɑbinu bɑ duku dukubu mɔ̀ bɑɑmɑ kpuro.