Amɔsu 9:9 - Bibeli Gusunɔn Gari

⁹ Wee, kon nɛn woodɑbɑ wɛ̃, kpɑ n Isirelibɑ sĩire bwese tukunun suunu sɔɔ nɡe mɛ bɑ rɑ dobi sĩire, bɑɑ yen bin teeru tɑ kun kɑ wɔrɑ.

Amɔsu 9:9 ပူးပေါင်းရင်းမြစ်များ

Esɑi 27:12

Sɑɑ ɡɑɑ sisi yè sɔɔ Yinni Gusunɔ u koo bɛɛ Isirelibɑ sirɑ nɡe dɑ̃ru, kpɑ bu bɛɛ dɔbiri tiɑ tiɑ sɑɑ Efɑrɑtin dɑɑrun di n kɑ ɡirɑri Eɡibitin dɑɑrɔ.

Esɑi 28:28

U rɑ ɑlikɑmɑ sure, ɑdɑmɑ u yen sɑkɑ yɛ̃ yu ku kɑ munkirɑ.

Esɑi 30:28

Win mɔrun wɛ̃siɑru tɑ sɑ̃ɑwɑ nɡe dɑɑru te tɑ nim yibɑ tɑ tɔnu mwɛɛ sere wĩirɔ, u kɑ tɔmbu kɑm koosiɑ, mɑ tɑ sɑ̃ɑ nɡe yɑrukɑ ben nɔsɔ u kɑ bu dɑ mi bɑ ǹ kĩ.

Yeremi 31:36

tɑkɑ koorɑ yenibɑ kpuro yɑ̀ n koo kpe, Isirelibɑn bweserɑ koo mɑɑ kpe, kpɑ tɑ kun mɑɑ wɑ̃ɑ.

Yeremi 46:28

I ku bɛrum ko. Domi nɑ wɑ̃ɑ kɑ bɛɛ. Kon bwese ni kpuro kpeerɑsiɑ, nìn suunu sɔɔ nɑ rɑɑ bɛɛ yɑrinɑsiɑ mi. Adɑmɑ bɛɛ, nɑ ǹ bɛɛ kpeerɑsiɑmɔ. Kon bɛɛ sɛɛyɑsiɑwɑ nɡe mɛ n weenɛ, domi nɑ ǹ kpɛ̃ nɑ kun bɛɛ sɛɛyɑsie.

Yeremi 49:36

Kon bu hɑnduniɑn ɡoonu nnɛ kpuron woo kpɑremɑ, kpɑ n bu yɑrinɑsiɑ bɑɑmɑ. Tem ɡɑm sɑri mi bɑ ǹ ko n wɑ̃ɑ.

Esekiɛli 20:38

Kon bu wunɑ ben suunu sɔɔn di be bɑ mɑn seesi kɑ be bɑ sɑ̃ɑ tɔn kɔ̃sobu kpɑ n bu yɑrɑ tem mi bɑ wɑ̃ɑn di. Adɑmɑ bɑ ǹ dɔɔ Isireliɔ. Sɑɑ ye sɔɔrɑ be, Isirelibɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 36:19

Nɑ bu siri ben dɑɑ kɑ ben kookoosun sɔ̃. Mɑ nɑ bu yɑrinɑsiɑ bɑ wɑ̃ɑ wɑ̃ɑ bwesenu ɡɑnu sɔɔ tem tukumɔ.

Esekiɛli 39:28

Bɑ koo ɡiɑ mɑ nɛnɑ nɑ sɑ̃ɑ Gusunɔ ben Yinni, nɛ wi nɑ derɑ bɑ kɑ bu yoru dɑ bwese tukunun suunu sɔɔ, mɑ nɑ derɑ bɑ mɑɑ wurɑmɑ ben temɔ. Bɑɑ ben turo nɑ ǹ derimɔ u sinɑ tem tukumɔ.

Esekiɛli 5:10

Yen sɔ̃nɑ tundobɑ koo ben bibu tem, kpɑ bibu bu mɑɑ ben tundobu tem. Kon bu siriwɑ n ɡo, kpɑ n be bɑ tie yɑrinɑsiɑ hɑnduniɑn ɡoonu nnɛ sɔɔ.

Esekiɛli 5:12

Bɑ̀ n bu bɔnu kuɑ subenu itɑ, sube teeru tɑ koo ɡbiwɑ Yerusɑlɛmun nukurɔ, bɑrɑru kɑ ɡɔ̃ɔrun sɔ̃, kpɑ suberu yiruseru tu mɑɑ ɡbi tɑbu sɔɔ Yerusɑlɛmun biruɔ. Kpɑ n mɑɑ sube te tɑ tie mini yɑrinɑsiɑ hɑnduniɑn ɡoonu nnɛ kpuro sɔɔ. Kon bu tɑkobi suesiwɑ.

Sɑ̃ɑrun Woodɑ 26:33

Kon de bu bɛɛ tɑbu wɔri kpɑ i yɑrinɑ i dɑ tem tukumɔ. Kpɑ bɛɛn wusu su ko bɑnsu.

Luku 22:31

Mɑ Yinni u nɛɛ, Simɔɔ Simɔɔ, Setɑm yɑ sɑɑ wɑ yu kɑ bɛɛ sɑrɑ nɡe ɑlikɑmɑ.

Sɔ̃ɔsiru 28:64

Nɡe mɛyɑ u koo de i yɑrinɑ i n wɑ̃ɑ hɑnduniɑn bwesenu kpuro sɔɔ. Miyɑ i ko i bũnu sɑ̃ ni bɛɛ kɑ bɛsɛn bɑɑbɑbɑ i ǹ dɑɑ yɛ̃ ni bɑ kɑ dɑ̃ɑ kɑ kpenu kuɑ.