Amɔsu 9:7 - Bibeli Gusunɔn Gari

⁷ Yinni Gusunɔ u mɑɑ nɛɛ, bɛɛ Isirelibɑ, i ǹ Etiopiɡibu kere nɛn nɔni sɔɔ. Geemɑ, nɑ bɛɛ yɑrɑ Eɡibitin tem di. Adɑmɑ nɑ mɑɑ Filisitibɑ yɑrɑ Kɑfitorin di. Mɑ nɑ mɑɑ Siriɡibu yɑrɑ Kirin di.

Amɔsu 9:7 ပူးပေါင်းရင်းမြစ်များ

Sinɑmbu II 16:9

Sɑɑ ye sɔɔrɑ Asirin sinɑ boko wi, u Akɑsin ɡɑri yi wurɑ. Mɑ u dɑ u Dɑmɑsi wɔri u mwɑ u ɡen tɔmbu yoru mwɛɛrɑ u kɑ dɑ Kiriɔ. Mɑ u ben sinɑ boko Resini wi mwɑ u ɡo.

Bɑndun Gɑri II 14:12

Mɑ Asɑ kɑ wiɡibu bɑ bu nɑɑ ɡirɑ sere Gerɑɔ. Mɑ Etiopiɡii be, bɑ wɔrukɑ bɑ ɡu. Domi Yinni Gusunɔ kɑ win tɑbu kowobɑ bɑ Etiopiɡii be kɑm koosiɑ. Yen dɔmɑ te, Yudɑbɑ bɑ yɑ̃nu ɡurɑwɑ too.

Bɑndun Gɑri II 14:9

Mɑ Asɑ u seemɑ u kɑ nùn yinnɑ wɔwɑ ye bɑ mɔ̀ Sefɑtɑɔ, Mɑresɑn bɔkuɔ.

Yɑribu 12:51

Yen tɔ̃ɔ terɑ u mɑɑ Isirelibɑ yɑrɑ Eɡibitin di bwese kɛrɑ kɑ bwese kɛrɑ.

Esɑi 20:4

Asirin sinɑ boko u koo Eɡibitiɡibu kɑ Etiopiɡibun ɑluwɑɑsibɑ kɑ ben durɔ tɔkɔnu yoru mwɛɛri kpɑ bu yɔ̃rɑ bɑsi bɑ n sĩimɔ kɑ nɑɑ dirisu, kpɑ yu ko seku bɑkɑru Eɡibitiɔ.

Esɑi 22:6

Elɑmun tɑbu kowobu bɑ wee bɑ wɑ̃ɑ tɑbu kɛkɛbɑ sɔɔ kɑ mɑɑsɔbu, mɑ bɑ sɛ̃ɛ bwɑ̃ɑnu bɛki. Kiriɡibu bɑ mɑɑ wee, bɑ tɛrɛnu nɛni.

Esɑi 43:3

Domi nɛnɑ nɑ sɑ̃ɑ Gusunɔ wunɛn Yinni Dɛɛro, nɛ wi nɑ nun fɑɑbɑ mɔ̀. Nɑ kon Eɡibiti kɑ Etiopi kɑ Sɑbɑn tem yibɛrɛbɑ wɛ̃ wunɛn ɑyerɔ, kpɑ ɑ yɑkiɑrɑ,

Yeremi 13:23

Etiopiɡii u koo kpĩ u win wɑsin ɡɔnɑ kɔsi? Musuku ɡbeeku ɡɑ koo mɑɑ kpĩ ɡu ɡen sɑnsun bɑusu kɔsi? Aɑwo. Nɡe mɛyɑ bɛɛ be i kɔ̃sɑn dɔɔnɛ mɔ, i ǹ kpɛ̃ i ɡeɑ ko.

Yeremi 47:4

Sɑɑ yɑ tunumɑ yè sɔɔ bɑ koo Filisitibɑ kpuro ɡo, kɑ tɔn be bɑ koo kpĩ bu Tiriɡibu, kɑ Sidoniɡibu somi, kɑ tɔn be bɑ tie bɑ wɑ̃ɑ tem bure te bɑ mɔ̀ Kɑfitoriɔ.

Osee 12:13

Yɑkɔbu u kpikiru dɑ Arɑmuɔ. Miyɑ u sɔmburu kuɑ u yɑ̃ɑnu kpɑrɑ u kɑ kurɔ wɑ.

Amɔsu 1:5

Kon ben wuu Dɑmɑsin ɡbɑ̃rɑrun ɡɑmbobɑ kɔsuku, kpɑ n Bikɑti Afɛnin tɔmbu kpeerɑsiɑ. Kpɑ n Bɛti Edɛnin sunɔ ɡo. Kpɑ n de bu Siriɡibu yoru mwɛɛri bu kɑ dɑ Kiriɔ. Nɛ, Yinni Gusunɔwɑ nɑ yeni ɡeruɑ.

Amɔsu 2:10

Mɛyɑ nɑ bɛɛ yɑrɑmɑ Eɡibitin tem di. Mɑ nɑ bɛɛ kpɑrɑ ɡbɑburɔ wɔ̃ɔ weeru n kɑ bɛɛ Amɔre ben tem wɛ̃.

Sɔ̃ɔsiru 2:23

Kɑfitoriɡibu bɑ nɑ sɑɑ ben tem di bɑ Afi be bɑ wɑ̃ɑ bɑru kpɑɑnɔ n kɑ ɡirɑri Gɑsɑɔ kpeerɑsiɑ mɑ bɑ sinɑ ben wusɔ.