Amɔsu 9:5 - Bibeli Gusunɔn Gari

⁵ Mɑ Amɔsu u nɛɛ, Gusunɔ wɔllu kɑ tem Yinni u tem bɑbɑ, mɑ mu kɔsikirɑ. Mɑ mɛn tɔmbu kpuro bɑ ɡɔɔ wooru sɔ̃. Mɛ kpuro mu kukumɔ, mɑ mu suremɔ nɡe Eɡibitin dɑɑ bɑkɑ te bɑ mɔ̀ Nilun nim.

Amɔsu 9:5 ပူးပေါင်းရင်းမြစ်များ

Womusu 104:32

À n tem mɛɛrɑ, mu rɑ yĩiriwɑ. À n mɑɑ ɡuunu bɑbɑ, wiisɑ su rɑ yɑri.

Womusu 144:5

Yinni Gusunɔ, ɑ de wɔllu tu tem dɛbɛ dɛbɛ ko kpɑ ɑ sɑrɑmɑ. A ɡuunu bɑbo kpɑ dɔ̃ɔ u yɑri ni sɔɔn di.

Womusu 32:6

Yen sɔ̃, n weenɛ bɑɑwure wi u nun nɑɑnɛ sɑ̃ɑ u nun kɑnɑ wɑhɑlɑn sɑɑ sɔɔ. Bɑɑ nim bɑkɑm mù n yibɑ mu sɑrɑ, mu ǹ yɛ̃ro turi.

Womusu 46:6

Gusunɔ u wɑ̃ɑ te sɔɔ, yen sɔ̃nɑ tɑ ǹ wɔrumɛ. Gusunɔ u rɑ tu ɡɑbewɑ sɑɑ buru buru yellun di.

Womusu 97:5

Guunu nu rɑ yɑndewɑ nɡe ɡum win wuswɑɑɔ, wi, wi u sɑ̃ɑ tem kpuron Yinni.

Esɑi 64:1

Kɑɑ n sɑ̃ɑ nɡe dɔ̃ɔ wi u dɑ̃ɑ ɡbebɑ mwɑɑmɔ, ǹ kun mɛ wi u nim ɡbisisiɑmɔ, kpɑ wunɛn yibɛrɛbɑ bu ɡiɑ nɡe mɛ ɑ sɑ̃ɑ, kpɑ bu diiri wunɛn wuswɑɑɔ.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Osee 4:3

Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Amɔsu 8:8

Bɛɛn tem mu koo yĩiri, kpɑ bɛɛ nɛn tɔmbu i n ɡɔɔ wooru sɔ̃. Tem mɛ kpuro mu koo kuke kpɑ mu sure nɡe Eɡibitin dɑɑrun nim.

Nɑhumu 1:5

U derɑ ɡuunu bɑ̃ɑrimɔ. Mɑ ɡunɡunu diirimɔ. Mɑ tem kɑ mɛn tɔmbu bɑ yiiyɑrɑmɔ win wuswɑɑɔ.

Nɑhumu 1:6

Wɑrɑ u koo kpĩ u yɔ̃rɑ u win mɔru mɑ. Wɑrɑ u koo kɑ win mɔru ɡɑbirinɑ. Win mɔru yɑ rɑ pusiwɑ nɡe dɔ̃ɔ. Wee yɑ kpenu bɛsukumɔ.

Hɑbɑkuku 3:10

Guunu nù n nun wɑ, nu rɑ diiriwɑ. Gurɑ yɑ nɛmɔ kɑ dɑm, mɑ nim wɔ̃kun nim mu wɔki, mu nim kurenu kɔ̃ɔmɔ sere wɔllɔ.

Mɑteu 7:27

Gurɑ yɑ nɑ, dɑɑnu nu yibɑ mɑ nim tɛriɑ mɑ woo ɡɑ dii te swee, mɑ tɑ wɔrumɑ. Mɑ ten wɔrumɑɑ kpɛ̃ɑ.

Kɑ̃siru 20:11

Yerɑ nɑ mɑɑ sinɑ kitɑ kpiki bɑkɑru wɑ kɑ wi u sɔ̃ ten wɔllɔ. Mɑ tem kɑ wɔllɑ dukɑ doonɑ win wuswɑɑn di, yen ɡɑɑ kun mɑɑ wɑɑrɔ.