Amɔsu 9:2 - Bibeli Gusunɔn Gari

² Bɑɑ bɑ̀ n kukuɑ ɡɔriɔ, win nɔmu ɡɑ koo bu yɑrɑmɑ. Bɑɑ bɑ̀ n yɔɔwɑ wɔllɔ, u koo bu sɑrɑsiɑmɑ.

Amɔsu 9:2 ပူးပေါင်းရင်းမြစ်များ

Yoobu 20:6

Bɑɑ ù n kpɑ̃ u wɔllu bɑbɑmɔ, ǹ kun mɛ u ɡuru winu dɛkɑmɔ,

Yoobu 22:13

Kɑ mɛ, ɑ ɡerumɔ ɑ mɔ̀, mbɑ Gusunɔ u yɛ̃. U ǹ kpɛ̃ u tɔnu siri ɡuru wiru sɔɔ.

Yoobu 24:23

Gɑsɔ u rɑ bu yĩiyɔbu wɛ̃, bɑ n kɑ wɑ̃ɑ bɔri yɛndu sɔɔ. Adɑmɑ u rɑ n ben sɑnu sɑnusu mɛɛrɑwɑ.

Yoobu 26:6

Domi Gusunɔ u be kpuro wɑɑmɔ. Gɑ̃ɑnu kun nùn ɡɑnuɑ ɡɔribun wɑ̃ɑ yeru mi.

Yoobu 34:22

Yɑm wɔ̃kuru ɡɑru sɑri te tɑ koo tɔn kɔ̃so bere u kun kɑ nùn wɑ.

Esɑi 2:19

Sɑnɑm mɛ u koo se u tɔmbu nɑndɑsiɑ, tɔmbɑ koo du bu kuke kpee bɑɑbɑ sɔɔ kɑ wɔrusɔ, bu kɑ win dɑm kɑ win yiiko dukɑ suuri.

Yeremi 49:16

Ben tii suɑbu kɑ ben nɔniɡiru tɑ derɑ bɑ kɔ̃ɔrɑ. Be bɑ wɑ̃ɑ kpee bɑɑbɑ sɔɔ, kɑ sere ɡunɡunun wii kpiinɔ, bɑɑ bɑ̀ n wɑ̃ɑ yenu kuɑ sere wɔllun sɔɔ sɔɔwɔ, nɡe ɡunɔ bɑkeru, kon bu surɑmɑ min di. Nɛ, Yinni Gusunɔwɑ nɑ yeni ɡeruɑ.

Yeremi 51:53

Bɑɑ Bɑbiloniɡibu bɑ̀ n seewɑ bɑ dɑ wɔllɔ, bɑɑ bɑ̀ n ben ɡbɑ̃rɑnun dɑm sosi sere ɡoo kun kpɛ̃ u dɑ mi, kɑ mɛ, u koo de yibɛrɛbɑ bu bu wɔri bu kɑm koosiɑ.

Esekiɛli 26:20

U koo de yu dɑ sere tem sɔɔwɔ mi yeruku tɔmbɑ wɑ̃ɑ kpɑ yɑ n kɔ̃ɔre mi. U koo de yɑ n wɑ̃ɑ mi kɑ ɡɔribu. Goo kun mɑɑ sinɑmɔ ye sɔɔ. Yɑ ǹ mɑɑ ɑyeru wɑsi wɑsobun suunu sɔɔ.

Esekiɛli 31:14

Yeni yɑ koo koorɑwɑ kpɑ dɑ̃ɑ ni nu nim wɑɑmɔ nu ku rɑɑ kɑ ɡuniɑ nu ɡuru winu ɡirɑri nu sere tii suɑ nin ɡunum sɔ̃. Domi dɑ̃nu kɑ tɔmbu kpuro bɑ koo ɡbiwɑ bu dɑ bu ɡɔribu deemɑ.

Abudiɑsi 1:4

Yen sɔ̃, i n yɛ̃ mɑ bɑɑ ì n dɑ sere mi ɡunɔ bɑkeru tɑ ten sokuru mɔ, ǹ kun mɛ, i duɑ kperiɔ i bɛɛn wɑ̃ɑ yenu kuɑ mi, kon bɛɛ sɑrɑsiɑmɑ. Nɛ, Yinni Gusunɔwɑ nɑ yeni ɡeruɑ.

Luku 10:18

Mɑ u bu sɔ̃ɔwɑ u nɛɛ, nɑ Setɑm wɑ yɑ wɔrumɑmɔ wɔllun di nɡe ɡuru mɑɑkinu.