Amɔsu 9:13 - Bibeli Gusunɔn Gari

¹³ Wee sɑɑ yɑ sisi yè sɔɔ bɑ̀ n ɡɑ̃, n ǹ tɛɛmɔ bu kɑ kpɑm duure. Bɑ̀ n resɛm duurɑ, n ǹ tɛɛmɔ bu kɑ ye ɡɑmɑ. Bɑɑ kɑ ɡuunu wɔllɔ resɛm yɑ koo kpiwɑ yɑ n tɛrie bu kɑ tɑm ko.

Amɔsu 9:13 ပူးပေါင်းရင်းမြစ်များ

Yohɑnu 4:35

Bɛɛ i rɑ ɡere i nɛɛ, n tie suru nnɛ ɡɛ̃ɛbun sɑɑ yu kɑ turi. Adɑmɑ nɑ bɛɛ sɔ̃ɔmɔ, i ɡbeɑ mɛɛrio i wɑ nɡe mɛ bɑɑyeren sɔmbu turɑ.

Esɑi 55:13

Mi sɑ̃ki rɑ kpi, dɑ̃ɑ ye bɑ mɔ̀ sipɛrɛ, kɑ dɑ̃ɑ kiki nubu duroruɡisɑ su koo kpi mi, kpɑ ye kpuro yu ko yĩreru te tɑ nɛn yiiko sɔ̃ɔsimɔ sere kɑ bɑɑdommɑɔ.

Sɑ̃ɑrun Woodɑ 26:5

I ko n dĩɑnu ɡɛ̃ɛmɔwɑ sere bɛɛn resɛm yu kɑ sɔribu turi. Kpɑ resɛm ye, yɑ n mɑɑ wɑ̃ɑ duurubun sɑɑ. I ko i di i debu kpɑ i n wɑ̃ɑ kɑ bɔri yɛndu bɛɛn tem sɔɔ.

Esekiɛli 36:35

Kpɑ bu nɛɛ, tem mi ɡɑ̃ɑnu ku rɑ kpi mi, wee mu kuɑ nɡe ɡbɑɑ te bɑ mɔ̀ Edɛni. Mɛn wuu si su rɑɑ bɑnsu sɑ̃ɑ su tɛ̃ tɔmbu yibɑ mɑ bɑ su ɡbɑ̃rɑnu toosi.

Womusu 97:5

Guunu nu rɑ yɑndewɑ nɡe ɡum win wuswɑɑɔ, wi, wi u sɑ̃ɑ tem kpuron Yinni.

Kpɑrobu 5:5

Guu bɑkɑnu nu yĩirɑ wunɛ Gusunɔ Isirelibɑn Yinnin wuswɑɑɔ, wunɛ wi ɑ tii sɔ̃ɔsi Siɔniɔ.

Amɔsu 9:5

Mɑ Amɔsu u nɛɛ, Gusunɔ wɔllu kɑ tem Yinni u tem bɑbɑ, mɑ mu kɔsikirɑ. Mɑ mɛn tɔmbu kpuro bɑ ɡɔɔ wooru sɔ̃. Mɛ kpuro mu kukumɔ, mɑ mu suremɔ nɡe Eɡibitin dɑɑ bɑkɑ te bɑ mɔ̀ Nilun nim.

Torubu 49:11

Wunɛn resɛm yɑ koo kuurɑ sere ɑ wunɛn kɛtɛku kɑ ɡen buu sɔri mi. Yen mɑrum mu koo nun tɑm wɛ̃ mu n kpɑ̃ sere ɑ kɑ mu wunɛn yɑ̃nu teɑ nɡe nim.

Esɑi 16:10

Nuku dobu kun mɑɑ wɑ̃ɑ resɛm ɡbɑɑnɔ. Bɑ ǹ mɑɑ womusu mɔ̀ mi. Mɛyɑ bɑ ǹ mɑɑ resɛmbɑ ɡɑmɑmɔ. Nuku dobun kuuki yi kpɑ.

Esekiɛli 28:26

Bɑ koo sinɑ bɔri yɛndu sɔɔ. Bɑ koo diɑ bɑni kpɑ bu resɛmbɑ duure. Bɑ ko n wɑ̃ɑ bɔri yɛndu sɔɔ domi kon be bɑ kɑ bu sikerenɛ bɑ bu ɡɛmɑ siri n sɛɛyɑsiɑ. Sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Gusunɔ ben Yinni.

Yoɛli 2:24

Alikɑmɑn soo yerɑ kun mɑɑ ɡberɑmɔ. Olifin ɡum, kɑ resɛm tɑm kun mɑɑ biɑrɑmɔ wekenɔ.