Amɔsu 9:1 - Bibeli Gusunɔn Gari

¹ Amɔsu, u Yinni Gusunɔ wɑ u yɔ̃ sɑ̃ɑ yerun yɑ̃ku yerɔ. Mɑ u nùn sɔ̃ɔwɑ u nɛɛ, u sɑ̃ɑ yerun ɡberebɑ soowo sɑɑ ben wɔllun di kpɑ tem mu diiri, kpɑ bu wɔruku bu tɔn be bɑ wɑ̃ɑ mi kpuron winu kɔsuku. Kpɑ wi, Yinni Gusunɔ u de bu be bɑ tie ɡo tɑbu sɔɔ kɑ tɑkobi. Bɑɑ ben ɡoo kun kpɛ̃ u kisirɑ u doonɑ.

Amɔsu 9:1 ပူးပေါင်းရင်းမြစ်များ

Bɑndun Gɑri II 18:18

Yerɑ Misee u Akɑbu sɔ̃ɔwɑ u nɛɛ, ɑ Yinni Gusunɔn ɡɑri swɑɑ dɑkio. Nɑ nùn wɑ u sɔ̃ win sinɑ kitɑrɔ. Mɑ win tɑbu kowobu bɑ yɔ̃ win nɔm ɡeuɔ kɑ win nɔm dwɑrɔ.

Womusu 68:21

Wiyɑ u rɑ tɔnu fɑɑbɑ ko. Wi turowɑ u koo kpĩ u nùn yɑkiɑ sɑɑ ɡɔɔn di.

Womusu 68:22

Wiyɑ u koo win yibɛrɛbɑn wiru kɔrɑ. Kpɑ u be bɑ wɑ̃ɑ durum sɔɔn wii suunu yɑbe.

Esɑi 30:16

I nɛɛ, i ko yɑkurɑwɑ kɑ dumi. Yen sɔ̃nɑ u koo mɑɑ de i yɑkurɑ. I nɛɛ, i ko dɑwɑ kɑ dumi yi yi duki mɔ. Yen sɔ̃nɑ u koo de be bɑ koo mɑɑ bɛɛ nɑɑ ɡirɑ bɑ n sɑ̃u.

Esɑi 6:1

Wɔ̃ɔ ɡè sɔɔ sinɑ boko Osiɑsi u ɡu, nɛ Esɑi, nɑ Yinni Gusunɔ wɑ kɑ̃siru sɔɔ, u sɔ̃ sinɑ kitɑ bɑkɑru ɡɑrun wɔllɔ win sɑ̃ɑ yerɔ. Mɑ win yɑberun kɑsɑ yɑ sure sɑ̃ɑ yee ten sɔɔwɔ kpuro.

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 42:16

sɑnɑm mɛyɑ tɑɑ bìn bɛrum i mɔ̀, bu koo bɛɛ deemɑ Eɡibiti mi. Gɔ̃ɔ tèn weeweenu i mɑɑ mɔ̀ mi, tɑ koo bɛɛ deemɑ, kpɑ i ɡbisuku mi ɡiɑ.

Yeremi 48:44

Wi u dukɑ mɔ̀ bɛrum sɔ̃, u koo wɔriwɑ suurɑ ye sɔɔ. Wi u mɑɑ yɑrɑ suurɑ yen di, kpɑ u tɑɑ mwɑɑrɑ. Domi kon de Mɔɑbun sɛɛyɑsiɑbun tɔ̃ru tu nɑ. Nɛ, Yinni Gusunɔwɑ nɑ yeni ɡeruɑ.

Esekiɛli 1:28

Yɑm bururɑm mɛ, mu kɑ ɡuru wɑɑ weenɛ ye yɑ bɑllimɔ sɑnɑm mɛ ɡurɑ nɛmɔ. Yenibɑ kpuro yɑ sɑ̃ɑwɑ Yinni Gusunɔn yiikon ɡirimɑ. Ye u ye kpuro wɑ mɛ, yerɑ u yiirɑ u wuswɑɑ tem ɡirɑri. Mɑ u nuɑ ɡoo u kɑ nùn ɡɑri kuɑ.

Esekiɛli 10:4

Mɑ Yinni Gusunɔn yiikon ɡirimɑ yɑ seewɑ wɔllun kɔ̃so ben wɔllun di yɑ dɑ sɑ̃ɑ yee ten kɔnnɔwɔ. Mɑ sɑ̃ɑ yee te, tɑ wiisu yibɑ. Yerɑ Yinni Gusunɔn yiikon ɡirimɑn yɑm bururɑm sɔ̃ɔsirɑ sere kɑ ten yɑɑrɑɔ.

Esekiɛli 15:7

Kon bu wɔrimɑ. Bɑ tɑmɑɑ bɑ yɑrɑ dɔ̃ɔn di. Adɑmɑ dɔ̃ɔ wi, u koo nɑ u bu di, kpɑ bu ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 9:2

Yerɑ u wɑ wee tɔmbu nɔɔbɑ tiɑ bɑ yɑrimɑ sɑɑ sɑ̃ɑ yerun kɔnnɔ ɡe ɡɑ wɑ̃ɑ ɡunɡunu wɔllu ɡiɑn di, sɔ̃ɔ yɛ̃sɑn nɔm ɡeuɔ. Mɑ ben bɑɑwure u win tɑbu yɑ̃nu nɛni ni u koo kɑ tɔmbu kɑm koosiɑ. Mɑ ben suunu sɔɔ ɡoo u wɑ̃ɑ u yɑ̃ku kowon yɑberu doke bɑ ɡɑ̃ɑnu sɔre win kpɑkɑ sɔɔ nì sɔɔ u koo yore. Yerɑ u nɑ u yɔ̃rɑ yɑ̃ku yerun bɔkuɔ te bɑ kuɑ kɑ sii ɡɑndu.

Amɔsu 3:14

Nɑ nɛɛ, sɑnɑm mɛ sɔɔ, kon Isirelibɑ sɛɛyɑsiɑ ben durum sɔ̃. Kon Betɛlin yɑ̃ku turɑnu kɔsuku, kpɑ nin kɑ̃ɑnu nu bɔɔkirɑ nu wɔruku.

Amɔsu 7:17

Wee ye Yinni Gusunɔ u ɡeruɑ. U nɛɛ, wunɛn kurɔ u koo sɑkɑrɑru ko wuu sɔɔ, kpɑ bu wunɛn bibu ɡo tɑbu sɔɔ, kpɑ bu wunɛn ɡberu bɔnu ko, domi wunɛn tii kɑɑ ɡbi tem tukumɔ mi n tomɑ, mi bɑ koo kɑ Isirelibɑ dɑ bu yoru di.

Amɔsu 7:9

Kon ben sikɑdo Isɑkin bũu turɑnu kɔsuku, kpɑ n Isirelin sɑ̃ɑ yenu suriri, kpɑ n Yeroboɑmun bɑndu surɑ kɑ tɑkobi n tu kpeerɑsiɑ.

Hɑbɑkuku 3:13

Wee ɑ yɑrɑ ɑ wunɛn tɔmbu kɑ wunɛn sunɔ wi ɑ ɡɔsɑ somiru nɑ. A tɔn kɔ̃sobun sunɔ ɡo. A win bwɑ̃ɑbu kpeerɑsiɑ mɑm mɑm.

Sofoni 1:12

Yen tɔ̃ɔ te, u koo Yerusɑlɛmu bũuri kɑ fitilɑnu. U koo tɔmbu wɔrimɑ be bɑ sɔ̃ kpɛtɛɛ nɡe tɑm kɔrɔnu. Mɑ bɑ ɡerumɔ ben ɡɔ̃ruɔ bɑ mɔ̀, wi, Yinni Gusunɔ u ǹ ɡeɑ mɔ̀, u ǹ mɑɑ kɔ̃sɑ mɔ̀.

Sofoni 2:14

Yɑɑ sɑbenɑ nu koo sinɑ mi, yɛɛ bwese bwesekɑ ɡesi. Boorosu kɑ duuru bɛɛkunɑ nu koo kpunɑ furɔ si bɑ yen ɡberebɑ kuɑn sɔɔwɔ. Bɑ koo kuuki nɔ sɑɑ fɛnɛntibɑn di. Nɔni swɑ̃ɑrɑ ko n wɑ̃ɑ yen kɔnnɔwɔ. Domi dirun burɑ te bɑ kuɑ kɑ sɛdurun dɑ̃ɑ tɑ koo kɛsikirɑ.

Yohɑnu 1:18

Goo sɑri wi u Gusunɔ wɑɑre. Adɑmɑ sɑ win Bii teereru wɑ wi u wɑ̃ɑ Bɑɑbɑn mi. Tɛ̃ wiyɑ u sun Bɑɑbɑ sɔ̃ɔsi.

Yohɑnu 1:32

Yohɑnu u mɑɑ ɑre teni di u nɛɛ, nɑ Hunde wɑ u sɑrɑm wee sɑɑ Gusunɔ wɔllun di nɡe kpɑruko, mɑ u sinɑ durɔ win wii wɔllɔ.

Gɔrobun Kookoosu 26:13

Sinɑ boko, sɔ̃ɔ wii wɔllun sɑkɑ swɑɑ ye sɔɔ, nɑ yɑm bururɑm wɑ mu nɑ wɔllun di mu sun wukiri nɛ kɑ be bɑ mɑn yɔ̃siriɔ. Yɑm bururɑm mɛ, mu sɔ̃ɔɡim bɑllim kere.

Yosue 10:18

Mɑ Yosue u nɛɛ, i ɡe kɛnuɔ kɑ kpee bɑkɑnu kpɑ i kɔ̃sobu yi mi.

Kɑ̃siru 1:17

Ye nɑ nùn wɑ, nɑ wɔrumɑ win nɑɑsɔ nɡe ɡoru. Mɑ u mɑn win nɔm ɡeu sɔndi u nɛɛ, n ku bɛrum ko, wiyɑ u sɑ̃ɑ ɡbiikoo kɑ dɑ̃ɑko.

Kɑ̃siru 8:3

Yen biru wɔllun ɡɔrɑdo ɡoo nɑ u yɔ̃rɑ yɑ̃ku yerun bɔkuɔ u wurɑn bweebu nɛni ɡe ɡɑ turɑre mɔ. Bɑ nùn turɑre wɛ̃ yɑ kpɑ̃ u kɑ ye nɑɑnɛ dokeobun kɑnɑnu mɛnnɑ yɑ̃ku yee wurɑɡirun wɔllɔ te tɑ wɑ̃ɑ Gusunɔn sinɑ kitɑrun wuswɑɑɔ.