Amɔsu 8:6 - Bibeli Gusunɔn Gari

⁶ Sɑ ko wɔnwɔndobu dwe kɑ ɡobi, kpɑ su sɑ̃ɑrobu kɑ bɑrɑnun ɡobi kɔsinɑ.

Amɔsu 8:6 ပူးပေါင်းရင်းမြစ်များ

Nɛɛmi 5:8

Mɑ nɑ bu sɔ̃ɔwɑ nɑ nɛɛ, sɑ bɛɛn mɛro bisi be bɑ tii tɔn tukobu dɔre yɑkiɑ kɑ dɑm mɛ sɑ mɔ. Yerɑ bɛɛn tii i mɑɑ bu dɔrɑmɔ bɛɛn tii tiinɛ sɔɔ? Mɑ bɑ mɑri bɑ ǹ mɑɑ ɡɑ̃ɑnu wisɑ.

Esekiɛli 22:12

Gɑbɑ mɑɑ wɑ̃ɑ be bɑ rɑ wure bu ɡobi mwɑ bu kɑ tɔmbu ɡo. Gɑbɑ wɑ̃ɑ bɑ rɑ ɑre bɛkɛ kɑsu bɑ̀ n ben winsim ɡobi bɔkurɑ. Gɑbɑ wɑ̃ɑ be bɑ ben winsim tɑki dimɔ bu kɑ ɡobi ko. Mɑ bɑ nɛ, Yinni Gusunɔ duɑri mɑm mɑm. Nɛ, Yinni Gusunɔwɑ nɑ yeni ɡeruɑ.

Yoɛli 3:3

Yen tɔ̃ɔ te sɔɔ, kon mɑɑmɑɑkibɑ ko. Kon de yɛm kɑ dɔ̃ɔ kɑ wii bɑkɑsu sɔ̃ɔsirɑ wɔllɔ kɑ temɔ.

Amɔsu 2:6

Nɛ, Yinni Gusunɔ nɑ nɛɛ, bɛɛ Isirelibɑ, bɛɛn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi i ɡemɡibu dɔrɑ i kɑ bɛɛn dibu wɑ i mwɑ. Mɑ i kɑ sɑ̃ɑrobu bɑrɑnun ɡobi kɔsinɑmɔ.

Amɔsu 3:9

I Asidɔdu kɑ Eɡibitin tem sinɑ kpɑɑnuɡibu nɔɔɡiru sueyo i nɛɛ, bu mɛnnɑmɑ Sɑmɑrin ɡuunɔ, kpɑ bu wɑ dɑɑ bɛrɛtɛkɛ kɑ dɑm dɔrenɑɑ ye yɑ wɑ̃ɑ ben suunu sɔɔ.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 8:4

Yinni Gusunɔ u nɛɛ, i swɑɑ dɑkio bɛɛ be i sɑ̃ɑrobu dɑm dɔremɔ. Mɑ i bwɛ̃ɛbwɛ̃ɛbu kɑm koosiɑmɔ.

Sɑkɑri 5:6

Mɑ u nùn wisɑ u nɛɛ, mbɑ mi. Mɑ u nɛɛ, birerɑ mi, tɑ yɑrim wee tè sɔɔ tem min tɔmbu kpuron torɑnu yibɑ.