Amɔsu 7:9 - Bibeli Gusunɔn Gari

⁹ Kon ben sikɑdo Isɑkin bũu turɑnu kɔsuku, kpɑ n Isirelin sɑ̃ɑ yenu suriri, kpɑ n Yeroboɑmun bɑndu surɑ kɑ tɑkobi n tu kpeerɑsiɑ.

Amɔsu 7:9 ပူးပေါင်းရင်းမြစ်များ

Torubu 46:1

Yɑkɔbu wi bɑ mɔ̀ Isireli u seewɑ u swɑɑ wɔri kɑ ye u mɔ kpuro u turɑ Beri Sebɑɔ. Miyɑ u Gusunɔ yɑ̃kuru kuɑ nɡe mɛ win tundo Isɑki u rɑ rɑɑ ko.

Sinɑmbu II 14:24

Kɔ̃sɑ u kuɑ Yinni Gusunɔn wuswɑɑɔ. Yeroboɑmu Nɛbɑtin biin yirɑ u swĩi mɑm mɑm, wi u Isirelibɑ doke torɑru sɔɔ.

Esɑi 63:18

Wee, sɑɑ fiiko tɔnɑwɑ bɛsɛ wunɛn tɔn be ɑ ɡɔsɑ, sɑ sinɑ tem mɛ sɔɔ. Mɑ bɛsɛn yibɛrɛbɑ bɑ wunɛn sɑ̃ɑ yeru wɔri bɑ kɔsukɑ.

Yeremi 51:51

Mɑ Isirelibɑ bɑ nɛɛ, sɑnɑm mɛ sɑ nuɑ bɑ sun wɔmmɔ, sekurɑ rɑ sun mwɛwɑ. Sɑnɑm mɛ yibɛrɛbɑ bɑ Yinni Gusunɔn sɑ̃ɑ yeru wɔri bɑ kɔsukɑ, sekurɑ sun mwɑwɑ.

Esekiɛli 6:3

A nɛɛ, nɛ, Yinni Gusunɔ kon be bɑ wɑ̃ɑ Isirelibɑn ɡuunɔ kɑ ɡunɡunɔ kɑ nin wɔwi sɔɔ wɔrimɑ kɑ tɑkobi, kpɑ n ben ɡunɡuu nìn mi bɑ rɑ bũu yɑ̃kuru ko kɔsuku.

Osee 10:8

Bɑ koo ben bũu yenu kpuro kɔsuku mi bɑ torɑ. Kpɑ yɑkɑsu kɑ sɑ̃ki yi kpi mi. Sɑɑ ɡɑɑ sisi yè sɔɔ bɑ koo ɡuunu kɑ ɡunɡunu sɔ̃ bu nɛɛ, i sun sɛ̃sikio i wukiri.

Amɔsu 3:14

Nɑ nɛɛ, sɑnɑm mɛ sɔɔ, kon Isirelibɑ sɛɛyɑsiɑ ben durum sɔ̃. Kon Betɛlin yɑ̃ku turɑnu kɔsuku, kpɑ nin kɑ̃ɑnu nu bɔɔkirɑ nu wɔruku.

Amɔsu 5:5

I ku mɑɑ sɑ̃ɑru dɑ Betɛliɔ kɑ Giliɡɑliɔ kɑ Beri Sebɑɔ. Domi u koo de bu Giliɡɑliɡibu yoru mwɛɛri. Kpɑ bu Betɛliɡibu kɑm koosiɑ.

Amɔsu 7:11

Domi u nɛɛ, wunɛ Yeroboɑmu, bɑ koo nun ɡowɑ tɑbu sɔɔ kɑ tɑkobi. Kpɑ bu Isirelibɑ yoru mwɛɛri ben tem di bu kɑ dɑ mi n tomɑ.

Amɔsu 7:13

Adɑmɑ ɑ ku mɑɑ Gusunɔn ɡɑri ɡere Betɛli mi, domi yɑ sɑ̃ɑwɑ sinɑ boko kɑ Isirelibɑ kpuron sɑ̃ɑ yeru.

Amɔsu 8:14

Be bɑ bɔ̃rumɔ kɑ Sɑmɑriɡibun bũnun yĩsiru bɑ mɔ̀, kɑ bũu wi u wɑ̃ɑ Dɑnuɔn wɑ̃ɑru, ǹ kun mɛ kɑ sɑ̃ɑ te bɑ mɔ̀ Beri Sebɑɔ, be kpurowɑ kon de bu wɔruku, kpɑ bu kpɑnɑ bu se.

Amɔsu 9:1

Amɔsu, u Yinni Gusunɔ wɑ u yɔ̃ sɑ̃ɑ yerun yɑ̃ku yerɔ. Mɑ u nùn sɔ̃ɔwɑ u nɛɛ, u sɑ̃ɑ yerun ɡberebɑ soowo sɑɑ ben wɔllun di kpɑ tem mu diiri, kpɑ bu wɔruku bu tɔn be bɑ wɑ̃ɑ mi kpuron winu kɔsuku. Kpɑ wi, Yinni Gusunɔ u de bu be bɑ tie ɡo tɑbu sɔɔ kɑ tɑkobi. Bɑɑ ben ɡoo kun kpɛ̃ u kisirɑ u doonɑ.

Misee 1:5

Isirelibɑ Yɑkɔbun bibun torɑnun sɔ̃nɑ yeni kpuro yɑ koorɑ. Wɑrɑ u Isirelibɑ dɑm kɑ̃ bu kɑ Gusunɔ seesi. Ben wuu mɑro Sɑmɑriwɑ. Wɑrɑ u Yudɑbɑ suremɔ bũu sɑ̃ɑru sɔɔ. Ben wuu mɑro Yerusɑlɛmuwɑ.