Amɔsu 6:8 - Bibeli Gusunɔn Gari

⁸ Gusunɔ wɔllu kɑ tem Yinni u bɔ̃ruɑ kɑ win tiin wɑ̃ɑru u nɛɛ, u ǹ bɛɛ Isirelibɑn tii suɑbu kĩ. U mɑɑ bɛɛn sinɑ kpɑɑnu tusɑ. U koo de bu Sɑmɑri mwɑ kɑ ye yɑ wɑ̃ɑ ye sɔɔ kpuro.

Amɔsu 6:8 ပူးပေါင်းရင်းမြစ်များ

Torubu 22:16

yèn sɔ̃ ɑ kuɑ mɛ, mɑ ɑ ǹ kɑ mɑn wunɛn bii teere te yinɑri, nɛ, Yinni Gusunɔ nɑ bɔ̃rumɔ kɑ nɛn tiin yĩsiru

Womusu 106:40

Mɑ wunɛ Yinni Gusunɔ ɑ kɑ wunɛn tɔmbu mɔru bɛsirɑ, ɑ bu tusɑ be, be bɑ sɑ̃ɑ wunɛn ɑrumɑni.

Womusu 47:4

wi u rɑ de su bwesenu ɡɑnu tɛɛsi, kpɑ sɑ n nu tɑɑre.

Womusu 50:12

Ǹ n ɡɔ̃ɔrun nɑ tɑ mɑn mɔ̀, n ǹ wunɛ kon sɔ̃. Domi nɛnɑ nɑ hɑnduniɑ mɔ kɑ ye yɑ wɑ̃ɑ ye sɔɔ kpuro.

Womusu 78:59

Ye Gusunɔ u ye kpuro wɑ, yerɑ win mɔru seewɑ, mɑ u Isirelibɑ yinɑ.

Mɔnnu 8:13

À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi. Nɑ tii suɑbu kɑ yɛ̃kɔ kɑ kɔ̃sɑn kookoosu kɑ keetɑn ɡɑri tusɑ.

Esɑi 28:1

Bɔ̃rurɑ Sɑmɑri ye yɑ sɑ̃ɑ nɡe sinɑ furɔ ɡe Efɑrɑimubɑ bɑ kɑ tii sue. Yɑ wɔwɑ tuke ye yɑ tem ɡem mɔ. Mɑ yɑ sɑ̃ɑ yen burɑru nɡe dɑ̃ɑ wɛ̃ɛ si tɔmbɑ rɑ doke wirɔ bɑ kɑ tɑm ɡoore.

Yeremi 12:8

Domi bɑ mɑn seesi nɡe ɡbee sunɔ ɡe ɡɑ kukirimɔ dɑ̃ɑ sɔ̃ɔwɔ. Yen sɔ̃nɑ nɑ ǹ mɑɑ bu kĩ nɡe yellu.

Yeremi 22:14

Mɑ ɑ nɛɛ, kɑɑ tii sinɑ kpɑɑ bɑkɑru bɑniɑwɑ kpɑ tɑ n ɡidɑmbisɑ bɑkɑ mɔ. Mɑ ɑ fɛnɛntibɑ doke, ɑ ten ɡɑni dɑ̃ɑ ɡeɑ ye bɑ mɔ̀ sɛduru wukiri. Mɑ ɑ tu swɛ̃rɑsiɑ kom kom ɑ kɑ sɔ̃ɔsi mɑ sinɑ kpɑɑrɑ.

Yeremi 22:5

Adɑmɑ bɑ̀ n yinɑ bu ye mɛn nɔɔwɑ, sere kɑ nɛ, Yinni Gusunɔn wɑ̃ɑru, sinɑ kpɑɑ te, tɑ koo kowɑ bɑnsu.

Yeremi 44:26

Yen sɔ̃ tɛ̃, i swɑɑ dɑkio i nɔ ye wi, Yinni Gusunɔ u bɛɛ sɔ̃ɔmɔ. U bɔ̃rumɔ kɑ win yĩsi bɑkɑru mɑ Eɡibitin tem kpuro sɔɔ, Yudɑ ɡoo kun mɑɑ bɔ̃rumɔ kɑ win yĩsiru u nɛɛ, sere kɑ Yinni Gusunɔn wɑ̃ɑru.

Yeremi 49:13

Nɑ bɔ̃rumɔ sere kɑ nɛn wɑ̃ɑru mɑ bɛɛn wuu mɑro Bɔtisirɑ ɡɑ koo bɑnsu ko kpɑ n sɑ̃ɑ sekuru, kpɑ tɔmbu bɑ n dɑ ɡu sie bɑ̀ n ɡoo bɔ̃rusimɔ. Mɛyɑ mɑɑ bɛɛn wuu si su tie su koo ko bɑnsu sere kɑ bɑɑdommɑɔ. Nɛ, Yinni Gusunɔwɑ nɑ yeni ɡeruɑ.

Yeremi 51:14

Domi Gusunɔ, wɔllu kɑ tem Yinni, u bɔ̃ruɑ u nɛɛ, sere kɑ win wɑ̃ɑru, u koo nun tɔmbu kpɑremɑ nɡe twee kpɑ bu nun nɑsɑrɑn kuuki koosi.

Swĩi 2:5

Yinni Gusunɔ u Isirelibɑ wɔri nɡe yibɛrɛ. U bu mwɑ nɡe dɔ̃ɔ u ben dii ɡeenu di. U ben ɡbɑ̃rɑnu kɔsukɑ, mɑ u derɑ wuri yi nɔɔrɑmɔ bɑɑmɑ ben suunu sɔɔ.

Esekiɛli 24:21

u be Isirelibɑ ɡɑri yini sɔ̃ɔwɔ u nɛɛ, wi, Yinni Gusunɔ u koo de bu win sɑ̃ɑ yeru kɔsuku tèn sɔ̃ bɑ tii sue kɑ te bɑ̀ n mɛɛrɑ bɑ rɑ n nuku dobu mɔ̀ kɑ tè sɔɔ bɑ ben yĩiyɔbu doke. Bɑ koo ben bii be bɑ tie Yerusɑlɛmuɔ mwɛɛri bu ɡo.

Osee 11:6

Bɑ koo ben wusu tɑbu wɔri, kpɑ bu ben dɑmɡibu kɔsuku yèn sɔ̃ bɑ ben tiin kpunɑɑ swĩi.

Sɑ̃ɑrun Woodɑ 26:11

Kon de bu nɛn wɑ̃ɑ yeru ɡirɑ bɛɛn suunu sɔɔ. Nɑ ǹ mɑɑ bɛɛ biru kisimɔ.

Sɑ̃ɑrun Woodɑ 26:30

Kon bɛɛ tusi sere n bɛɛ ɡunɡuu nìn mi i rɑ yɑ̃kuru ko kɔsuku kɑ bwɑ̃ɑrokunu ni i rɑ kɑ sɔ̃ɔ sɑ̃. Kon bɛɛn ɡonu sɔndi bwɑ̃ɑroku nin kɛ̃kin wɔllɔ.

Amɔsu 3:10

Bɑ ku rɑ kɑ̃ bu ɡeɑ ko. Mɑ bɑ ɑrumɑni ɡurɑmɔ kɑ dɑm kɑ tɑki, bɑ tɑɑsimɔ ben sinɑ kpɑɑnɔ.

Amɔsu 3:11

Yen sɔ̃nɑ kon de yibɛrɛbɑ bu nɑ bu tem mɛ tɑrusi, bu ben dɑm kpeerɑsiɑ. Kpɑ bu ben sinɑ kpɑɑnu kɔsuku. Nɛ, Yinni Gusunɔwɑ nɑ yeni ɡeruɑ.

Amɔsu 4:2

Nɛ, Yinni Gusunɔ nɑ bɔ̃rumɔ kɑ nɛn tiin yĩsi dɛɛrɑru nɑ mɔ̀, wee sɑɑ yɑ sisi yè sɔɔ bɑ koo bɛɛ kɑ bɛɛn bibun bweseru kɔkɔnu sɔre bu ɡɑwɑ nɡe swɛ̃ɛ.

Amɔsu 5:21

Yinni Gusunɔ u nɛɛ, u bɛɛn tɔ̃ɔ bɑkɑ ni i rɑ nùn diiye tusɑ. U ǹ mɑm mɑɑ kĩ u bɛɛn mɛnnɔsun woo nɔ.

Amɔsu 8:3

U mɑɑ nɛɛ, yen tɔ̃ɔ te, sinɑ kpɑɑrun womusu koo ɡɔsiɑ nuku sɑnkirɑnun womusu. Kpɑ tɔn dɑbinun ɡonu nu n tɛrie bɑɑmɑ. Kpɑ yɑm mu n mɑɑri sɔ̃ɔ sɔ̃ɔ.

Amɔsu 8:7

Nɛ, Yinni Gusunɔ, nɑ bɔ̃ruɑ kɑ nɛn tiin yĩsiru nɑ nɛɛ, nɑ ǹ bɛɛ Isirelibɑ kɔ̃sɑ ye i kuɑ duɑrimɔ.

Sɑkɑri 11:8

Suru tiɑn bɑɑ sɔɔ u nin kpɑrobu itɑ ɡo. Mɑ u kɑ nu tii kpɑrɑ u tɛmɑnɑbu kpɑnɑ. Mɑ nin tii nu nùn tusɑ.

Sɔ̃ɔsiru 32:19

Sɑnɑm mɛ Gusunɔ u wɑ mɛ, yerɑ win mɔru seewɑ mɑ u bu ɡɛmɑ be, be bɑ sɑ̃ɑ win bibu.