Amɔsu 6:12 - Bibeli Gusunɔn Gari

¹² Bɑ rɑ dumi yɑkie kpee sɑɑrɑ wɔllɔ? Bɑ rɑ kɑ nɛɛ wuku mi? Adɑmɑ wee bɛɛ i ɡem ɡɔsiɑ dɛ̃ɛ. Mɑ i ɡeɑ ɡɔsiɑ ɡɑ̃ɑ sosurɑnu.

Amɔsu 6:12 ပူးပေါင်းရင်းမြစ်များ

Esɑi 48:4

Nɑ yɛ̃ i tɑu, mɑ i wĩiru bɔɔbu, mɑ bɛɛn sirikɑnɑ dɑm mɔ nɡe sisu.

Yeremi 5:3

Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

Osee 10:13

Adɑmɑ bɛɛ, i kɔ̃sɑ duurɑ mɑ i kɔ̃sɑ ɡɑ̃. Mɑ i bɛɛn weesun ɑre di. I bɛɛn nɑɑnɛ doke bɛɛn tiin dɑm kɑ tɑbu kowo dɑbi dɑbiru sɔɔ.

Osee 10:4

Wee bɑ ɡɑri kɑm ɡerumɔ, mɑ bɑ ɑrukɑwɑni bɔkumɔ kɑ bɔ̃ri weesuɡii. Yen sɔ̃, siribu dɑbiɑmɔ nɡe yɑkɑ kɔ̃susu si su rɑ kpi ɡbee te bɑ wukɑ sɔɔ.

Amɔsu 2:3

Kon ben sinɑ boko kɑ win tɑbu sinɑmbu kpuro kpeerɑsiɑ. Nɛ, Yinni Gusunɔwɑ nɑ yeni ɡeruɑ.

Amɔsu 3:10

Bɑ ku rɑ kɑ̃ bu ɡeɑ ko. Mɑ bɑ ɑrumɑni ɡurɑmɔ kɑ dɑm kɑ tɑki, bɑ tɑɑsimɔ ben sinɑ kpɑɑnɔ.

Misee 7:3

Bɑ kɔ̃sɑn kobun yɛ̃ru mɔ. Mɑ sinɑmbu kɑ siri kowobu bɑ tɔmbu nɔm birɑm kɛ̃nu mwɑɑrimɔ. Ben dɑmɡibu bɑ ben binɛ sɔ̃ɔsimɔ. Mɑ be kpuro bɑ nɔɔ tiɑ sɑ̃ɑ bu kɑ ko ye bɑ kĩ.

Yɑkɔbu 3:18

Be bɑ nɔɔ tiɑ kɑsu bɑ duurumɔ kɑ ɑlɑfiɑ, mɑ bɑ ɡem ɡɛ̃ɛmɔ.