Amɔsu 5:8 - Bibeli Gusunɔn Gari

⁸ Yinni Gusunɔwɑ u kperi bwese bwesekɑ kuɑ, mɑ u yen bɑɑyere yi yen ɑyerɔ. U rɑ yɑm wɔ̃kuru ɡɔsie yɑm bururɑm. Kpɑ u de sɔ̃ɔ sɔɔ ɡu tĩrɑ, ɡu ɡɔsiɑ wɔ̃kuru. U rɑ nim wɔ̃kun nim mɛnnɛ, kpɑ u mu yɛ̃kɑnɑ tem kpuro sɔɔ.

Amɔsu 5:8 ပူးပေါင်းရင်းမြစ်များ

Yoobu 12:22

U rɑ ye yɑ beruɑ yɑm wɔ̃kuru sɔɔ kpuro terɑsie, kpɑ u de yɑm bururɑm mu sɔ̃ɔsirɑ mi yɑm wɔ̃kurɑ rɑɑ wɑ̃ɑ.

Yoobu 37:13

Tɑ sɑ̃ɑwɑ nɡe bokuru te u rɑ kɑ tɔmbu sɛɛyɑsie ǹ kun mɛ u kɑ bu win kĩru sɔ̃ɔsi.

Yoobu 38:34

Wunɑ ɑ rɑ nɔɔɡiru sue ɑ ɡuru wiru soku, kpɑ ɡurɑ yu kɑ nɛ yu nun so?

Yoobu 9:9

Wiyɑ u kperi bwese bwesekɑ tɑkɑ kuɑ, kɑ kperi swɑɑnu, kɑ kperi yi yi wɑ̃ɑ sɔ̃ɔ yɛ̃sɑn nɔm dwɑru ɡiɑ.

Womusu 104:20

Yɑm wɔ̃kuru tɑ̀ n tunumɑ, yɑm tĩrɑwɑ mi. Sɑɑ ye sɔɔrɑ ɡbeeku yɛɛ yi rɑ bɔsum se.

Womusu 105:28

U derɑ yɑm wɔ̃ku sinumɡiru tɑ nɑ. Kɑ mɛ, Eɡibitiɡii be, bɑ ǹ wi, Gusunɔn ɡere wure.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 59:10

Sɑ sĩimɔ sɑ bɑ̃ɑrimɔ nɡe wɔ̃ko wi u ɡɑnɑ bɑbi. Mɑ sɑ sokikirɑmɔ sɔ̃ɔ sɔɔ nɡe wi u wɑ̃ɑ yɑm wɔ̃kuru sɔɔ. Bɑɑ mɛ sɑ bwɑ̃ɑ do, bɛsɛ kɑ ɡonu sɑ kuɑ tiɑ.

Yeremi 16:21

Yen sɔ̃nɑ, wunɛ Yinni Gusunɔ ɑ nɛɛ, kɑɑ bu wunɛn dɑm sɔ̃ɔsi, kpɑ bu ɡiɑ mɑ wunɑ ɑ sɑ̃ɑ Yinni Gusunɔ.

Yeremi 33:2

U nɛɛ, nɛ wi nɑ rɑ n wɑ̃ɑ, nɛ wi nɑ tem tɑkɑ kuɑ mɑ nɑ mu nɛni, nɛnɑ nɑ nɛɛ,

Amɔsu 4:13

Domi nɛnɑ nɑ ɡuunu mɔmɑ, mɑ nɑ woo tɑkɑ kuɑ. Nɑ rɑ nɛn bwisikunu tɔnu ɡiɑsie. Nɑ rɑ mɑɑ yɑm bururɑm ɡɔsie yɑm wɔ̃kuru, kpɑ nɑ n sĩimɔ ɡuunu wɔllɔ. Nɛn yĩsirɑ Gusunɔ wɔllu kɑ tem Yinni.

Amɔsu 8:9

Yen tɔ̃ɔ te, nɛ, Yinni Gusunɔ kon de sɔ̃ɔ u du sɔ̃ɔ sɔɔ ɡbɑ̃ɑrɑ kpɑ yɑm mu tĩrɑ.

Amɔsu 9:6

U win wɑ̃ɑ yeru bɑnɑ wɔllɔ, mɑ u derɑ wɔllɑ kuɑ tem ɡirum kpɛɛru. U nim wɔ̃kun nim mɛnnɑ, mɑ u mu yɛ̃kɑ tem sɔɔ. Win yĩsirɑ Yinni Gusunɔ.

Mɑteu 4:16

Be bɑ sɔ̃ yɑm wɔ̃kuru sɔɔ mi, bɑ koo yɑm bururɑm bɑkɑm wɑ. Be, be ɡɔɔn bɛrum wukiri nɡe yɑm wɔ̃kuru, berɑ yɑm bururɑm koo kuremɑ.”

Luku 1:79

u kɑ bu yɑm dɛɛrɑsiɑ be bɑ wɑ̃ɑ yɑm wɔ̃kuru sɔɔ kɑ be ɡɔɔn bɛrum wukiri nɡe yɑm wɔ̃kuru. Kpɑ u kɑ bɛsɛn nɑɑsu kpɑrɑ ɑlɑfiɑn swɑɑ sɔɔ.