Amɔsu 5:12 - Bibeli Gusunɔn Gari

¹² Domi u bɛɛn torɑnu yɛ̃ nu kpɑ̃, u mɑɑ yɛ̃ mɑ i durum kuɑ too. I ɡemɡibu nɔni sɔ̃ɔmɔ. I nɔm birɑn kɛ̃nu mwɑɑmɔ. Mɑ i yinɑmɔ bu sɑ̃ɑrobu ben ɡem wɛ̃ siri yerɔ.

Amɔsu 5:12 ပူးပေါင်းရင်းမြစ်များ

Yoobu 20:19

Domi u sɑ̃ɑrobu dɑm dɔre. Mɑ u ben yɛnusu mwɛɛrɑ, u ǹ wiɡuu bɑnɛ.

Yoobu 31:21

Nɑ ǹ ɡobeku ɡoo tɑki diire yèn sɔ̃ nɑ siri kowo ɡoo tɑ̃sɑ.

Womusu 127:5

Doo nɔɔruɡiiwɑ wi u bu wɑ n dɑbi. U sɑ̃ɑwɑ nɡe wìn sɛ̃ɛ bwɑ̃ɑrɑ sɛ̃ɛnu yibɑ. U ǹ sekuru wɑsi sɑnɑm mɛ u koo kɑ win yibɛrɛbɑ yinnɑ wuun ɡbɑ̃rɑrun kɔnnɔwɔ.

Yɑribu 23:3

I ku ɡoo siri kɑ wɔnwɔndu bɑɑ ù n sɑ̃ɑ bwɛ̃ɛbwɛ̃ɛ.

Yɑribu 23:6

Siribu sɔɔ, i ku wi u ɡem mɔ ɡem birɑ win bwɛ̃ɛbwɛ̃ɛrun sɔ̃.

Mɔnnu 17:8

Gɑbu bɑ rɑ n tɑmɑɑ ben kɛ̃rɑ tɑ koo kɑ bu ɡɑ̃ɑ ɡeenu nɑɑwɑ. Mi bɑ ɡesi duɑ kpuro tu ben bukɑtɑ wunɑnɑ.

Mɔnnu 22:22

A ku sɑ̃ɑron ɡɑ̃ɑnu wɔrɑ win dɑm sɑrirun sɔ̃. A ku mɑɑ wɔnwɔndo dɑm dɔre siri yerɔ.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Esɑi 10:2

bu kɑ yinɑ bu sɑ̃ɑrobu ben ɡem wɛ̃, kpɑ bu bwɛ̃ɛbwɛ̃ɛbu ɡem birɑ, bu ɡɔminibu kɑ ɡobekubɑn ɑrumɑni mwɑ yu ko beɡiɑ.

Esɑi 29:21

Kon mɑɑ be bɑ rɑ tɔmbu tɑɑrɛ wɛ̃ siri yerɔ kpeerɑsiɑ, kɑ be bɑ rɑ tɔmbu yinɑ bɛrie be bɑ kɑ tii yinɑmɔ, kɑ be bɑ rɑ ɡemɡii win ɡem bire siri yerɔ.

Esɑi 33:15

mɑ n kun mɔ wi u sĩimɔ ɡem sɔɔ, mɑ u ku rɑ bwɛ̃ɛbwɛ̃ɛ tɑki di, u ku rɑ mɑɑ nɔm birɑn kɛ̃ru mwɛ, u ku rɑ tɔn ɡowobun ɡɑri swɑɑ dɑki, u ku rɑ mɑɑ kɑ̃ u kɔ̃sɑ mɛɛri.

Esɑi 47:9

Adɑmɑ tɛ̃ ye yiru kpuro yɑ koo nun deemɑ sɔ̃ɔ teeru subɑru sɔɔ. Bɑɑ mɛ wunɛn tim mu do, mɑ wunɛn dobo dobo yɑ kpɑ̃, kɑ mɛ, kɑɑ ɡɔminiru sinɑ, kpɑ wunɛn bibu bu ɡbi. Ye kpuro yɑ koo koorɑwɑ mɑm mɑm.

Esɑi 5:23

Bɔ̃rurobɑ be bɑ nɔm birɑn kɛ̃nu mwɑɑmɔ, bɑ kɑ tɑɑrɛɡibu ɡem wɛ̃ɛmɔ, mɑ bɑ ɡemɡibu tɑɑrɛ wɛ̃ɛmɔ.

Yeremi 29:23

Domi tɔn be, bɑ ɡɑ̃ɑ kɔ̃sunu kuɑ, bɑ sɑkɑrɑru kuɑ kɑ ben berusebun kurɔbu. Mɑ bɑ weesu kuɑ kɑ wi, Yinni Gusunɔn yĩsiru, bɑɑ mɛ u ǹ bu yiire. Adɑmɑ u yɛ̃ ye bɑ kuɑ kpuro, u sɑ̃ɑ yen seedɑɡii.

Swĩi 3:34

Yinni Gusunɔ u yɛ̃ sɑnɑm mɛ bɑ yobu nɔni sɔ̃ɔmɔ bɑ tɑɑkumɔ. U yɛ̃ sɑnɑm mɛ bɑ ǹ tɔmbu kuɑmmɛ nɡe mɛ n weenɛ. U yɛ̃ sɑnɑm mɛ bɑ ǹ bu siriɑmmɛ dee dee.

Esekiɛli 13:22

Ben weesun sɔ̃, bɑ ɡemɡibu nukuru sɑnkɑ, be, be nɑ ǹ dɑɑ kĩ n kɔ̃sɑ kuɑ. Bɑ yinɑ bu tɔn kɔ̃sobu kirɔ ko bu kɑ ben kom kɔ̃sum deri kpɑ bu ben wɑ̃ɑru yɑkiɑ.

Osee 5:3

Nɑ Isirelibɑ yɛ̃wɑ sɑ̃ɑ sɑ̃ɑ. Ben ɡoo kun mɑn berue. Wee bɑ dɑ bɑ bũnu ɡɑsirɑ bɑ tii disi doke.

Amɔsu 2:16

Be bɑ sɑ̃ɑ tɑbu durɔ dɑmɡibu be sɔɔ dɔmɑ te, bɑ koo ben tɑbu yɑ̃nu kɔ̃wɑ bu duki su nɔm dirɑ. Nɛ, Yinni Gusunɔwɑ nɑ yeni ɡeruɑ.

Amɔsu 2:3

Kon ben sinɑ boko kɑ win tɑbu sinɑmbu kpuro kpeerɑsiɑ. Nɛ, Yinni Gusunɔwɑ nɑ yeni ɡeruɑ.

Amɔsu 5:10

Bɛɛ Isirelibɑ, be bɑ bɛɛ sirimɔ dee dee, i rɑ n bu tusɑ, kpɑ i n kɑ wi u ɡem ɡerumɔ kɔ̃ruɑ.

Amɔsu 8:4

Yinni Gusunɔ u nɛɛ, i swɑɑ dɑkio bɛɛ be i sɑ̃ɑrobu dɑm dɔremɔ. Mɑ i bwɛ̃ɛbwɛ̃ɛbu kɑm koosiɑmɔ.

Misee 3:11

Mɑ i nɔm birɑn kɛ̃nu mwɑɑmɔ i sere siri. Yɑ̃ku kowobu bɑ rɑ ɡinɑ tɔmbu ɡobi mwɑɑriwɑ bu sere woodɑ sɔ̃ɔsi, kpɑ Gusunɔn sɔmɔbu bu ɡobi mwɑ bu sere win ɡɑri ɡere. Kpɑ bɑ n sere mɔ̀ bɑ sɑ̃ɑwɑ Gusunɔn tɔmbu. Gɑ̃ɑnu kun bu deemɑmɔ yèn sɔ̃ u kɑ bu wɑ̃ɑ.

Misee 7:3

Bɑ kɔ̃sɑn kobun yɛ̃ru mɔ. Mɑ sinɑmbu kɑ siri kowobu bɑ tɔmbu nɔm birɑm kɛ̃nu mwɑɑrimɔ. Ben dɑmɡibu bɑ ben binɛ sɔ̃ɔsimɔ. Mɑ be kpuro bɑ nɔɔ tiɑ sɑ̃ɑ bu kɑ ko ye bɑ kĩ.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Gɔrobun Kookoosu 7:52

Gusunɔn sɔmɔ wɑrɑ bɛɛn bɑɑbɑbɑ bɑ ǹ nɔni sɔ̃ɔwɑ. Bɑ bu ɡo be bɑ Geeɡiin nɑɑrun ɡɑri kuɑ, mɑ tɛ̃, bɛɛn tii i Geeɡii wi kɔrumɔtɔnu kuɑ i nùn ɡo.

Sɔ̃ɔsiru 16:18

I ko i bɛɛn bwese kɛri sɔɔ siri kowobu kɑ wiruɡibu swĩiwɑ bɛɛn wusu kpuro sɔɔ si Gusunɔ bɛsɛn Yinni u bɛɛ wɛ̃. Kpɑ bɑ n dɑ tɔmbu siri ɡem sɔɔ.

Sɔ̃ɔsiru 31:21

Sɑɑ ye sɔɔ, wɑhɑlɑ kɑ nɔni swɑ̃ɑru ɡɑru tɑ̀ n mɑɑ seewɑ ben suunu sɔɔ, ben bibun bweseru tɑ koo womu ɡe yɑɑyɑ kpɑ ɡɑ n sɑ̃ɑ seedɑ. Nɑ ben ɡɔ̃run ɡɑri yɛ̃ sɑɑ tɛ̃n di n sere mɑm bu duusiɑ tem mɛ sɔɔ mɛ nɑ bu nɔɔ mwɛɛru kuɑ kɑ bɔ̃ri.

Yɑkɔbu 5:4

Wee, i ǹ sɔm kowobu ben ɡobi kɔsie be bɑ kɑ bɛɛ dĩɑnu ɡurɑ ɡberɔ, mɑ ɡobi yi, yi wuri mɔ̀. Dĩɑ ɡuro ben wuri mɑɑ dumɔ wɔllu kɑ tem Yinnin swɑɑ sɔɔ.

Yɑkɔbu 5:6

I ɡeeɡii tɑɑrɛ wɛ̃ i ɡo, u ǹ mɑɑ kɑ bɛɛ ɡɑbirinɛ.

Rutu 4:1

Bururu Boɑsi u dɑ u sinɑ wuun ɡbɑ̃rɑ kɔnnɔwɔ mi bɑ rɑ siri. Yerɑ u win mɛro bisi ɡoo wɑ u sɑrɔ. N deemɑ win ɡɑriyɑ u rɑɑ Rutu sɔ̃ɔwɑ u nɛɛ, wiyɑ u koo nùn yɑkiɑ u tubi di. Mɑ u nùn sokɑ u nɛɛ, wɑɑnɛ, ɑ nɑ mini. Mɑ u nɑ u yɔ̃rɑ.

Sɑmuɛli I 8:3

Adɑmɑ win bii be, bɑ ǹ win yirɑ swĩi. Bɑ ye ɡɛrɑriwɑ ɡobin binɛn sɔ̃. Bɑ nɔm birɑn kɛ̃nu mwɑɑmɔ. Bɑ ku rɑ tɔmbu sirie dee dee.