Amɔsu 5:11 - Bibeli Gusunɔn Gari

¹¹ I rɑ bwɛ̃ɛbwɛ̃ɛbu dɑm dɔre, i n ben ɡbeɑn dĩɑnu mwɛɛrimɔ kɑ dɑm. Yen sɔ̃, i ǹ sinɑmɔ bɛɛn diɑ sɔɔ ye i bɑnɑ kɑ kpee ni i dɑ̃kɑ. Mɛyɑ i ǹ mɑɑ bɛɛn resɛm ye i duurɑn bii duronun tɑm nɔrumɔ.

Amɔsu 5:11 ပူးပေါင်းရင်းမြစ်များ

Yoobu 20:19

Domi u sɑ̃ɑrobu dɑm dɔre. Mɑ u ben yɛnusu mwɛɛrɑ, u ǹ wiɡuu bɑnɛ.

Esɑi 16:10

Nuku dobu kun mɑɑ wɑ̃ɑ resɛm ɡbɑɑnɔ. Bɑ ǹ mɑɑ womusu mɔ̀ mi. Mɛyɑ bɑ ǹ mɑɑ resɛmbɑ ɡɑmɑmɔ. Nuku dobun kuuki yi kpɑ.

Esekiɛli 26:12

Bɑ koo yen dukiɑ kɑ yen kiɑ ni yɑ dɔrɑmɔ ɡurɑwɑ nɡe ye bɑ tɑbu diimɑ kpɑ bu yen ɡbɑ̃rɑnu kɑ yen dii ɡeenu kɔsuku bu suriri kpɑ bu yen kpenu kɑ yen dɑ̃ɑ kɑ yen kɛ̃ki ɡurɑ bu sure nim wɔ̃ku sɔɔ.

Esekiɛli 34:21

Domi ni nu bɔɔru nu ni nu woore kɑ kɔbi bɔrikiɑ nu yɑrinɑsiɑ.

Osee 9:2

Adɑmɑ ɑlikɑmɑ ye bɑ soomɔ kɑ ɡum mɛ bɑ ɡɑmɑmɔ, yen ɡɑɑ kun ko n sɑ̃ɑ bɛɛɡiɑ. Mɛyɑ i ǹ tɑm kpɑm wɑsi i wunɑ.

Sɑ̃ɑrun Woodɑ 26:16

wee ye kon bɛɛ kuɑ. Kon bɛɛ bɛrum tiɑ kpɑ n de wɑsi sun bɑkɑru tu bɛɛ wɔri i woorɑ sere bɛɛn nɔni yi tondɑ kpɑ i n wɑhɑlɑ mɔ̀. Kɑm sɔɔrɑ i ko i bɛɛn dĩɑnu duure. Domi bɛɛn yibɛrɛbɑrɑ bɑ koo nu di.

Amɔsu 2:6

Nɛ, Yinni Gusunɔ nɑ nɛɛ, bɛɛ Isirelibɑ, bɛɛn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi i ɡemɡibu dɔrɑ i kɑ bɛɛn dibu wɑ i mwɑ. Mɑ i kɑ sɑ̃ɑrobu bɑrɑnun ɡobi kɔsinɑmɔ.

Amɔsu 2:7

I rɑ n kĩwɑ i wɔnwɔndobu tɑɑre kpɑ bɑ n wiru tuɑ sɑ̃ɑ nuku sɑnkirɑnun sɔ̃. Kpɑ i n bwɛ̃ɛbwɛ̃ɛbu dɑm dɔremɔ. Bii kɑ bɑɑ bɑ kɑ kurɔ turo mɛnnɑmɔ. Nɡe mɛyɑ i kɑ nɛ, Yinni Gusunɔn yĩsi dɛɛrɑru sɑnkumɔ.

Amɔsu 3:15

Kon bɛɛn diɑ mi i rɑ n wɑ̃ɑ yɑm susurun sɑɑ kɑ purɑn sɑɑ kɔsuku. Kpɑ n bɛɛn sinɑ kpɑɑnu kɑm koosiɑ ni, ni bɑ burɑru koosi kɑ suunu donnu, kɑ sere dii ɡee ni nu tie. Nɛ, Yinni Gusunɔwɑ nɑ yeni ɡeruɑ.

Amɔsu 3:9

I Asidɔdu kɑ Eɡibitin tem sinɑ kpɑɑnuɡibu nɔɔɡiru sueyo i nɛɛ, bu mɛnnɑmɑ Sɑmɑrin ɡuunɔ, kpɑ bu wɑ dɑɑ bɛrɛtɛkɛ kɑ dɑm dɔrenɑɑ ye yɑ wɑ̃ɑ ben suunu sɔɔ.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 6:11

Domi Yinni Gusunɔ u woodɑ yeni wɛ̃ u nɛɛ, u koo yɛnusu kpuro kɔsukuwɑ, bɑkɑsu kɑ piiminu.

Amɔsu 6:12

Bɑ rɑ dumi yɑkie kpee sɑɑrɑ wɔllɔ? Bɑ rɑ kɑ nɛɛ wuku mi? Adɑmɑ wee bɛɛ i ɡem ɡɔsiɑ dɛ̃ɛ. Mɑ i ɡeɑ ɡɔsiɑ ɡɑ̃ɑ sosurɑnu.

Amɔsu 8:4

Yinni Gusunɔ u nɛɛ, i swɑɑ dɑkio bɛɛ be i sɑ̃ɑrobu dɑm dɔremɔ. Mɑ i bwɛ̃ɛbwɛ̃ɛbu kɑm koosiɑmɔ.

Amɔsu 9:14

Kon nɛn tɔmbu Isirelibɑ yɑkiɑ yorun di. Kpɑ bu wure bu wuu si su rɑɑ bɑnsu kuɑ seeyɑ bu sinɑ mi. Bɑ koo resɛmbɑ duure, kpɑ bu yen tɑm nɔ. Bɑ koo dɑ̃ɑ ɡbɑɑnu ko, kpɑ bu yen mɑrum di.

Misee 1:6

Yinni Gusunɔ u nɛɛ, yenibɑrɑ yɑ koo de Sɑmɑri yu ko bɑnsu kpɑ bu resɛm duure mi. U koo yen ɡɑnin kpenu sure sere wɔwɑn sɔɔwɔ. Kpɑ bu yen kpɛɛkpɛɛku wɑ.

Misee 2:2

Bɑ̀ n ɡoon ɡberu binɛ kuɑ, kpɑ bu tu mwɑ. Bɑ̀ n ɡoon diru binɛ kuɑ, kpɑ bu tu mwɑ. Bɑ rɑ yɛ̃ro kɑ win yɛnuɡibu dɑm dɔrewɑ kpɑ bu du bu ben dukiɑ kpuro ɡurɑ.

Misee 6:15

I ko i duure, ɑdɑmɑ i ǹ ɡɛ̃ɛmɔ. I ko i olifi ɡɑmɑ, ɑdɑmɑ i ǹ wɑsi i yen ɡum sɑwɑ. I ko i resɛm tɑm wĩɑ, ɑdɑmɑ i ǹ wɑsi i mu nɔ.

Sofoni 1:13

Bɑ koo ben ɑrumɑni ɡurɑ kpɑ ben yɛnusu su ko bɑnsu. Bɑ koo diɑ bɑni yè sɔɔ bɑ ǹ sinɑmɔ. Bɑ koo resɛm duure, ɑdɑmɑ bɑ ǹ yen tɑm nɔrumɔ.

Asee 1:6

Wee i dĩɑnu duurumɔ too, ɑdɑmɑ fiikowɑ i ɡɛ̃ɛmɔ. I dimɔ, ɑdɑmɑ i ǹ debumɔ. I nɔrumɔ, ɑdɑmɑ bɛɛn nɔru kun kpeemɔ. I yɑ̃nu dokemɔ, ɑdɑmɑ nu ǹ bɛɛ wooru ɡirɑmmɛ. Ì n bɛɛn kɔsiɑru mwɑ, tɑ rɑ doonɛwɑ nɡe te bɑ doke bɔɔ ɡɛ̃ɛre sɔɔ.

Mɑlɑsi 1:4

Esɑun bibun bweseru tɑ̀ n nɛɛ, bɑ ten wusu kɔsukɑ, ɑdɑmɑ tɑ koo sin bɑnsu seeyɑ, nɛ, Gusunɔ wɔllu kɑ tem Yinni, kon nɛɛ, bɑɑ tɑ̀ n su bɑnɑ, kon wure n su surɑ. Kpɑ bu ten tem soku nuku kɔ̃suruɡibun tem, ben tii mɑɑ bwese te nɛ, Yinni Gusunɔ nɑ kɑ mɔru sɑ̃ɑ bɑɑdommɑ.

Sɔ̃ɔsiru 28:30

Bɛɛn ɡoo ù n kurɔ wɑ, ɡoowɑ u koo nùn suɑ. Goo ù n diru bɑnɑ, ɡoowɑ u koo du te sɔɔ. Goo ù n mɑɑ resɛm ɡbɑɑru kuɑ, ɡoowɑ u koo ten dɑ̃ɑ binu di.

Yɑkɔbu 2:6

Adɑmɑ bɛɛ i sɑ̃ɑro be ɡɛmɑ. N ǹ dukiɑɡii berɑ bɑ bɛɛ dɑm dɔremɔ bɑ bɛɛ ɡɑwɑmɔ bɑ kɑ dɑɑmɔ siri yerɔ?