Amɔsu 4:9 - Bibeli Gusunɔn Gari

⁹ Nɑ derɑ bɛɛn dĩɑnu kusenu kuɑ, mɑ twee yi nɑ yi bɛɛn ɡbeɑn dĩɑnu kɑ bɛɛn dɑ̃ɑ ɡbɑɑnun wurusu kpuro di. Adɑmɑ kɑ mɛ, i ǹ ɡɔsirɑmɛ nɛ Gusunɔ bɛɛn Yinnin mi.

Amɔsu 4:9 ပူးပေါင်းရင်းမြစ်များ

Sinɑmbu I 8:37

Gɔ̃ɔru tɑ̀ n duɑ tem mɛ sɔɔ, ǹ kun mɛ kɛ̃si kɛ̃si bɑrɑru, ǹ kun mɛ dĩɑnun ɡɔɔ, ǹ kun mɛ twee, ǹ kun mɛ kɔkɔnu ɡɑnu ni nu rɑ dĩɑnu sɑnku, ǹ kun mɛ yibɛrɛbɑ bɑ̀ n tem mɛn wusu tɑrusi, ǹ kun mɛ bɑrɑ bwese bwesekɑ yɑ̀ n wunɛn tɔmbu deemɑ, ǹ kun mɛ wɑhɑlɑ ɡɑɑ,

Bɑndun Gɑri II 6:28

Gɔ̃ɔru tɑ̀ n duɑ tem mɛ sɔɔ, ǹ kun mɛ kɛ̃si kɛ̃si bɑrɑru, ǹ kun mɛ dĩɑnun ɡɔɔ, ǹ kun mɛ twee, ǹ kun mɛ kɔkɔnu ɡɑnu ni nu rɑ dĩɑnu sɑnku, ǹ kun mɛ yibɛrɛbɑ bɑ̀ n tem mɛn wusu tɑrusi, ǹ kun mɛ bɑrɑ bwese bwesekɑ yɑ̀ n wunɛn tɔmbu deemɑ, ǹ kun mɛ wɑhɑlɑ ɡɑɑ,

Esɑi 1:5

Sɛɛyɑsiɑ birɑ̀ u koo mɑɑ bɛɛ ko, domi nɔn dɑbinɑ i nùn seesi. I sɑ̃ɑwɑ nɡe tɔnu wìn bwisikunu kun wɑ̃, mɑ u dɑɑ kɔ̃sɑ mɔ̀.

Esɑi 50:11

Bɛɛ be i mɔru seewɑ nɡe dɔ̃ɔ, mɑ i himbɑ sɑ̃ɑ i tɔmbu dɔ̃ɔ mɛni, i duo bɛɛn dɔ̃ɔ wi sɔɔ, kpɑ i dɔ̃ɔ mwɑɑrɑ. Yinni Gusunɔwɑ u koo de ye kpuro yu koorɑ. Wɑhɑlɑ sɔɔrɑ i ko kpunɑ i ɡbi.

Esɑi 9:12

Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Yeremi 5:3

Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

Osee 11:5

Adɑmɑ bɑ yinɑ bu nɑ nɛn mi. Yen sɔ̃nɑ nɑ nɛɛ, bɑ koo dɑ Eɡibitiɔ kpɑ Asiriɡii u ko ben sunɔ.

Yoɛli 1:4

Wee dĩɑ ni kɔkɔnu nu di n tiɑrɑ, twee yi nɑ yi di. Ye twee yi nɑ yi di n tiɑrɑ mɑ swĩini yi nɑ yi di. Ye swĩini yi di n tiɑrɑ, mɑ ɡbɑɑnu nɑ nu ye di.

Yoɛli 1:7

Yi bɛsɛn resɛm ɡbɑɑnu kɑm koosiɑmɔ. Yi bɛsɛn fiɡie dɑ̃nu dimɔ. Yi yen kokosu wĩɑmɔ. Mɑ yi yen kɑ̃ɑsi derimɔ kokosu sɑri.

Yoɛli 2:25

Kon bɛɛ wɔ̃ɔ si kɑ dĩɑ nin kɔsire wɛ̃, ni nɛn tɑbu kowobu, kɔkɔnu, kɑ ɡbɑɑnu, kɑ twee yi di wɔ̃ɔ si su doonɑ sɔɔ.

Amɔsu 4:6

N wee nɑ derɑ ɡɔ̃ɔrɑ duɑ bɛɛn wuu mɑrosu kpuro sɔɔ. Mɑ i dĩɑnu biɑ bɛɛn yɛnusu kpuro sɔɔ. Adɑmɑ kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Amɔsu 4:8

Yerɑ bɛɛn wusu ɡɑsun tɔmbu bɑ dɑ wuu ɡɑɡun mi bu kɑ nim wɑ bu nɔ. Adɑmɑ ben nim nɔru ɡɑ ǹ kpɑ. Kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Hɑbɑkuku 3:17

Fiɡien dɑ̃nu nu ǹ ko n binu mɔ. Resɛm dɑ̃nu nu ǹ mɑɑ mɑrumɔ. Olifin dɑ̃nu nu ǹ mɑɑ binu mɑrumɔ. Gbeɑ kun mɑɑ dĩɑnu wɛ̃ɛmɔ. Yɑ̃ɑnu kɑ kɛtɛ kun ko n mɑɑ wɑ̃ɑ ɡɔ̃ɔwɔ.

Asee 2:17

Nɛ, Gusunɔ nɑ bɛɛn sɔmburu kɑm koosiɑ. Nɑ derɑ ɡuru kpenu bɛɛn dĩɑnu sɑnkɑ nu kɔ̃sɑ, nu bukusɑ duurɑ. Adɑmɑ kɑ mɛ, i ǹ wurɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Mɑlɑsi 3:11

Nɑ kon twee ɡirɑ bɛɛn tem di. Kpɑ yi ku mɑɑ bɛɛn dɑ̃ɑ binu sɑnku. Kon de resɛm ye yɑ ku rɑ rɑɑ mɑ yu mɑ bɛɛn ɡbeɑɔ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 28:22

U koo de bɛɛn wɑsi yi ɡberɑ ǹ kun mɛ yi swĩɑ ǹ kun mɛ yi mɔsi ǹ kun mɛ yi wooru bɑrɑ. U koo mɑɑ yinɑ ɡurɑ yu nɛ kpɑ bɛɛn ɡbeɑn dĩɑnu nu ɡberɑ ǹ kun mɛ nu kɔ̃si. Wɑhɑlɑ ye kpurowɑ i ko wɑ sere u kɑ bɛɛ kpeerɑsiɑ mɑm mɑm.

Sɔ̃ɔsiru 28:42

Bɛɛn dɑ̃ɑ kɑ bɛɛn ɡbeɑn mɑrum kpurowɑ mu koo ko tween dĩɑnu.