Amɔsu 4:1 - Bibeli Gusunɔn Gari

¹ Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 4:1 ပူးပေါင်းရင်းမြစ်များ

Sinɑmbu I 16:24

Yerɑ u dɑ Semɛɛn mi u Sɑmɑrin ɡuuru dwɑ kɑ sii ɡeesun ɡobi nɔrɔbun subɑ nɔɔbɑ tiɑ (6.000). Mɑ u wuu bɑnɑ ɡuu ten wɔllɔ u ɡu yĩsiru kɑ̃ Sɑmɑri, Semɛɛ win yĩsirun sɔ̃.

Yoobu 20:19

Domi u sɑ̃ɑrobu dɑm dɔre. Mɑ u ben yɛnusu mwɛɛrɑ, u ǹ wiɡuu bɑnɛ.

Yoobu 24:4

Bɑ wɔnwɔndobu dɑm dɔremɔ bɑ ɡirɑmɔ swɑɑn di. Mɑ sɑ̃ɑrobu bɑ swɑɑ kɑsu bu kuke.

Womusu 12:5

Domi bɑ ɡerumɔ bɑ mɔ̀, bɑ rɑ wɑ ye bɑ kĩ ben nɔɔ dobun sɑɑbu, bɑ ɡɑri ɡerubu yɛ̃, bɑ ǹ ɡoon bɛrum mɔ.

Womusu 140:12

Wi u weesu mɔ̀ u ǹ tɑ̃simɔ tem mɛ sɔɔ. Kɔ̃sɑ yɑ ko n mɑɑ ɡbɑnɑɡii swĩiwɑ sere u kɑ kɑm ko.

Womusu 22:12

A ku kɑ mɑn tondɑ, domi nɔni swɑ̃ɑrɑ mɑn turuku koosimɑ. Goo mɑɑ sɑri wi u koo mɑn somi.

Mɔnnu 22:7

Gobiɡiiwɑ u rɑ n sɑ̃ɑro nɔmɑ sikerenɛ. Wi u mɑɑ bɔkurɑmɔ u sɑ̃ɑwɑ wi u nùn bɔkurɑmɔn yoo.

Wɑɑsu kowo 4:1

Nɑ dɑm dɔrebu kpuro lɑɑkɑri kuɑ hɑnduniɑ sɔɔ. Ye nɑ wɑ wee. Be bɑ dɑm dɔremɔ bɑ rɑ n wuri mɔ̀wɑ. Goo ku rɑ mɑɑ bu somiru nɛ. Domi be bɑ bu dɑm dɔremɔ mi, berɑ bɑ dɑm bo.

Wɑɑsu kowo 5:8

Adɑmɑ ɡɑ̃ɑnu nu wɑ̃ɑ be kpuron sɔ̃. Niyɑ, tem mɑrum, bɑɑ kɑ mɑm sinɑ bokon tii.

Esɑi 28:1

Bɔ̃rurɑ Sɑmɑri ye yɑ sɑ̃ɑ nɡe sinɑ furɔ ɡe Efɑrɑimubɑ bɑ kɑ tii sue. Yɑ wɔwɑ tuke ye yɑ tem ɡem mɔ. Mɑ yɑ sɑ̃ɑ yen burɑru nɡe dɑ̃ɑ wɛ̃ɛ si tɔmbɑ rɑ doke wirɔ bɑ kɑ tɑm ɡoore.

Esɑi 5:8

Bɔ̃rurobɑ be bɑ yɛnusu kɑ ɡbeɑ sosimɔ ye bɑ rɑɑ mɔ sɔɔ, sere ɡɑbu bɑ ǹ mɑɑ ɑyeru mɔ, mɑ be tɔnɑ bɑ bɑtumɑ mɔ.

Esɑi 56:12

Bɑ sokunɑmɔ bɑ mɔ̀, bu mɛnnɑmɑ bu tɑm bɔɔbɔm nɔ, siɑ kpɑ bu mɑɑ ko mɛ domi tɑm mu yibɑ.

Esɑi 58:6

Wee nɔɔ bɔku te nɑ kĩ. Be i bɔkuɑ nuku kɔ̃surun sɔ̃, i bu yɔ̃suo. Be i rɑɑ dɑm dɔremɔ, i de bu doonɑ. Kpɑ be bɑ yoru dimɔ bɛɛn mi, bu kɑrɑ.

Yeremi 50:11

Bɛɛ Bɑbiloniɡibu, bɛɛ be i nɛn ɑrumɑni ɡurɑ, i nuki doro. I n yɔ̃ɔkumɔ nɡe nɑɑ kpɛmi yɑkɑsɔ. I n sumɔ nɡe dum dwɛɛ.

Yeremi 50:27

I ben tɑbu durɔ dɑmɡibu ɡoowo. I bu sɑkirio nɡe yɑɑ sɑbenu. Bɑ kɑm kuɑ, domi ben tɔ̃rɑ tunumɑ, tè sɔɔ bɑ koo bu sɛɛyɑsiɑ.

Yeremi 51:34

Yerusɑlɛmu yɑ nɛɛ, Bɑbilonin sinɑ boko Nɛbukɑnɛsɑɑ u rɑɑ mɑn ɡurɑ, mɑ u mɑn deri nɡe weke diiru. U mɑn sɛ̃re nɡe yɑɑ ɡɔbɑ, mɑ u suɑ ye yɑ ɡeɑ sɑ̃ɑ kpuro nɛ sɔɔ. Yen biru u nɛn tɔmbu ɡirɑ.

Yeremi 6:6

Mɑ Yinni Gusunɔ u bu sɔ̃ɔwɑ u nɛɛ, bu dɑ̃ɑ bɔɔrio kpɑ bu kɑ ye sɑsɑnu ɡirɑ bu kɑ Yerusɑlɛmu sikerenɑ, bu ye sɛɛyɑsiɑ yèn sɔ̃ yen tɔmbɑ dɑm dɔrenɑmɔ.

Yeremi 7:6

mɑ bɑ kun sɔbu kɑ ɡɔminibu kɑ ɡobekubɑ dɑm dɔremɔ, mɑ bɑ kun mɑɑ tɔnu wi u kun ɡɑ̃ɑnu kuen yɛm yɑrimɔ, mɑ bɑ kun bũnu sɑ̃ɑmɔ ni nu koo de bu kɑm ko,

Esekiɛli 18:12

U rɑ bwɛ̃ɛbwɛ̃ɛ sɔmburu koosie kɑm. U rɑ tɔmbu ɡbɛni. U ku rɑ be u tɔrubɑ mwɑɑri ye wesie. U rɑ bũnu sɑ̃, kpɑ u n kom bɛrɛtɛkɛ mɔ̀.

Esekiɛli 22:12

Gɑbɑ mɑɑ wɑ̃ɑ be bɑ rɑ wure bu ɡobi mwɑ bu kɑ tɔmbu ɡo. Gɑbɑ wɑ̃ɑ bɑ rɑ ɑre bɛkɛ kɑsu bɑ̀ n ben winsim ɡobi bɔkurɑ. Gɑbɑ wɑ̃ɑ be bɑ ben winsim tɑki dimɔ bu kɑ ɡobi ko. Mɑ bɑ nɛ, Yinni Gusunɔ duɑri mɑm mɑm. Nɛ, Yinni Gusunɔwɑ nɑ yeni ɡeruɑ.

Esekiɛli 22:27

Ben sinɑmbu bɑ sɑ̃ɑwɑ nɡe ɡbeeku yɛɛ. Domi bɑ tɔmbu ɡoomɔ bu wɑ bu kɑ ben binɛ suresiɑ.

Esekiɛli 22:29

Tem mɛn tɔmbu bɑ dɑm dɔrenɑmɔ bɑ ɡbɛnimɔ bɑ sɑ̃ɑrobu kɑ be bɑ ǹ dɑm mɔ tɑɑremɔ. Mɑ bɑ sɔbu tɑki dimɔ bɑ ɡem birɑmɔ.

Esekiɛli 22:7

Mɑ yen tɔmbu bɑ ben mɛrobu kɑ ben tundobu ɡɛmɑ. Gɑbɑ sɔbu dɑm dɔremɔ. Gɑbɑ mɑɑ ɡobekubɑ kɑ ɡɔminibu tɑki dimɔ.

Esekiɛli 34:16

Kon ni nu kɔ̃ɔrɑ kɑsumɑ n kɑ nɑ. Kpɑ n ni nu mɛɛrɑ wɑn bosu tim doke. Kpɑ n mɑɑ ni nu bɑrɔ nɔɔri nu dɑm ko. Adɑmɑ kon ni nu bɔɔru ɡo. Nɛn tiiwɑ kon nɛn yɑ̃ɑnu kpɑrɑ ɡem sɔɔ.

Esekiɛli 39:18

Yi koo tɑbu durɔbun ɡonu di kpɑ yi wiruɡibun yɛm nɔ be, be bɑ sɑ̃ɑ nɡe Bɑsɑnin yɑ̃ɑ kinɛnu kɑ yɑ̃ɑ kpɛmminu kɑ bonu kɑ kɛtɛ kinɛ ni nu ɡum mɔ.

Yoɛli 3:3

Yen tɔ̃ɔ te sɔɔ, kon mɑɑmɑɑkibɑ ko. Kon de yɛm kɑ dɔ̃ɔ kɑ wii bɑkɑsu sɔ̃ɔsirɑ wɔllɔ kɑ temɔ.

Amɔsu 3:1

I swɑɑ dɑkio i nɔ ye nɛ, Yinni Gusunɔ nɑ ɡerumɔ, bɛɛ Isirelibɑ kpuron sɔ̃, bɛɛ be nɑ yɑrɑmɑ Eɡibitin di.

Amɔsu 3:3

Tɔmbu yiru bɑ koo swɑɑ wɔri sɑnnu bɑ kun ɡinɑ nɔɔsinɛ?

Amɔsu 5:11

I rɑ bwɛ̃ɛbwɛ̃ɛbu dɑm dɔre, i n ben ɡbeɑn dĩɑnu mwɛɛrimɔ kɑ dɑm. Yen sɔ̃, i ǹ sinɑmɔ bɛɛn diɑ sɔɔ ye i bɑnɑ kɑ kpee ni i dɑ̃kɑ. Mɛyɑ i ǹ mɑɑ bɛɛn resɛm ye i duurɑn bii duronun tɑm nɔrumɔ.

Amɔsu 6:1

Bɔ̃rurobɑ bɛɛ be i wɑ̃ɑ Siɔniɔ bɔri yɛndu sɔɔ, kɑ bɛɛ be i sɔ̃ Sɑmɑrin ɡuurɔ kɑ toro sindu. Mɑ i tɑmɑɑ i sɑ̃ɑ bwese te tɑ kpɑ̃ɑru bon wiruɡibu. Mɑ Isirelibɑ bɑ somiru mɑrɑ bɛɛn min di.

Amɔsu 6:6

I tɑm nɔrumɔ kɑ nɔri bɛkɛ. I tii ɡum turɑreɡim sɑwɑmɔ. Mɑ i ǹ nuki sɑnkire yèn sɔ̃ bɛɛn bweseru tɑ koo kɑm ko.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Gbɑburu 21:33

Yen biru bɑ swɑɑ kɔsɑ bɑ dɑ Bɑsɑni ɡiɑ. Yerɑ Oɡu Bɑsɑnin sunɔ u seewɑ kɑ win tɑbu kowobu u bu tɑbu wɔrim dɑ Edɛɛɔ.

Sɔ̃ɔsiru 24:14

Ì n yɑ̃ɑro ɡoo mɔ sɔm kowo, ù n sɑ̃ɑ Isireli ǹ kun mɛ sɔɔ, i ku nùn tɑki di.

Sɔ̃ɔsiru 28:33

Bwese tuku ni i ǹ yɛ̃ nu koo nɑ nu bɛɛn tem dĩɑnu kpuro kɑ bɛɛn wɑhɑlɑ ye i kuɑn ɑre di. Bɑ ko n bɛɛ dɑm dɔremɔwɑ kpɑ bɑ n bɛɛ tɑki dimɔ bɑɑdommɑ.