Amɔsu 3:9 - Bibeli Gusunɔn Gari

⁹ I Asidɔdu kɑ Eɡibitin tem sinɑ kpɑɑnuɡibu nɔɔɡiru sueyo i nɛɛ, bu mɛnnɑmɑ Sɑmɑrin ɡuunɔ, kpɑ bu wɑ dɑɑ bɛrɛtɛkɛ kɑ dɑm dɔrenɑɑ ye yɑ wɑ̃ɑ ben suunu sɔɔ.

Amɔsu 3:9 ပူးပေါင်းရင်းမြစ်များ

Sɑmuɛli II 1:20

I ku de bu lɑbɑɑri ye nɔ Gɑtiɔ. I ku de bu ye kpɑrɑ Asikɑlonin wuuɔ. Kpɑ Filisiti bɑnɡo sɑri ben kurɔbu bu ku yɛ̃ɛri. Kpɑ ben wɔndiɑbɑ bu ku nuku dobu ko.

Mɔnnu 1:13

I ko ɑrumɑni bwese bwesekɑ wɑ i dɑm diimɑ i yibiɑ bɛɛn diɑɔ.

Mɔnnu 11:16

Kurɔ ɡeowɑ u rɑ siɑrɑbu wɑ, ɑdɑmɑ be bɑ tɔmbu dɑm dɔremɔ, dukiɑ tɔnɑwɑ bɑ rɑ wɑ.

Wɑɑsu kowo 4:1

Nɑ dɑm dɔrebu kpuro lɑɑkɑri kuɑ hɑnduniɑ sɔɔ. Ye nɑ wɑ wee. Be bɑ dɑm dɔremɔ bɑ rɑ n wuri mɔ̀wɑ. Goo ku rɑ mɑɑ bu somiru nɛ. Domi be bɑ bu dɑm dɔremɔ mi, berɑ bɑ dɑm bo.

Yeremi 31:5

i ko i mɑɑ resɛmbɑ duure Sɑmɑrin ɡuunɔ, kpɑ i yen binu wɑ i sɔri.

Yeremi 46:14

ɑ Eɡibitiɡibu nɔɔsio kɑ be bɑ wɑ̃ɑ yen wuu si bɑ mɔ̀ Miɡidoli, kɑ Mɛnfisi, kɑ Tɑpɑnɛsi sɔɔ, ɑ nɛɛ, ben bɑɑwure u seewo u sɔɔru ko. Domi bɑ bu tɑbu wɔrimɑ bɑɑmɑn di.

Yeremi 50:2

i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Esekiɛli 36:8

Sɑɑ ye sɔɔ, bɛɛ ɡuunun dɑ̃nu i ko kpɑrɑ kpɑ i binu mɑ win tɔmbu Isirelibɑn sɔ̃. Domi ben wurɑmɑru tɑ turuku kuɑ kɔ.

Esekiɛli 37:22

Bɑ koo ko bwese teeru sere kɑ be bɑ wɑ̃ɑ ɡuunɔ kpɑ bɑ n sunɔ turo mɔ. Bɑ ǹ ko n mɑɑ sɑ̃ɑ bwesenu yiru. Bɑ ǹ ko n mɑɑ sinɑmbu yiru mɔ.

Osee 7:1

kpɑ n bu bɛkiɑ, sɑɑ yerɑ ben durum mɑɑ sɔ̃ɔsirɑ Sɑmɑriɔ. Gbɛnɔbu bɑ dumɔ diɑɔ bɑ ɡbɛnimɔ. Mɑ ben ɡɑbɑ yibɑ swɛɛ sɔɔ.

Amɔsu 1:8

Kon Asidɔdun tɔmbu kɑ Asikɑlonin sunɔ kpeerɑsiɑ. Kon Ekoroniɡibu wɔri. Kpɑ Filisiti be bɑ tie mi kpuro bu kɑm ko. Nɛ, Yinni Gusunɔwɑ nɑ yeni ɡeruɑ.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 5:11

I rɑ bwɛ̃ɛbwɛ̃ɛbu dɑm dɔre, i n ben ɡbeɑn dĩɑnu mwɛɛrimɔ kɑ dɑm. Yen sɔ̃, i ǹ sinɑmɔ bɛɛn diɑ sɔɔ ye i bɑnɑ kɑ kpee ni i dɑ̃kɑ. Mɛyɑ i ǹ mɑɑ bɛɛn resɛm ye i duurɑn bii duronun tɑm nɔrumɔ.

Amɔsu 6:1

Bɔ̃rurobɑ bɛɛ be i wɑ̃ɑ Siɔniɔ bɔri yɛndu sɔɔ, kɑ bɛɛ be i sɔ̃ Sɑmɑrin ɡuurɔ kɑ toro sindu. Mɑ i tɑmɑɑ i sɑ̃ɑ bwese te tɑ kpɑ̃ɑru bon wiruɡibu. Mɑ Isirelibɑ bɑ somiru mɑrɑ bɛɛn min di.

Amɔsu 6:3

Wee i ǹ kĩ wɑhɑlɑn tɔ̃ru tu bɛɛ nɑɑwɑ. Mɑ i sere tii dɑɑ kɔ̃sɑ ɡɑwemɔ. Mɑ yɑ bɑndu dii bɛɛn suunu sɔɔ.

Amɔsu 8:6

Sɑ ko wɔnwɔndobu dwe kɑ ɡobi, kpɑ su sɑ̃ɑrobu kɑ bɑrɑnun ɡobi kɔsinɑ.

Misee 6:10

Kon wurɑ tɔn kɔ̃so u dukiɑ ɡure win dirɔ kɑ ɡbɛnɑ? Kpɑ u n sɑkɑku mɔ ɡe nɑ ǹ kĩ?

Sɑmuɛli I 5:1

Filisitibɑ bɑ Gusunɔn woodɑn kpɑkoro te suɑ sɑɑ Ebɛni Esɛɛn di bɑ kɑ dɑ Asidɔduɔ,