Amɔsu 3:8 - Bibeli Gusunɔn Gari

⁸ Gbee sunɔ ɡɑ̀ n ɡbɑ̃rɑ, wɑrɑ ku rɑ nɑnde. Nɛ, Yinni Gusunɔ nɑ̀ n ɡɑri ɡeruɑ, nɛn sɔmɔ wɑrɑ kun yi kpɑrɑmɔ.

Amɔsu 3:8 ပူးပေါင်းရင်းမြစ်များ

Esɑi 21:10

Bɛɛ nɛn tɔmbu Isirelibɑ, bɛɛ be bɑ so nɡe dobi doo soo yerɔ, yeniwɑ nɑ nuɑ Gusunɔ bɛɛn Yinnin min di, wi, wi u sɑ̃ɑ wɔllu kɑ tem Yinni. Yerɑ nɑ bɛɛ ye nɔɔsiɑmɔ.

Esɑi 31:4

Amɛniwɑ Yinni Gusunɔ u mɑn sɔ̃ɔwɑ u nɛɛ, ɡbee sunɔ ɡe ɡɑ yɑɑ mwɑ ɡɑ wuri koosimɔ ɡɑ ku rɑ yɑ̃ɑ kpɑrobun bɛrum ko, bɑɑ bɑ̀ n dɑbi mɑ bɑ ɡu tɑrusi bɑ ɡbɑ̃sukumɔ. Nɡe mɛyɑ wi, wɔllu kɑ tem Yinni, u ko n sɑ̃ɑ ù n sɑrɑmɑ u kɑ Siɔnin ɡuuru kɔ̃su, u tu sɑnnɑ.

Yeremi 20:9

Nɑ̀ n nɛɛ, kon nun deriwɑ, nɑ ǹ mɑɑ wunɛn ɡɑri kpɑrɑmɔ, n dɑ n sɑ̃ɑwɑ nɡe dɔ̃ɔ u wɑ̃ɑ nɛn wɑsi sɔɔ u nɛn kukunu mɛnimɔ. Kpɑ n kookɑri ko n kɑ tii mɑrisi, ɑdɑmɑ nɑ ku rɑ kpĩ.

Yeremi 26:12

Mɑ Yeremi u wiruɡii be kɑ tɔn be kpuro sɔ̃ɔwɑ u nɛɛ, Yinni Gusunɔwɑ u mɑn ɡɔrimɑ n kɑ ɡɑri ko sɑ̃ɑ yee teni kɑ wuu ɡenin sɔ̃, nɡe mɛ i nuɑ kpuro.

Esekiɛli 29:21

Yen tɔ̃ɔ te, kon Isirelibɑ dɑm kɛ̃ kpɑ n mɑɑ wunɛ tɔnun biin nɔɔ wukiɑ ɑ kɑ bu ɡɑri ko kpɑ bu ɡiɑ mɑ nɛnɑ nɑ sɑ̃ɑ Yinni Gusunɔ.

Amɔsu 1:2

Amɔsu u nɛɛ, Yinni Gusunɔn nɔɔ ɡɑ nɔɔrɑmɔ Siɔnin ɡuurɔ Yerusɑlɛmuɔ. Yɑkɑsu mɑɑ sɑri kpɑrɑ yenɔ, mɑ ɡuu te bɑ mɔ̀ Kɑɑmɛli, ten wii kpiirɑ ɡberɑ.

Amɔsu 2:12

I derɑ be nɑ ɡɔsɑ mi, bɑ tɑm nɔrɑ. Mɑ i nɛn sɔmɔbu woodɑ wɛ̃ i nɛɛ, bu ku mɑɑ tɔmbu nɛn ɡɑri sɔ̃.

Amɔsu 3:4

Gbee sunɔ ɡɑ rɑ ɡbɑ̃re yɑkɑsɔ ɡɑ kun yɑɑ mwɛ ro? Gbee sunɔ buu ɡɑ rɑ kukiri ɡen kpin yerun di ɡɑ kun yɑɑ wɑ ɡɑ dimɔ?

Gɔrobun Kookoosu 4:20

Domi bɛsɛ sɑ ǹ kpɛ̃ sɑ kun ɡeruɑ ye sɑ wɑ kɑ ye sɑ nuɑ.

Gɔrobun Kookoosu 5:20

bu doo bu yɔ̃rɑ sɑ̃ɑ yerɔ kpɑ bu tɔmbu wɑ̃ɑ ten ɡɑri kpuro nɔɔsiɑ.

Gɔrobun Kookoosu 5:29

Yerɑ Piɛɛ kɑ ɡɔro be bɑ tie bɑ nɛɛ, tilɑsiwɑ su kɑ Gusunɔ mɛm nɔɔwɑ, n ǹ mɔ tɔmbu.

Korinti I 9:16

Domi n ǹ weenɛ n woo kɑnɑ Lɑbɑɑri ɡeɑn kpɑrɑbun sɔ̃. Tilɑsiwɑ ye, yɑ mɑn sɑ̃ɑwɛ. Nɑ̀ kun yen wɑɑsu kue, wɑhɑlɑ bɑkɑ.

Kɑ̃siru 5:5

Yerɑ ɡuro ɡuro ben turo mɑn sɔ̃ɔwɑ u nɛɛ, n ku swĩ. Wee, ɡbee sunɔ ɡe ɡɑ yɑrɑ Yudɑn bweserun di, ɡe ɡɑ sɑ̃ɑ nɡe kpii kpɑɑru Dɑfidin yɛnuɔ, ɡɑ tɑbu di, ɡɑ koo kpĩ ɡu yĩrenu nɔɔbɑ yiru ye kusiɑ kpɑ ɡu tire te wukiɑ.