Amɔsu 3:1 - Bibeli Gusunɔn Gari

¹ I swɑɑ dɑkio i nɔ ye nɛ, Yinni Gusunɔ nɑ ɡerumɔ, bɛɛ Isirelibɑ kpuron sɔ̃, bɛɛ be nɑ yɑrɑmɑ Eɡibitin di.

Amɔsu 3:1 ပူးပေါင်းရင်းမြစ်များ

Bɑndun Gɑri II 20:15

Mɑ Yɑɑsiɛli u nɛɛ, bɛɛ Yudɑbɑ kpuro, kɑ bɛɛ Yerusɑlɛmuɡibu kpuro, kɑ sere wunɛ sinɑ boko Yosɑfɑti, i swɑɑ dɑkio i nɔ ye Yinni Gusunɔ u ɡerumɔ. U nɛɛ, i ku nɑndɑ, i ku mɑɑ wururɑ tɔn dɑbi ten wuswɑɑɔ. Domi n ǹ bɛɛ i ko i tɑbu ko. Wi, Yinni Gusunɔn tiiwɑ u koo tɑɑ bi ko.

Esɑi 46:3

Adɑmɑ i mɑn swɑɑ dɑkio, bɛɛ Isirelibɑ, bɛɛ be i tie, bɛɛ be nɑ nɛni nɑ nɔɔrimɔ sɑɑ bɛɛn mɑrubun di.

Esɑi 48:12

Yinni Gusunɔ u nɛɛ, bɛɛ Isirelibɑ, bɛɛ be i sɑ̃ɑ Yɑkɔbun bweseru, bɛɛ be nɑ sokɑ, i swɑɑ dɑkio i nɔ. Nɛnɑ nɑ sɑ̃ɑ ɡbiikoo kɑ dɑ̃ɑko.

Yeremi 13:11

Nɡe mɛ bɑ rɑ kpɑkɑ sɛ̃ke pɔrɑɔ, nɡe mɛyɑ u rɑɑ Isirelibɑ kɑ Yudɑbɑ kpuro suɑ u tii sɛ̃ke bɑ n kɑ sɑ̃ɑ win tɔmbu, bɑ n win yĩsiru sɔɔwɑ, bɑ n sɑ̃ɑ win burɑru, kpɑ tɔmbɑ n nùn siɑrɑmɔ ben sɔ̃. Adɑmɑ bɑ ǹ win ɡɑri wure. Wi, Yinni Gusunɔwɑ u yeni ɡeruɑ.

Yeremi 31:1

Yinni Gusunɔ u nɛɛ, sɑɑ ɡɑɑ sisi yè sɔɔ kon mɑɑ ko Isirelibɑn bwesenu kpuron Yinni, kpɑ be, bɑ n mɑɑ sɑ̃ɑ nɛn tɔmbu.

Yeremi 8:3

Be bɑ koo tiɑrɑ be, Yudɑ dɑɑ kɔ̃sɑɡii be sɔɔ, mi nɑ bu yɑrinɑsiɑ kpuro, ɡɔɔwɑ bɑ ko n kĩ n kere wɑ̃ɑru. Nɛ, Yinni Gusunɔwɑ nɑ yeni ɡeruɑ.

Osee 4:1

Bɛɛ Isirelibɑ, i nɛ, Yinni Gusunɔ swɑɑ dɑkio. Domi nɑ siribu mɔ kɑ bɛɛ tem mɛn tɔmbu yèn sɔ̃ wɔnwɔnduɡii ɡoo sɑri bɛɛ sɔɔ, ɡemɡii ɡoo mɑɑ sɑri. Mɛyɑ bɛɛn ɡoo kun mɑɑ mɑn yɛ̃.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Amɔsu 2:10

Mɛyɑ nɑ bɛɛ yɑrɑmɑ Eɡibitin tem di. Mɑ nɑ bɛɛ kpɑrɑ ɡbɑburɔ wɔ̃ɔ weeru n kɑ bɛɛ Amɔre ben tem wɛ̃.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 5:1

Bɛɛ Isirelibɑ, i swɑɑ dɑkio i nɔ ɡɔɔ swĩi yi nɑ mɔ̀ bɛɛn sɔ̃.

Misee 2:3

Yen sɔ̃nɑ Yinni Gusunɔ u nɛɛ, wee nɑ kɔ̃sɑn sɔɔru mɔ̀ tɔn ben sɔ̃. Bɑ ǹ mɑɑ kpɛ̃ bu ye dukɑ suuri. Mɛyɑ bɑ ǹ mɑɑ kpɛ̃ bu sĩ bɑ n wĩiru yɔ̃rɑsie dɑm dɑm. Domi tɔ̃ɔ te tɑ wee mi, tɔ̃ɔ kɔ̃surɑ.

Misee 3:1

Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃. N ǹ bɛɛyɑ n weenɛ i n woodɑbɑ yɛ̃?

Sofoni 2:5

Bɛɛ Keretin bweseru, bɛɛ be i wɑ̃ɑ nim wɔ̃kun ɡoorɔ, i kɑm kuɑwɑ. Wunɛ mɑɑ Kɑnɑni, wunɛ wi ɑ sɑ̃ɑ Filisitibɑn tem, Yinni Gusunɔ u nun ɡerusimɔ. U nɛɛ, u koo nun kpeerɑsiɑ. Goo kun mɑɑ sinɑmɔ wunɛ sɔɔ.

Kɑ̃siru 2:29

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ.