Amɔsu 2:8 - Bibeli Gusunɔn Gari

⁸ I rɑ n kpĩ kpĩ bɛɛn bũnun nuunɔ yɑ̃nu wɔllɔ ni i tɔrubɑ mwɑ, kpɑ i n tɑm nɔrumɔ mɛ i yokumɑ.

Amɔsu 2:8 ပူးပေါင်းရင်းမြစ်များ

Yɑribu 22:25

Ì n ɡoon bekuru tɔrubɑ mwɑ, i nùn tu wesiɑ sɔ̃ɔ u sere du.

Esɑi 57:7

Guunu wɔllɔwɑ i rɑ bɛɛn sɑ̃ɑnu ko. Miyɑ i rɑ mɑɑ yɔ i yɑ̃kunu ko.

Esekiɛli 18:12

U rɑ bwɛ̃ɛbwɛ̃ɛ sɔmburu koosie kɑm. U rɑ tɔmbu ɡbɛni. U ku rɑ be u tɔrubɑ mwɑɑri ye wesie. U rɑ bũnu sɑ̃, kpɑ u n kom bɛrɛtɛkɛ mɔ̀.

Esekiɛli 18:7

U ku rɑ ɡoo ɡbɛni. U ku rɑ mɑɑ ɡoo sɔmburu koosie kɑm. U rɑ wi u win dibu nɛni win tɔrubɑ wesie. U rɑ wi ɡɔ̃ɔrɑ mɔ̀ dĩɑnu wɛ̃. Kpɑ u wi u tereru sĩimɔ yɑ̃nu wɛ̃.

Esekiɛli 23:41

Mɑ bɑ dɑ bɑ sinɑ kitɑ burɑnu sɔɔ. Tɑbulu yɑ yii ben wuswɑɑɔ yèn wɔllɔ bɑ nɛn turɑre ye bɑ rɑ dɔ̃ɔ doke kɑ ɡum nubu duroruɡim sɔndi.

Osee 4:8

Wee bɑ kuurɑmɔ nɛn tɔmbun torɑnun sɔ̃. Mɑ bɑ bu bɔriemɔ bɑ n kɑ torɑmɔ bɑ n dɔɔ.

Osee 7:14

Bɑ̀ n mɑn somiru kɑnɑmɔ, bɑ ku rɑ tu ko ɡɔ̃ruɔ. Adɑmɑ bɑ rɑ sinɛwɑ bɑ n tii muririmɔ. Kpɑ bɑ n yĩiyɔ yeyɑ yɑ koo de ben ɡbeɑ yu ɑlikɑmɑ kɑ resɛm ɡeɑ mɑ. Nɡe mɛyɑ bɑ rɑ n mɔ̀ bu kɑ mɑn seesi.

Amɔsu 3:14

Nɑ nɛɛ, sɑnɑm mɛ sɔɔ, kon Isirelibɑ sɛɛyɑsiɑ ben durum sɔ̃. Kon Betɛlin yɑ̃ku turɑnu kɔsuku, kpɑ nin kɑ̃ɑnu nu bɔɔkirɑ nu wɔruku.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 6:4

Mɑ i kpĩ sɑu kpin yee burɑnu sɔɔ, nì bɑ burɑru kuɑ kɑ suunu donnu. I tii yɑ̃ɑ kpɛmminu kɑ nɑɑ kpɛmi yi yi ɡum mɔ ɡɔsiɑmmɛ ɡɔ̃sun di i temmɔ.

Amɔsu 6:6

I tɑm nɔrumɔ kɑ nɔri bɛkɛ. I tii ɡum turɑreɡim sɑwɑmɔ. Mɑ i ǹ nuki sɑnkire yèn sɔ̃ bɛɛn bweseru tɑ koo kɑm ko.

Korinti I 10:21

I ǹ kpɛ̃ i nɔ Yinnin nɔrɑ sɔɔ kpɑ i mɑɑ nɔ bũnun nɔrɑ sɔɔ. I ǹ kpɛ̃ i di ye yɑ wɑ̃ɑ Yinnin tɑbulu wɔllɔ, kpɑ i mɑɑ di ye yɑ wɑ̃ɑ bũnun tɑbulu wɔllɔ.

Korinti I 10:7

Kpɑ i ku rɑ mɑɑ bũu sɑ̃ nɡe mɛ beɔnɔn ɡɑbu bɑ kuɑ. Domi bɑ yoruɑ, “Tɔn be, bɑ sinɑ bɑ di, bɑ nɔrɑ, mɑ bɑ seewɑ bɑ kom bɛrɛtɛkɛ mɔ̀.”

Korinti I 8:10

Domi wunɛ wi ɑ yɛ̃ru mɔ, mɑ ɑ sɔ̃ ɑ dimɔ bũu dirɔ, ɡɔ̃ru dɑm sɑriruɡii ù n nun wɑ mi, u ǹ koo wɔruɡɔru ko u kɑ bũu sɑ̃ɑ dĩɑnu di?

Kpɑrobu 9:27

Yerɑ bɑ dɑ ben ɡbeɑɔ bɑ resɛmbɑ sɔrɑ bɑ ɡɑmɑ mɑ bɑ tɔ̃ɔ bɑkɑru kuɑ. Bɑ dɑ ben bũu dirɔ bɑ di bɑ nɔrɑ mɑ bɑ Abimɛlɛki bɔ̃rusi.