Amɔsu 2:2 - Bibeli Gusunɔn Gari

² Yen sɔ̃, kon de bu Mɔɑbubɑn tem dɔ̃ɔ mɛni kpɑ u ben wuu Keriɔtun dii ɡeenu di mɑm mɑm. Kpɑ Mɔɑbu be, bu kɑm ko tɑbu ɡberɔ, sɑnɑm mɛ tɑbu swĩɑ bɑ kɔbi soomɔ, bɑ kuuki mɔ̀.

Amɔsu 2:2 ပူးပေါင်းရင်းမြစ်များ

Esɑi 9:5

Domi bɑ koo sun bii tɔn durɔ mɑruɑ. Wiyɑ u koo ko bɛsɛn wiruɡii. Win tɔmɑrɑ, Bwisi kɛ̃ɔ bɛɛrɛɡii, kɑ Gusunɔ Dɑm kpuroɡii, kɑ Bɑɑbɑ wi u rɑ n wɑ̃ɑ, kɑ Bɔri yɛndun nuuru.

Yeremi 48:24

kɑ Keriɔtu kɑ Botisirɑ, Mɔɑbubɑn wusu kpuro ɡesi, si su wɑ̃ɑ turuku kɑ tontondeɔ.

Yeremi 48:34

Hɛsiboniɡibu bɑ nɔɔɡiru sue bɑ somiru kɑnɑmɔ. Bɑ ben nɔɔ nɔɔmɔ Eleɑleɔ, kɑ Yɑhɑsiɔ, kɑ Soɑriɔ, kɑ Koronɑimuɔ, kɑ Eɡɑlɑti Selɑsiɔ. Domi bɑɑ Nimurimun dɑɑru tɑ kɑm kuɑ.

Yeremi 48:41

Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

Yeremi 48:45

Be bɑ kpikiru suɑ bɑ ǹ mɑɑ dɑm tie, bɑ wɛ̃rɑ yeru kɑsu Hɛsiboniɔ. Adɑmɑ dɔ̃ɔ yɑri yi koo yɑri yen sinɑ boko Sihonin dirun di, yi dɑ yi Mɔɑbubɑn tem nɔɔ burɑ yenu kɑ mɛn ɡuunu di.

Esekiɛli 25:8

Wee ye Yinni Gusunɔ u ɡeruɑ. U nɛɛ, yèn sɔ̃ Mɔɑbubɑ kɑ Edɔmubɑ bɑ nɛɛ, Isirelibɑ bɑ sɑ̃ɑwɑ tiɑ kɑ bwese ni nu tie hɑnduniɑ ye sɔɔ,

Amɔsu 1:14

Yen sɔ̃, kon de bu ben wuu Rɑbɑ tɑbu wɔri bu ye dɔ̃ɔ sɔku, kpɑ u yen dii ɡeenu di mɑm mɑm. Sɑɑ ye sɔɔ, tɑbun wurenu koo nɔɔrɑ nɡe woo bɔkɔ.

Amɔsu 1:4

Tɛ̃, kon de dɔ̃ɔ u nɑ u sinɑ boko Hɑsɑɛlin yɛnu wɔri, kpɑ u Bɛni Hɑdɑdin sinɑ kpɑɑru di mɑm mɑm.