Yerɑ nɑ sɑrɑmɑ n kɑ bu wɔrɑ Eɡibitiɡibun nɔmɑn di, kpɑ n kɑ bu dɑ tem bɑkɑm ɡɑm sɔɔ mɛ mu ɡeɑ sɑ̃ɑ mu tim kɑ bom yibɑ. Tem mɛ sɔɔrɑ Kɑnɑnibɑ kɑ Hɛtibɑ kɑ Amɔrebɑ kɑ Feresibɑ kɑ Hefibɑ kɑ Yebusibɑ bɑ wɑ̃ɑ.
Bɑ ǹ tii bikie bu nɛɛ, mɑnɑ wi, Yinni Gusunɔ u wɑ̃ɑ, wi, wi u bu yɑrɑmɑ Eɡibitin di. Mɑnɑ u wɑ̃ɑ, wi, wi u kɑ bu dɑ ɡbɑburɔ mi ɡɑ̃ɑnu ku rɑ kpi. Gbɑbu te sɔɔ, nim sɑri, dɔkɔ kpirinɑ nu yibɑ, wɑ̃ɑrɑ mɑɑ sɛ̃ mi. Yen sɔ̃nɑ ɡoo kun wɑ̃ɑ mi, ɡoo ku rɑ mɑɑ sĩ mi.
Mɑ Yinni Gusunɔ u nɛɛ, bɛɛ, i nɛɛ, yibɛrɛbɑ bɑ koo bɛɛn bibu ɡurɑwɑ. Adɑmɑ bii be, be bɑ ǹ ɡinɑ ɡeɑ kɑ kɔ̃sɑ yɛ̃ mi, beyɑ bɑ koo du tem mɛ sɔɔ kɑ Yosue sɑnnu. Beyɑ u koo tem mɛ wɛ̃ bɑ n mɔ.