Amɔsu 1:5 - Bibeli Gusunɔn Gari

⁵ Kon ben wuu Dɑmɑsin ɡbɑ̃rɑrun ɡɑmbobɑ kɔsuku, kpɑ n Bikɑti Afɛnin tɔmbu kpeerɑsiɑ. Kpɑ n Bɛti Edɛnin sunɔ ɡo. Kpɑ n de bu Siriɡibu yoru mwɛɛri bu kɑ dɑ Kiriɔ. Nɛ, Yinni Gusunɔwɑ nɑ yeni ɡeruɑ.

Amɔsu 1:5 ပူးပေါင်းရင်းမြစ်များ

Sinɑmbu II 14:28

Ye Yeroboɑmu u kuɑn sukum kɑ wɔruɡɔɔ te u sɔ̃ɔsi tɑɑ bi u kuɑ sɔɔ, kɑ nɡe mɛ u wuu si su wɑ̃ɑ Dɑmɑsiɔ kɑ Hɑmɑtiɔ mwɛɛrɑ si su rɑɑ sɑ̃ɑ Yudɑbɑɡisu, ye kpurowɑ yɑ yoruɑ Isirelibɑn sinɑmbun fɑɑɡin tireru sɔɔ.

Sinɑmbu II 16:9

Sɑɑ ye sɔɔrɑ Asirin sinɑ boko wi, u Akɑsin ɡɑri yi wurɑ. Mɑ u dɑ u Dɑmɑsi wɔri u mwɑ u ɡen tɔmbu yoru mwɛɛrɑ u kɑ dɑ Kiriɔ. Mɑ u ben sinɑ boko Resini wi mwɑ u ɡo.

Esɑi 22:6

Elɑmun tɑbu kowobu bɑ wee bɑ wɑ̃ɑ tɑbu kɛkɛbɑ sɔɔ kɑ mɑɑsɔbu, mɑ bɑ sɛ̃ɛ bwɑ̃ɑnu bɛki. Kiriɡibu bɑ mɑɑ wee, bɑ tɛrɛnu nɛni.

Esɑi 43:14

Yinni Gusunɔ u nɛɛ, bɛɛ Isirelibɑ, ɑmɛniwɑ nɛ Gusunɔ, bɛɛn Yinni Dɛɛro, nɛ wi nɑ bɛɛ yɑrɑ, nɑ ɡeruɑ nɑ nɛɛ, kon Bɑbiloniɡibu bɛri yibɛrɛbɑn nɔmɑɔ bɛɛn sɔ̃, kpɑ n ben wuun ɡɑmbobɑ kɔsuku, kpɑ ben nuku dobun kuuki yi ɡɔsirɑ nuku sɑnkirɑnun wuri.

Esɑi 8:4

Domi sere bu kɑ nɛɛ, bii wi, u mɔ̀, bɑɑbɑ, ǹ kun mɛ yɑɑyi, bɑ koo Dɑmɑsi kɑ Sɑmɑrin ɑrumɑni kpuro kɑtɑ ko bu ɡurɑ bu kɑ dɑ Asiriɔ.

Yeremi 50:36

I ben sɔmɔ tii suo be tɑbu wɔrio kpɑ bu ɡɔsirɑ wiirobu. I ben tɑbu durɔ dɑmɡibu wɔrio kpɑ bu nɑndɑ.

Yeremi 51:30

Yen tɑbu durɔbu bɑ koo kpɑnɑ bu mɑɑ tɑbu ko. Bɑ koo dɑ bu kuke kuku yee dɑmɡinu sɔɔ. Ben dɑm mu koo kpe, kpɑ bu ko nɡe tɔn kurɔbu. Ben ɡbɑ̃rɑ kɔnnɔsu ko n wukiɑre, kpɑ bu ben yɛnusu dɔ̃ɔ doke.

Swĩi 2:9

Yen kɔnnɔsu su numɑ temɔ. Sin dɑ̃ɑ ye bɑ rɑ kɑ su sɛ̃suku yɑ bɔɔkirɑ. Mɑ bɑ yen sinɑ boko kɑ yen wiruɡibu ɡurɑ bɑ kɑ dɑ tem tukumɔ. Woodɑ mɑɑ sɑri. Bɑɑ Gusunɔn sɔmɔbu bɑ ǹ mɑɑ kɑ̃sinu wɑɑmɔ win min di.

Esekiɛli 27:23

Wunɛ kɑ Hɑrɑniɡibu kɑ Kɑnnɛɡibu kɑ Edɛniɡibu kɑ Sebɑn tenkubɑ kɑ Asiriɡibu kɑ Kilimɑdiɡibu i rɑ tenkuru koosinɛ.

Esekiɛli 30:17

Bɑ koo Onin ɑluwɑɑsibɑ kɑ Pibesɛtiɡibu ɡo kɑ tɑkobi. Wuu si kpuron tɔmbɑ bɑ koo yoru mwɑ.

Osee 10:8

Bɑ koo ben bũu yenu kpuro kɔsuku mi bɑ torɑ. Kpɑ yɑkɑsu kɑ sɑ̃ki yi kpi mi. Sɑɑ ɡɑɑ sisi yè sɔɔ bɑ koo ɡuunu kɑ ɡunɡunu sɔ̃ bu nɛɛ, i sun sɛ̃sikio i wukiri.

Amɔsu 5:5

I ku mɑɑ sɑ̃ɑru dɑ Betɛliɔ kɑ Giliɡɑliɔ kɑ Beri Sebɑɔ. Domi u koo de bu Giliɡɑliɡibu yoru mwɛɛri. Kpɑ bu Betɛliɡibu kɑm koosiɑ.

Amɔsu 9:7

Yinni Gusunɔ u mɑɑ nɛɛ, bɛɛ Isirelibɑ, i ǹ Etiopiɡibu kere nɛn nɔni sɔɔ. Geemɑ, nɑ bɛɛ yɑrɑ Eɡibitin tem di. Adɑmɑ nɑ mɑɑ Filisitibɑ yɑrɑ Kɑfitorin di. Mɑ nɑ mɑɑ Siriɡibu yɑrɑ Kirin di.

Nɑhumu 3:13

Wee wunɛn tɔmbu bɑ sɑ̃ɑ nɡe tɔn kurɔbu wunɛn suunu sɔɔ. Wunɛn tem wusun kɔnnɔsu su kɛniɑrɑ mɑm mɑm yibɛrɛbɑn wuswɑɑɔ. Mɑ dɔ̃ɔ u sin kɔkɔrɔbɑ di.