Amɔsu 1:3 - Bibeli Gusunɔn Gari

³ Nɛ, Yinni Gusunɔ nɑ nɛɛ, Dɑmɑsiɡibun torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Gɑlɑdiɡibu tɑɑkɑ bɑ munkɑ.

Amɔsu 1:3 ပူးပေါင်းရင်းမြစ်များ

Sinɑmbu I 19:17

Kon de Hɑsɑɛli u tɔn be ɡo kɑ tɑkobi. Ben wi u kisirɑ win nɔmɑn di, Yehuwɑ u koo yɛ̃ro ɡo. Wi u mɑɑ kisirɑ Yehun nɔmɑn di, kpɑ Gusunɔn sɔmɔ Elisee u nùn ɡo.

Sinɑmbu II 13:3

Sɑɑ ye sɔɔrɑ Yinni Gusunɔ u kɑ Isirelibɑ mɔru bɑrɑ too. Mɑ u bu Sirin sinɑ boko Hɑsɑɛli nɔmu bɛriɑ ben wɑ̃ɑru kpuro sɔɔ n kɑ ɡirɑri sere win bii Bɛni Hɑdɑdin wɑɑti kpuro sɔɔ.

Sinɑmbu II 13:7

Yoɑkɑsin tɑbu kowobu sɔɔ, Yinni Gusunɔ u derɑ Sirin sinɑ boko u ben dɑbiru ɡo, u nɑmɑ muku muku bɑ kuɑ nɡe tuɑ. Mɑɑsɔbu weerɑɑkuru tɔnɑwɑ u nùn deriɑ kɑ tɑbu kowobu nɔrɔbun subɑ wɔkuru (10.000) kɑ tɑbu kɛkɛ yi dumi ɡɑwe wɔkuru.

Sinɑmbu II 16:9

Sɑɑ ye sɔɔrɑ Asirin sinɑ boko wi, u Akɑsin ɡɑri yi wurɑ. Mɑ u dɑ u Dɑmɑsi wɔri u mwɑ u ɡen tɔmbu yoru mwɛɛrɑ u kɑ dɑ Kiriɔ. Mɑ u ben sinɑ boko Resini wi mwɑ u ɡo.

Sinɑmbu II 8:12

Hɑsɑɛli wi, u nùn bikiɑ u nɛɛ, mbɑ n kuɑ ɑ kɑ sumɔ, nɛn yinni. Mɑ Elisee u nùn wisɑ u nɛɛ, nɑ wɑ kɔ̃sɑ ye kɑɑ Isirelibɑ kuɑ. Kɑɑ ben wuu si su ɡbɑ̃rɑ dɑmɡinu mɔ dɔ̃ɔ mɛni, kpɑ ɑ ben ɑluwɑɑsibɑ ɡo kɑ tɑkobi, kpɑ ɑ ben bii piiminu nɑm muku muku, kpɑ ɑ ben ɡuriɡibun nuki bɛsuku.

Yoobu 19:3

Wee yen nɔn dɑbinɑ mi, i kɑsu i mɑn wɔmɛ. I ǹ sekuru mɔwɑ i kɑ mɑn burisinɑmɔ mɛsum?

Yoobu 5:19

Nɔn dɑbinu u koo nun yɑrɑ nuku sɑnkirɑrun di, kpɑ kɔ̃sɑ ɡɑɑ yu ku mɑɑ nun deemɑ.

Mɔnnu 6:16

Gɑ̃ɑnu nɔɔbɑ tiɑ Yinni Gusunɔ u tusɑ, u ku rɑ nu wɑɑbu kɑ̃. Niyɑ, tii suɑbun kookoosu, kɑ weesu, kɑ tɔn dɛɛron ɡoberu, kɑ kɔ̃sɑn himbɑ, kɑ dɑɑ kɔ̃sɑn kĩru, kɑ tɔnu ɡɑri mɑnibu. Gɑ̃ɑnu nɔɔbɑ yiruse mɑm wɑ̃ɑ. Niyɑ, tɔn ɡbinnɑɑ berusebun suunu sɔɔ.

Wɑɑsu kowo 11:2

A nin sukum tɔmbu nɔɔbɑ yiru ǹ kun mɛ tɔmbu nɔɔbɑ itɑ bɔnu kuo, domi ɑ ǹ yɛ̃ nɔni swɑ̃ɑ te tɑ koo nun deemɑ hɑnduniɑ ye sɔɔ.

Esɑi 28:27

U ku rɑ dobi so kɑ tebo, u rɑ yi sowɑ kɑ bokuru. U ku rɑ mɔri so kɑ dɑm, u rɑ yi sowɑ kɑ boku piibu.

Esɑi 41:15

Wee, kon bɛɛ dɑm wɛ̃ nɡe nɑɑ tebo kpɔɔ ɡe ɡɑ sɔkiɑ mɔ, kpɑ i ɡuunu kɔsuku, i ɡunɡunu muniɑ muku muku nu ko nɡe yɑkɑ bii.

Esɑi 7:16

Bii wi, u sere sɑɑ ye turi, sinɑmbu yiru ye ɑ nɑsie mi, ben tem mu koo ko bɑnsu.

Esɑi 7:8

Siri kpuron dɑm mu wɑ̃ɑwɑ Dɑmɑsiɔ. Resini tɔnɑwɑ u sɑ̃ɑ Dɑmɑsin dɑm. Isireli kpuron dɑm mu wɑ̃ɑwɑ Sɑmɑriɔ. Mɛyɑ Remɑliɑn bii tɔnɑwɑ u sɑ̃ɑ Sɑmɑrin dɑm. Adɑmɑ wɔ̃ɔ wɑtɑ kɑ nɔɔbun bɑɑ sɔɔ, Isirelibɑ bɑ koo yɑrinɑ kpɑ bɑ kun mɑɑ dɑm ɡɑm mɔ. Yen sɔ̃, Akɑsi u n tororu sɔ̃, u n nɛ, Yinni Gusunɔ nɑɑnɛ sɑ̃ɑ. Mɑ n kun mɛ, win dɑm mu koo mɑɑ kpe.

Esɑi 8:4

Domi sere bu kɑ nɛɛ, bii wi, u mɔ̀, bɑɑbɑ, ǹ kun mɛ yɑɑyi, bɑ koo Dɑmɑsi kɑ Sɑmɑrin ɑrumɑni kpuro kɑtɑ ko bu ɡurɑ bu kɑ dɑ Asiriɔ.

Amɔsu 1:11

Nɛ, Yinni Gusunɔ nɑ nɛɛ, Edɔmubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ben mɛro bisibu Isirelibɑ nɑɑ swĩi kɑ tɑkobi. Bɑ ǹ bu wɔnwɔndu kue. Ben mɔru kun mɑɑ sure. Mɑ bɑ kɑ bu wɛrɛru sɑ̃ɑ dim dim sɑɑ kpuro.

Amɔsu 1:13

Nɛ, Yinni Gusunɔ nɑ nɛɛ, Amɔnibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ɡuriɡibun nukunu bɛsukɑ Gɑlɑdiɔ, sɑɑ ye bɑ Gɑlɑdiɡii ben tem mwɑɑmɔ beɡim mu kɑ yɑsiɑn sɔ̃.

Amɔsu 1:6

Nɛ, Yinni Gusunɔ nɑ nɛɛ, Filisitibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Isireli dɑbi dɑbinu yoru mwɛɛrɑ bɑ Edɔmubɑ nɔmu bɛriɑ.

Amɔsu 1:9

Nɛ, Yinni Gusunɔ nɑ nɛɛ, Fenisibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Isireli dɑbi dɑbinu yoru mwɛɛrɑ bɑ Edɔmubɑ nɔmu bɛriɑ. Bɑ ǹ ben ɑrukɑwɑni yibie ye bɑ rɑɑ kɑ bu bɔkuɑ.

Amɔsu 2:1

Nɛ, Yinni Gusunɔ nɑ nɛɛ, Mɔɑbubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Edɔmun sinɑ bokon kukunu dɔ̃ɔ mɛni nu kuɑ torom.

Amɔsu 2:4

Nɛ, Yinni Gusunɔ nɑ nɛɛ, Yudɑbɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ nɛn woodɑbɑ yinɑ. Bɑ ǹ ye mɛm nɔɔwɛ. Mɑ bɑ bũnun weesu swĩi, ni ben bɑɑbɑbɑ bɑ rɑɑ swĩi. Mɑ nu derɑ bɑ ɡɛrɑ nɛn swɑɑn di.

Amɔsu 2:6

Nɛ, Yinni Gusunɔ nɑ nɛɛ, bɛɛ Isirelibɑ, bɛɛn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi i ɡemɡibu dɔrɑ i kɑ bɛɛn dibu wɑ i mwɑ. Mɑ i kɑ sɑ̃ɑrobu bɑrɑnun ɡobi kɔsinɑmɔ.

Sɑkɑri 9:1

Amɛniwɑ Yinni Gusunɔ u ɡeruɑ Hɑdɑrɑkin tem sɔ̃ u nɛɛ, kon wuu ɡe bɑ mɔ̀ Dɑmɑsi siri. Domi nɛn nɔni wɑ̃ɑ tɔmbu sɔɔ nɡe mɛ yi wɑ̃ɑ Isirelibɑn bwese kɛri kpuro sɔɔ.

Sɑkɑri 9:2

Kon mɑɑ Hɑmɑti ye yɑ wɑ̃ɑ Dɑmɑsin tem nɔɔ burɑ yerɔn tem siri kɑ Tiri kɑ sere mɑɑ Sidoni, bɑɑ mɛ wuu sin tɔmbu bɑ bwisi mɔ.