Amɔsu 1:14 - Bibeli Gusunɔn Gari

¹⁴ Yen sɔ̃, kon de bu ben wuu Rɑbɑ tɑbu wɔri bu ye dɔ̃ɔ sɔku, kpɑ u yen dii ɡeenu di mɑm mɑm. Sɑɑ ye sɔɔ, tɑbun wurenu koo nɔɔrɑ nɡe woo bɔkɔ.

Amɔsu 1:14 ပူးပေါင်းရင်းမြစ်များ

Sɑmuɛli II 11:1

Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Dɑfidi u win bwɑ̃ɑbu kɑ win tɑbu sunɔ Yoɑbu kɑ sere mɑɑ Isirelibɑ kpuro ɡɔrɑ bu dɑ bu Amɔnibɑ ɡo. Kpɑ bu wuu ɡe bɑ mɔ̀ Rɑbɑ mwɑ. Adɑmɑ win tii u ǹ de. U sɔ̃ yɛnuɔ Yerusɑlɛmuɔ.

Sɑmuɛli II 12:26

Sɑɑ ye sɔɔrɑ Yoɑbu u Amɔnibɑn wuu ɡe bɑ mɔ̀ Rɑbɑ wɔri u ɡen wɔɔ berɑ mwɑ mi ben sinɑ boko u rɑ n wɑ̃ɑ.

Sɑmuɛli II 12:31

Mɑ u Rɑbɑn tɔn be bɑ tie yoo sɔmɑ koosiɑ. Ben ɡɑbɑ dɑ̃ɑ bɔɔrimɔ kɑ ɡbɛ̃ɛ, ɡɑbu kɑ sii, ɡɑbɑ tem ɡbemɔ kɑ dɑ̃kuru, mɑ ɡɑbɑ birikibɑ mɔ̀. Nɡe mɛyɑ u Amɔnibɑn wusu kpuron tɔmbu yoo sɔmɑ kpɛ̃ɛ. Yen biru u ɡɔsirɑmɑ Yerusɑlɛmuɔ kɑ win tɔmbu kpuro.

Bɑndun Gɑri I 20:1

Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Yoɑbu kɑ win tɑbu kowo dɑmɡii be u kpɑre bɑ dɑ bɑ Amɔnibɑn tem wɔri bɑ kɔsukɑ. Mɑ bɑ Rɑbɑ tɑrusi bɑ mwɑ. N deemɑ sɑɑ ye sɔɔ, Dɑfidi u wɑ̃ɑwɑ win yɛnuɔ Yerusɑlɛmuɔ.

Yoobu 39:25

Mɛyɑ yì n kɔbɑ ye nuɑ, yi rɑ n sɔɔru kpeerewɑ, kpɑ yi n tɑbun woo numiɑmɔ tontonden di, kpɑ yi n yibɛrɛbɑ kɑ ben sinɑmbun nɔɔ dɑmɡisu nɔɔmɔ.

Womusu 83:15

A de bu dɔ̃ɔ mwɑɑrɑ nɡe mɛ dɔ̃ɔ u rɑ dɑ̃ɑ sɔ̃ɔ mwɛ, ǹ kun mɛ nɡe mɛ dɔ̃ɔ yɑrɑ yɑ rɑ ɡuunu dɑbiri.

Esɑi 29:6

Adɑmɑ subɑru sɔɔ Gusunɔ, wɔllu kɑ tem Yinni u koo nɑ u bu sɛɛyɑsiɑ kɑ ɡuru ɡbɑ̃sukubu kɑ tem yĩirubu, kɑ wɔki bɑkɑnu kɑ woo ɡunɑ kɑ ɡuru woo bɔkɔ, kɑ sere mɑɑ dɔ̃ɔ boko,

Esɑi 30:30

Sɑɑ yerɑ u koo de win nɔɔ dɑmɡuu ɡe, ɡu nɔɔrɑ. Win mɔru bɑkɑ ye, yɑ̀ n seewɑ u koo win dɑm sɔ̃ɔsi dɔ̃ɔ boko kɑ nim yibu bɑkɑru kɑ ɡuru woo bɔkɔ kɑ ɡuru kpenu sɔɔ.

Esɑi 9:5

Domi bɑ koo sun bii tɔn durɔ mɑruɑ. Wiyɑ u koo ko bɛsɛn wiruɡii. Win tɔmɑrɑ, Bwisi kɛ̃ɔ bɛɛrɛɡii, kɑ Gusunɔ Dɑm kpuroɡii, kɑ Bɑɑbɑ wi u rɑ n wɑ̃ɑ, kɑ Bɔri yɛndun nuuru.

Yeremi 23:19

Wee Yinni Gusunɔn mɔru yɑ koo nɑ nɡe ɡuru woo bɔkɔ kpɑ yu tɔn kɔ̃sobu wɔri.

Yeremi 49:2

Yen sɔ̃ tɛ̃, kon de tɑbun wurenu nu nɔɔrɑ ben wuu mɑroɔ ɡe bɑ mɔ̀ Rɑbɑ. Rɑbɑ ye, yɑ koo bɑnsu ko, kpɑ yen bɑru kpɑɑnu nu dɔ̃ɔ mwɑɑkirɑ. Nɡe mɛyɑ Isirelibɑ bɑ koo bu ɡirɑ be, be bɑ rɑɑ bu ɡirɑ. Nɛ, Yinni Gusunɔwɑ nɑ yeni ɡeruɑ.

Esekiɛli 21:20

Yɑ bɑɑwuren wɔruɡɔrun dɑm buɑmɔ. Yɑ derɑ bɑ wɔrukumɔ. Wee nɑ derɑ yɑ wɑ̃ɑ bɑɑwuren kɔnnɔwɔ. Wee yɑ bɑllimɔ nɡe ɡuru mɑɑkinu, yɑ sɔɔru sɑ̃ɑ yu kɑ ɡo.

Esekiɛli 21:22

Nɛ, Yinni Gusunɔn tii, kon tɑkɑ ko kpɑ n nɛn mɔru kpuro sɔ̃ɔsi mɑm mɑm sere yu kɑ sɑrɑ. Nɛ, Yinni Gusunɔwɑ nɑ yeni ɡeruɑ.

Esekiɛli 21:25

Kɑɑ swɑɑ yiru ye kowɑ, tiɑ yɑ n dɔɔ Rɑbɑ ɡiɑ, ye bɑ koo swĩi bu kɑ Amɔnibɑ tɑbu wɔri, tiɑ mɑɑ Yerusɑlɛmu ɡiɑ ye bɑ koo swĩi bu kɑ Yudɑbɑ tɑbu wɔri.

Esekiɛli 25:5

Kon de Rɑbɑ yu ko yooyoosun kpɑrɑ yeru kpɑ ben tem kpuro mu n sɑ̃ɑ yɑ̃ɑnun wɑ̃ɑ yeru. Sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 25:7

yen sɔ̃nɑ tɛ̃, kon bu nɔmu dɛmiɛ, kpɑ n bu bwesenu ɡɑnu nɔmu bɛriɑ nɡe ɡbeeku yɛɛ. Kon bu kpeerɑsiɑ bwesenun suunu sɔɔn di kpɑ bu kɑm ko mɑm mɑm. Sɑɑ ye sɔɔ, bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Dɑniɛli 11:40

Kpeerun sɑɑ sɔɔ, sinɑ boko wi u wɑ̃ɑ sɔ̃ɔ yɛ̃sɑn nɔm dwɑru ɡiɑ u koo kɑ mɑɑ nùn sɑnnɑ. Adɑmɑ sɔ̃ɔ yɛ̃sɑn nɔm ɡeuɡii wi, u koo nɔm dwɑruɡii wi wukiri nɡe woo bɔkɔ kɑ tɑbu kɛkɛ ye dumi ɡɑwe kɑ mɑɑsɔbu kɑ ɡoo nimkuu dɑbiru. Kpɑ u win tem wɔri u sɑrɑ nɡe mɛ nim mu rɑ dɑɑru yibu mu sɑre.

Amɔsu 2:2

Yen sɔ̃, kon de bu Mɔɑbubɑn tem dɔ̃ɔ mɛni kpɑ u ben wuu Keriɔtun dii ɡeenu di mɑm mɑm. Kpɑ Mɔɑbu be, bu kɑm ko tɑbu ɡberɔ, sɑnɑm mɛ tɑbu swĩɑ bɑ kɔbi soomɔ, bɑ kuuki mɔ̀.

Sɑkɑri 7:14

Yen sɔ̃nɑ nɑ bu yɑrinɑsiɑ bwesenu kpuron suunu sɔɔ ni bɑ ǹ dɑɑ yɛ̃. Mɑ bɑ ben tem deri dirum ɡoo ku rɑ mɑɑ sɑre mi. Mɑ tem ɡem mɛ, mu kuɑ bɑnsu. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 3:11

N deemɑ Refɑbɑn bweseru sɔɔ, Oɡu, Bɑsɑnin sinɑ boko, wi turowɑ u rɑɑ tie. Kpɑkoro sisuɡiru sɔɔrɑ bɑ win ɡoru doke. Kpɑkoro te, tɑ wɑ̃ɑ Amɔnibɑn wuu mɑro Rɑbɑɔ. Ten dɛ̃ɛbu sɑ̃ɑwɑ ɡɔm soonu nɔɔbɑ nnɛ. Mɑ ten yɑsum sɑ̃ɑ ɡɔm soonu nnɛ.