Amɔsu 1:10 - Bibeli Gusunɔn Gari

¹⁰ Yen sɔ̃, kon de bu ben wuu Tiri dɔ̃ɔ sɔku, kpɑ u yen dii ɡeenu di.

Amɔsu 1:10 ပူးပေါင်းရင်းမြစ်များ

Yeremi 47:4

Sɑɑ yɑ tunumɑ yè sɔɔ bɑ koo Filisitibɑ kpuro ɡo, kɑ tɔn be bɑ koo kpĩ bu Tiriɡibu, kɑ Sidoniɡibu somi, kɑ tɔn be bɑ tie bɑ wɑ̃ɑ tem bure te bɑ mɔ̀ Kɑfitoriɔ.

Esekiɛli 26:12

Bɑ koo yen dukiɑ kɑ yen kiɑ ni yɑ dɔrɑmɔ ɡurɑwɑ nɡe ye bɑ tɑbu diimɑ kpɑ bu yen ɡbɑ̃rɑnu kɑ yen dii ɡeenu kɔsuku bu suriri kpɑ bu yen kpenu kɑ yen dɑ̃ɑ kɑ yen kɛ̃ki ɡurɑ bu sure nim wɔ̃ku sɔɔ.

Esekiɛli 26:4

Kpɑ nu yen ɡbɑ̃rɑnu kɔsuku kɑ yen tɑbu durɔbun kuku yenu. Nu koo ye kpuro kɛrɑwɑ mɑm mɑm kpɑ Tiri ye, yɑ n sɑ̃ɑ nɡe kpee sɑɑrɑ.

Esekiɛli 28:18

Win durum kpɑ̃ɑru kɑ win keetɑ ye u mɔ̀ tenkuru sɔɔn sɔ̃, u win wuun sɑ̃ɑ yenu disi doke. Yen sɔ̃, kon de dɔ̃ɔ u se win tiin min di kpɑ u nùn ɡɔsiɑ torom tɔn be bɑ nùn mɛɛrɑn nɔni biru.

Yoɛli 3:4

Sɔ̃ɔ u koo yɑm tĩrɑ, kpɑ suru u swɛ̃rɑ nɡe yɛm, Yinni Gusunɔn tɔ̃ɔ nɑnumɡii te, tu sere tunumɑ.

Amɔsu 1:4

Tɛ̃, kon de dɔ̃ɔ u nɑ u sinɑ boko Hɑsɑɛlin yɛnu wɔri, kpɑ u Bɛni Hɑdɑdin sinɑ kpɑɑru di mɑm mɑm.

Amɔsu 1:7

Mɛyɑ kon de bu ben wuu Gɑsɑ dɔ̃ɔ sɔku, kpɑ u yen dii ɡeenu di.

Sɑkɑri 9:4

Adɑmɑ nɛ, Yinni Gusunɔ, kon ye kpuro mwɑ. Kon yen dɑm sure nim wɔ̃ku sɔɔ kpɑ n de yu dɔ̃ɔ mwɑɑrɑ.