Amɔsu 1:1 - Bibeli Gusunɔn Gari

¹ Amɔsu u sɑ̃ɑwɑ yɑ̃ɑ kpɑro Tekoɑɔ. Wiyɑ Yinni Gusunɔ u kɑ ɡɑri kuɑ Isirelibɑn sɔ̃, n kuɑ wɔ̃ɔ yiru tem mu sere yĩirɑ. Sɑɑ ye sɔɔ, Osiɑsiwɑ u bɑndu dii Yudɑɔ, mɑ Yeroboɑmu, Yoɑsin bii u mɑɑ bɑndu dii Isireliɔ.

Amɔsu 1:1 ပူးပေါင်းရင်းမြစ်များ

Sɑmuɛli II 14:2

Yerɑ u ɡɔrɑ Tekoɑɔ bu dɑ bu kurɔ bwisiɡii ɡoo kɑsumɑ. Ye kurɔ wi, u tunumɑ yerɑ Yoɑbu u nùn sɔ̃ɔwɑ u nɛɛ, ɑ ɡɔɔ woorun yɑ̃nu dokeo kpɑ ɑ n sɑ̃ɑ nɡe ɑ nuki sɑnkire. A ku turɑre ɡɑɑ doke. A n ɡesi sɑ̃ɑ nɡe wi u ɡɔɔ sɔ̃ n tɛ.

Sinɑmbu I 19:19

Yen biru Eli u seewɑ u doonɑ min di. Mɑ u dɑ u Elisee Sɑfɑtin bii deemɑ u kɔrɔ mɔ̀ win ɡberɔ. N deemɑ nɑɑ wuku yɛndɑ nnɛwɑ u mɔ. Win tii u kɑ yen yiru sɔmburu mɔ̀. Mɑ Eli u nùn susi mi u sɔmburu mɔ̀, u win kumbooro potɑ u nùn kɑre u kɑ nùn sɔ̃ɔsi mɑ wiyɑ u koo ko win kɔsire.

Sinɑmbu II 14:21

Yenibɑn biru Yudɑbɑ kpuro bɑ Asɑriɑ Amɑsiɑn bii suɑ bɑ swĩi win tundon bɑndun sɔɔ. Sɑɑ ye sɔɔ, u mɔwɑ wɔ̃ɔ wɔkurɑ nɔɔbu kɑ tiɑ.

Sinɑmbu II 14:23

Amɑsiɑ Yoɑsin bii Yudɑbɑn sinɑ bokon bɑndun wɔ̃ɔ wɔkurɑ nɔɔbuse sɔɔrɑ Yeroboɑmu Yoɑsin bii, Isirelibɑn sinɑ boko u bɑndu di Sɑmɑriɔ. Mɑ u kuɑ wɔ̃ɔ weeru kɑ tiɑ.

Bɑndun Gɑri II 11:6

U Bɛtelehɛmu bɑnɑ, kɑ Etɑmu kɑ Tekoɑ

Bɑndun Gɑri II 20:20

Yerɑ bɑ yɑrɑ buru buru yellu bɑ dɑ ɡbɑburu ɡiɑ te bɑ mɔ̀ Tekoɑ. Sɑnɑm mɛ bɑ yɑriɔ, yerɑ Yosɑfɑti u seewɑ u yɔ̃rɑ. U nɛɛ, bɛɛ Yudɑbɑ kɑ bɛɛ Yerusɑlɛmuɡibu, i mɑn swɑɑ dɑkio i nɔ. I Gusunɔ bɛɛn Yinni nɑɑnɛ koowo, kpɑ i dɑm wɑ. I bɛɛn nɑɑnɛ dokeo win sɔmɔbun ɡere sɔɔ, kpɑ i nɑsɑrɑ wɑ.

Yɑribu 3:1

Sɑɑ ye sɔɔ, Mɔwisi u win dokiri Yetoro, Mɑdiɑnin yɑ̃ku kowon sɑbenu kpɑre. U kɑ nu dɑ yɑkɑsɔ sɔ̃ɔ duu yeru ɡiɑ. Mɑ u turɑ sere ɡuu te bɑ mɔ̀ Horɛbuɔ te bɑ mɑɑ sokumɔ Sinɑi te Gusunɔ u tii ɡɔsiɑ.

Esɑi 1:1

Tire ten ɡɑri yi sɑ̃ɑwɑ ɡɑri yi Gusunɔn sɔmɔ Esɑi Amɔtin bii u ɡeruɑ Yudɑbɑn sɔ̃, kɑ sere ben wuu Yerusɑlɛmun tiin sɔ̃. U ɡɑri yi ɡeruɑwɑ sɑnɑm mɛ sinɑm beni, Osiɑsi kɑ Yotɑmu kɑ Akɑsi kɑ Esekiɑsi bɑ bɑndu di di Yudɑɔ.

Yeremi 1:1

Tire ten ɡɑri yi sun sɔ̃ɔmɔ ye Yeremi Hilikiyɑn bii u kuɑ kɑ ɡɑri yi Yinni Gusunɔ u nùn sɔ̃ɔwɑ. Hilikiyɑ wi, u sɑ̃ɑwɑ yɑ̃ku kowo ɡoo Anɑtɔtuɔ, Bɛnyɑmɛɛn temɔ.

Yeremi 28:8

Gusunɔn sɔmɔ be bɑ ɡbiɑ bɑ nɑ yellun di, sɑ sere nɑ, nɔni swɑ̃ɑru kɑ tɑbu kɑ bɑrɑnun ɡɑriyɑ bɑ bwese bɑkɑnu kɑ sinɑ bokobu sɔ̃ɔwɑ.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 7:27

Wunɛ Yeremi, ɑ̀ n yenibɑ kpuro ɡeruɑ, bɑ ǹ nun swɑɑ dɑkimɔ. À n mɑɑ bu sokɑ, bɑ ǹ nun wurɑrimɔ.

Osee 1:1

Sɑnɑm mɛ sinɑm beni Osiɑsi kɑ Yotɑmu kɑ Akɑsi kɑ Esekiɑsi bɑ bɑndu di di Yudɑn temɔ, kɑ sɑɑ ye Yeroboɑmu Yoɑsin bii u bɑndu dii Isirelin temɔ, sɑnɑm mɛyɑ Yinni Gusunɔ u kɑ Osee Berin bii ɡɑri kuɑ.

Amɔsu 7:14

Mɑ Amɔsu u nùn wisɑ u nɛɛ, nɑ ǹ sɑ̃ɑ Gusunɔn sɔmɔ. Nɑ ǹ mɑɑ Gusunɔn sɔmɔn bɔ̃ɔ. Nɛ, yɑ̃ɑ kpɑrowɑ. Sikɑmɔrewɑ nɑ rɑ yewe.

Misee 1:1

Yudɑbɑn sinɑ boko Yotɑmu kɑ Akɑsi kɑ Esekiɑsi ben wɑɑti sɔɔrɑ Yinni Gusunɔ u Misee Mɔresɛtiɡii sɔ̃ɔwɑ ye yɑ koo Sɑmɑri kɑ Yerusɑlɛmu deemɑ.

Sɑkɑri 14:5

Sɑɑ ye sɔɔ, i ko i duki dɑwɑ win ɡuunun wɔwɑ sɔɔ. Domi wɔwɑ ye, yɑ ko n wɑ̃ɑwɑ sere Atisɛliɔ. I ko i duki suwɑ nɡe mɛ i rɑɑ kuɑ sɑnɑm mɛ tem yĩiribu bɛɛ deemɑ Osiɑsi Yudɑbɑn sinɑ bokon wɑɑti. Sɑɑ ye sɔɔrɑ Gusunɔ nɛn Yinni u koo nɑ kɑ win tɔn dɛɛrobu.

Mɑteu 4:18

Nɡe mɛ Yesu u sĩimɔ Gɑlilen dɑɑ burerun bɔkuɔ u susure kowobu yiru ɡɑbu wɑ, mɔɔ kɑ wɔnɔ, Simɔɔ wi bɑ rɑ soku Piɛɛ kɑ win wɔnɔ Andere. Bɑ susure mɔ̀ dɑɑ bure te sɔɔ kɑ yɑ̃ɑkororu.

Korinti I 1:27

Adɑmɑ Gusunɔ u bu ɡɔsɑ be hɑnduniɑɡibɑ mɛɛrɑ nɡe ɡɑri bɑkɑsu u kɑ bwisiɡibu sekuru doke, u mɑɑ hɑnduniɑn dɑm sɑriruɡibu ɡɔsɑ u kɑ dɑmɡibu sekuru doke.